Ester 9:22 - Tayta Diosninchi Isquirbichishan

²² Cada watalla fistata ruranan caran chay ishcan junaj chiquejcunata Israelcuna wañuchishanpita, chay quilla fiyupa llaquicuy wagay caycashanpita cushicur fista rurayman ticrashanpita. Chay junajcunachöga cushicur alli micuyta micur jucnin-jucnin imatapis aypunacunanpaj, pobricunatapis imatapis goycunanpaj niran.

Ester 9:22 ပူးပေါင်းရင်းမြစ်များ

Ester 9:19

Chaypitami curaläni marcacunacho tiyaj Israel runacunaga jaman Adar quillachöga chunca chuscu (14) junaj cajchöraj. Fistata rurashpan jucnin-jucnin imatapis aypunacun.

Ester 9:21

Carta apachishancho niycaran cada watalla Adar quillaga chunca chuscu (14) caj junajcho y chunca pichgan (15) junajcho fistata rurananpaj.

Ester 9:23

Chayno cashanpitami Mardoqueo isquirbircur apachishanta Israel runacunaga custumriman ticrachiran.

Salmos 103:2

Almantïmi Tayta Diosta alabashaj. Yanapämashancunataga manami gongächu.

Salmos 149:7

Chay sabliwanmi ayñita cutichinqui Tayta Diosta mana rispitajcunataga. Juc nasyuncunatapis magar castiganqui.

Salmos 30:11

Fiyupa llaquicuycho caycaptëmi cushicuyta churamushcanqui. Lütu röpata lojtiparcamar fistapaj caj röpatana jatiparcamashcanqui.

Salmos 30:12

Chaymi Tayta Dios, upällallaga imaypis mana cacushächu. ¡Gamllatami alabashayqui! ¡Imaypis agradësicuycäshayquimi!

Salmos 37:15

Ichanga quiquinpa sablillanmi shongupa tucsipaycongapaj. Lëchancunapis agullashami ricacongapaj.

Isaías 14:3

Israelcuna, ñacaycashayquipita uywayno fiyupa sirbircaycashayquipita Tayta Dios jamachishunquipämi.

Zacarías 8:19

«Noga, munayniyoj Tayta Diosmi cayno në: Wataman aywajcho chuscu caj quillacho, pichga cajcho, ganchis caj quillacho, chunca caj quillacho llaquicur ayunashayquicunaga cushicuymanmi ticrangapaj. Judäpita mirajcunapäga cangapaj cushicuy fistami. ¡Ichanga gamcuna allilla caway; rasunpa cuyanacuy ari!

Mateo 5:4

«Cushishami cawanga llaquicuycajcunaga. Paycunataga Tayta Diosmi shacyächenga.

Lucas 11:41

Gamcunaga pobricunata imallachöpis yanapay. Chaynöpami rurinta mayllasha pusilluno shonguyquipis alli cangapaj.

Gálatas 2:10

Paycunaga nimaran Jerusalencho caj pobri ermänucunata mana gonganalläpämi. Chaytaga mana gongaypami ruraycä.

Deuteronomio 15:7

«Tayta Dios goycushunayquipaj caj nasyuncho tiyarcaycashayqui siudächo marca-masiqui pobri captenga yanapanqui. Ama canquichu mana cuyapäcöga.

Deuteronomio 16:14

Chayta rurar cushicunqui ollgupis warmipis wamrayquicunawan, warmiquiwan, uywayniquicunawan, Leví trïbu runacunawan, jäpa runacunawan, wacchacunawan, marcayquicho tiyaj biyüdacunawanpis.

Deuteronomio 16:15

Chay fistataga Tayta Diosta adurashpayqui ganchis junaj ruranqui pay acrashan pachacho. Tayta Diosga bindisyunta churangami micuyniquimanpis, arushayquimanpis. Chaura fiyupa cushishami goyanquipaj.

Apocalipsis 11:10

Chay profëtacuna wañushanpita cushicurmi runacuna regäluta jucnin-jucninpis aypunaconga. Chay profëtacunami paycunata pasaypa ñacachisha caran.

1 Samuel 25:8

Masqui tapunquimanpis uywayniquicunata. Paycunami willashunqui rasun cajtaga. Cananga gampis cachäcunata cuyapaycuy ari. Paycuna gamman alli öra chayamuptin, cuyapämashpayqui imallatapis goycamuy ari micunäcunapaj. Nogaga wamrayquinömi cä.› »