Éxodo 15:17 - Tayta Diosninchi Isquirbichishan

¹⁷ Tayta Dios, Israelcunataga gammi pushanquipaj tiyanayquipaj acrashayqui puntaman. Tiyanayquitaga quiquiquimi camarishcanqui. Chaychömi imaycamapis tiyachinquipaj.

Éxodo 15:17 ပူးပေါင်းရင်းမြစ်များ

2 Samuel 7:10

Camarishcä juc pachata acrashä Israel runacunapäpis. Quiquinpachöna tiyananpaj churashcä. Chaychöga manami pipis rimapangachu. Fiyu runacunapis manami ñaupatanöga ñacachengachu.

1 Reyes 8:13

Canan nogaga rurachipashcä Templuta juc pachacho imaycamapis chaycho tiyanayquipaj.»

Salmos 114:2

Chaypitana Judá partiga ricacuran Tayta Diosta rispitana parti. Israel nasyunna pay mandashan ricacuran.

Salmos 2:6

«Rispitädu Sión lömächo raynë cananpäga maynami acrashcä» nir.

Salmos 44:2

Quiquiquimi mana rispitashojcunatapis jitarirayqui. Jäpa runacunata illgächirayqui. Chaymannami awilöcunata tiyachirayqui.

Salmos 68:16

Altu jircacuna, puntacuna ¿imanirtaj chiquir ricapanqui Tayta Dios tiyashan Sión lömata? ¡Chaychömi Tayta Diosga imay-yajpis tiyanga!

Salmos 76:2

Jerusalenchömi Wasenga caycan. Chaychömi tiyanan.

Salmos 80:15

Chay übastaga quiquiquimi lantarayqui. Chillguiptenga quiquiquipaj cananpämi ricarayqui.

Salmos 80:8

Egiptupitami übas lantata apamurayqui. Mana rispitashojcunataga chacrapita jitarishcanqui chay übasta lantanayquipaj.

Éxodo 15:13

«Jorgushayqui runacunataga cuyapashpayquimi pushaycanqui. Munayniquiwanmi tiyashayqui rispitädu pachaman pushaycanqui.

Éxodo 23:20

«Nogaga anjilnëtami cachaycämö gamcunata pushashunayquipaj, aywaptiqui imapitapis chapäshunayquipaj. Chayachishunquipaj gamcunapaj camarishä cajman.

Éxodo 25:8

«Chay ofrenda churashancunawan wasi-nirajta nogapaj ruranqui. Chaynöpami gamcuna tiyashayquicho imaypis tiyashäpaj.

Éxodo 32:34

Cananga cutiycushpayqui runacunata pushanqui aunishä partiman. Anjilnëmi pushashunqui. Chaypis Israelcuna juchata rurashanpitaga castiganä junaj chayamuptinnami castigashaj.»

Jeremías 2:21

Gamcunata nogaga shuyni tiyachirä mas alli casta caj übasta lantajno, mas alli casta caj übas murutanömi. Ichanga ¿imanöpataj fiyupa mana alliman ticrashcanqui?

Jeremías 31:23

Israelcunapa munayniyoj Tayta Diosnin nin: «Judá runacunataga cutichishaj ñaupata tiyashan partimanmi, siudänincunamanmi. Chaycho tiyajcunaga yapaynami parlangapaj: ‹¡Alli goyay caycashan rispitädu jircaman Tayta Dios bindisyunninta churaycuchun!› nir.

Jeremías 32:41

Alli goyänanpaj paycunata yanapashpämi cushicushaj. Llapan shongöwan cuyashpämi paycunata cay nasyunman tiyachishaj.

Ezequiel 37:26

Paycunawan alli parlashaj allillana goyänanpaj. Alli parlashäga para-simrinami canga. Paycuna aypallaman mirananpämi camacächishaj. Imaycamapis paycunacho caycänanpänami rispitädu Templötapis churashaj.

Ezequiel 37:28

Templö paycunacho imaycamapis captinmi waquin nasyun runacuna musyanga Israelcunata noga acracushäta.› »

Deuteronomio 33:19

Paycunaga juc-lä runacunatami puntaman gayangapaj. Chay runacunawanna Tayta Diospaj uywacunata pishtanga. Lamarcho ima-aycapis bälejcuna cajwan rïcuyarmi cushisha goyanga.»

Josué 22:19

Chasquishayqui chacracuna ganra cashanta yarparga nogacuna tiyashä cajman shacamuy tiyanayquipaj. Chaychömi Tayta Diospa Rispitädu Toldunpis caycan. Shacamorga nogacuna cajchömi gamcunapis chacracunata chasquinquipaj. Imano carpis juc altartaga ama ruraychu. Juc altarta jataracherga Tayta Diospa contran, nogacunapa conträmi jatariycanqui.