Ester 9:27 - Tayta Diosninchi Isquirbichishan

²⁷ Israel runacunaga custumriman ticrachiran paycunapita miraj wamrancunapis mana gongaypa rurananpaj, Israel cayman ticrajcunapis cada watalla chay fistataga rurananpaj. Chay fistataga rejsisha quillacho ishcay junaj ruraran imanöpis rurananpaj nishanno.

Ester 9:27 ပူးပေါင်းရင်းမြစ်များ

Ester 8:17

Carta chayashanchöga llapan siudäcunacho, probinsyacunacho, marcacunacho Israel runacuna fiyupa cushicuran. Fistata rurar alli micuycunata micuran. Israelcunata manchacushpan achca juc-lä runacuna Israel cayman ticracuriran.

Ester 9:20

Mardoqueoga chayno rurashancunata llapanta isquirbichiran. Nircur cartata apachiran ray Asuero mandashanmanga intëru probinsyacunaman llapan Israel runacunaman sercamanpis carumanpis.

Ester 9:21

Carta apachishancho niycaran cada watalla Adar quillaga chunca chuscu (14) caj junajcho y chunca pichgan (15) junajcho fistata rurananpaj.

Ester 9:28

Chay junajcunataga imaycamapis yarparänanpaj niran. Chayno paycunapita mirajcunapis Israel runacuna ticrapar wañuchishanta imaypis mana gongananpaj cada famillya tiyashancho, siudäcunacho chay fistata mana illgächiypa rurananpaj niran.

Salmos 78:7

Chaynöpanami Tayta Diosman yäracur alli goyäshun. Tayta Dios allita rurashancunatapis manami gongashunchu. Tayta Diospa mandamintuncunata cumlishun.

Isaías 2:3

Aypalla runacunami shamunanpaj cayno parlaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami willamäshun imano goyänanchïpaj cashantapis. Chaynöpana pay munashanno llapantapis rurashun» nishpan. Jerusalenpitami Tayta Diosga yachachimäshun. Chay Sionpitanami parlapämonga.

Isaías 56:3

Jäpa runaga Tayta Dios munashanno rurar ama ninmanchu: «Acrashan runacunapita shuynimi Tayta Dios charämanga» nir. Capun runapis ama ninmanchu «Nogaga juc chaquisha guerunömi cä» nir.

Isaías 56:6

Jäpa runacuna sirbimänanpaj, cuyamänanpaj Nogapa munaynëman guellicamur säbadu jamay junajta rispitar, conträtuta rurar parlacushäno llapanta cumliptenga

Ezequiel 16:61

Mayur ñañayquita, shullca ñañayquita wamrayquicunano cananpaj gampa maquiquiman churamuptë yarpärinquipaj unay imano cashayquitapis. Chayrämi fiyupa pengacunquipaj. Ñañayquicuna maquiquicho cananpäga conträtuta rurar parlacushanchïchöpis manami ninchu.

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Zacarías 8:23

«Noga, munayniyoj Tayta Diosmi cayno në: Chay wichanga chuncaj juc-lä nasyun runacunami juc Judá runata röpanpita charircur ruwangapaj: ‹¡Gamwan aywaytami munä. Nogacunaga mayashcä Dios gamcunacho caycashantami!› nir.»

Números 15:15

Nishätaga cumlinqui gamcunapis lagacamoj jäpacunapis. Chay nishäcunaga imaycamapis laymi canga gamcunapaj gamcunapita mirajcunapäpis.

Deuteronomio 5:3

Chay conträtutaga manami unay caj famillyallanchïwanchu ruraran. Caycho canan shuntacasha caycajcunawanpis rurashami.

Josué 9:15

Chaynöpami Josuëga paycunawan conträtuta ruraran mana wañuchinacunanpaj, alli goyänanpaj. Waquin mandaj Israel runacunapis Josué nishannölla Tayta Diospa jutincho jurar auniran.

Jueces 11:40

Chaypitami Israel casta jipashcunaga cada watalla Jeftëpa wamranpaj chuscu junaj wagaj.

1 Samuel 30:25

(Chay junajpita-pachami canancama Israel runacunaga iwal raquipänacun.)