Éxodo 23:26 - Tayta Diosninchi Isquirbichishan

²⁶ Gamcunachöga manami ni jucnayllapis warmicuna shullongapächu, ni manami cangapächu wawata mana tarejpis. Chayno manami wañunquipächu edäniquiman manaraj chayarga.

Éxodo 23:26 ပူးပေါင်းရင်းမြစ်များ

Génesis 25:8

Payga wañucur ñaupa wañoj castancunawan tincojna aywacuran. Pasaypa auquinna cashpan alli wañuypana wañucuranpis.

Génesis 35:29

Wañucorga ñaupa wañoj castancunawan tincojna aywacuran. Wañucuptin wamrancuna Esaüwan Jacob pamparan.

1 Crónicas 23:1

Davidga pasaypa auquinna cashpanmi wamran Salomonta Israelcunapa raynin cananpaj churaran.

Job 21:10

Uywancunapis fiyupami miran. Uywanpa wawancunapis manami wañunchu.

Job 42:17

Jobga wañuran pasaypa auquinyayllaparaj.

Job 5:26

Auquinyarpis callpayojllarämi caycanquipaj timpuncho rutusha rïgunöraj.

Salmos 107:38

Tayta Dios bindisyunta gon runacuna aypallaman mirananpaj. Uywancunapis mana ushacaypa miran.

Salmos 144:13

Micuy churacunäcunachöpis llapan casta micuy juntasha caycuchun. Uywäcunapis jircacho waranganpa waranganpa miraycuchun.

Salmos 55:23

Tayta Dios, wañuchicojcunawan llullacunaga pöcu timpulla cawachun. Amana chayachunnachu pullallanmanpis cawananpaj cajmanga. Gam camacaycachiy paycuna illajpita wañunanpaj. Nogami ichanga gamllaman yäracamö.

Salmos 90:10

Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna.

Isaías 65:20

Chaychöga wamracunapis yurircullarga manami wañonganachu. Auquincunapis cawanga alli wañuypa wañunanyajmi. Pachac watayoj caycashancho wañorga wañonga mösullaraj caycashpanmi. Manaraj pachac watamanpis chayallar wañojtaga ‹maldisyunädumi casha› nengami.

Oseas 9:14

Castigay Tayta Dios, ichanga ¿imawanraj castiganqui? Paycunapa warmincunaga amana wawatapis tarichunnachu. Warmincunapa chuchuncunapis chaquichunna.

Deuteronomio 28:4

Bindisyuntami churamonga wamrayquicunamanpis, micuyniquicunamanpis, wäcayqui uyshayqui mirajcunamanpis, waquin uywayquicunamanpis.

Deuteronomio 4:40

Chayno caycaptenga Tayta Diospa laynincunata, mandamintuncunata canan willapaycashäta cumlinqui. Chaura gamcunapäpis, wamrayquicunapäpis alli goyaymi cangapaj. Chaynöpami Tayta Dios goycushunayquipaj caj nasyuncho tiyashpayqui edäyänayquicama cawanquipaj.»

Deuteronomio 7:14

Waquin nasyuncunapitapis masmi gamcunata bindisyunninta goshunquipaj. Chaymi gamcunachöga llapan warmicunapis ollgucunapis wamrayojlla canga. Uywayquicunapis allimi miranga.