Éxodo 15:14 - Tayta Diosninchi Isquirbichishan

¹⁴ Chayta mayarga waquin nasyuncho tiyajcunapis fiyupami mancharenga. Filistea runacunapis mancharir almaynajmi ricaconga.

Éxodo 15:14 ပူးပေါင်းရင်းမြစ်များ

1 Crónicas 14:17

Chayno David rurashanga intëru nasyuncunaman mayacaran. Tayta Diosnami camacächiran Davidtaga llapan nasyun runacuna manchacunanpaj.

Salmos 48:6

Paycunataga pasaypa manchariy charicuycuran. Warmita gueshyacuy nanay charishannömi nanay charicuycuran.

Salmos 48:7

Tarsispita shamoj büquicunata löcu wayra paquir-ushashannömi chay runacunataga usharishcanqui.

Isaías 14:29

Filistea nasyun runacuna ama cushicuychu magaycäshushayqui Asiriapa raynin juc bastun paquejno wañushanpita. Juc culebra llojshishan uchcupita mas benënuyoj culebranami llojshimonga. Chaypa guepanmanga mas fiyupa benënuyoj buylaj culebrapis llojshimongami.

Isaías 14:31

¡Filistea runacuna llapayqui llaquicuy! ¡Nanaywan gaparpay! ¡Manchariywan sicsicyay! Norte caj-läpitami suldärucuna aywaycämun pucutayno jirca ñitejraj. Fïlanpa aywaycämushanpitaga manami ni juc runapis llojshinchu.

Isaías 23:5

Tiro imano ruracashantapis musyaycur Egipto runacunaga fiyupami llaquiconga.

Ezequiel 32:9

«Mana rejsishayqui nasyuncunamanmi ushacashayqui willapaga chayanga. Chauraga achca marcacunacho fiyupami mancharenga.

Habacuc 3:6

Pay ichiycuptenga intëru cay pachami sicsicyan. Pay ricapäriptenga nasyuncunapis fiyupami mancharin. Imaycamapis caycaj jircacunapis juchucäcunmi. Imaycamapis caycaj puntacunapis gotucäcunmi. Tayta Diospa yachachicuynincunami ichanga imaypis mana ushacanchu.

Habacuc 3:7

Nogaga ricashcämi Cusán runacuna fiyupa llaquicuycho carcaycajta, Madián runacunapis manchariyllawan sicsicyarcaycajta.

Números 14:14

willapanga Canaancho tiyajcunatami. Cananeo runacunapis mayashami gam cay runacunacho caycashayquita, paycunawan ricanacuypa parlashayquita, cay runacunapa ñaupanta ichiraycaj pucutaycho junajpa aywashayquita, chacaypana ichiraycaj nina rataycajcho aywashayquita.

Números 22:5

Israel runacunata manchacushpanmi gayachiran Beorpa wamran Balaamta. Balaamga tiyaycaran Éufrates mayu läduncho caycaj Petorchömi. Chaychömi Amav runacuna tiyaycaran. Balaam cajman manaraj aywaptin cachancunataga Balac sumaj willaparan chayaycur cayno ninanpaj: «Egiptupita aypalla runacuna yargamurmi nogacuna tiyaycashä cajman juntajpaj chayamusha.

Deuteronomio 2:25

Cananpitaga nogami camacächishaj cay pachacho llapan runacuna fiyupa manchacushunayquipaj. Chaymi gamcunapaj parlajta wiyashpan pasaypa llaquicur manchariywan sicsicyanga.›

Josué 10:2

Gabaón siudäga ray tiyashan siudänömi jatun caran. Hai siudäpitapis mas jatunmi caran. Chaycho tiyaj runacunapis pillyayta yachaj runacunami caran. Israel runacuna magaptin Gabaón runacuna yanapänanpaj cashanta yarparmi Adonisedecwan Jerusalencho tiyaj runacunapis pasaypa manchariran.

Josué 2:11

Tayta Diosniquega janaj pachachöpis cay pachachöpis fiyupa munayniyojmi. Chaymi fiyupa mancharishcäcuna. Manami pipis gamcunawan pillyananpaj baluranchu.

Josué 9:24

Chayno niptin Josuëta paycuna niran: «Nogacunaga llullapashcä wañuchimänayquita fiyupa manchacushpämi. Nogacuna mayarä fiyupa munayniyoj Tayta Diosniqui sirbejnin Moisesta mayna nishanta, gamcunata cay partitaga intëruta goycushunayquipaj cashanta, caycho tiyajcunataga ushajpaj wañuchinayquipaj cashantapis.

Josué 9:9

Paycunana niran: «Tayta Diosniqui fiyupa munayniyoj cashanta mayaycärirmi nogacunaga fiyupa carupita shamushcä. Mayashcämi Egiptucho imano imata rurashantapis.

1 Samuel 4:7

fiyupa mancharir ninacuran: «¡Diosmi chayamusha Israelcuna pachacaraycashanman! ¡Cananga usharamäshunchari! ¡Manami imaypis chaynörächu casha!

1 Samuel 4:8

¡Ushacäshunchari! ¿Piraj salbamäshun fiyupa munayniyoj Diospa maquinpita? ¡Paymi tucuy gueshyawan llapan Egipto runacunatapis chunyajcho illgächiran!