Ester 5:14 - Tayta Diosninchi Isquirbichishan

¹⁴ Chayno niptinmi warmin Zereswan amïguncuna niran: «Runa matinata rurachiy ishcay chunca pichgan (25) metru altupita warcuchinayquipaj. Nircur wara tutalla rayta ninqui Mardoqueota chaycho matichinanpaj. Chayno rurarcorga mana yarpachacuypanami aywanqui raywan iwal micoj.» Chayno nishan Amanpäga fiyupa alli caran. Chaymi runa maticunata rurachiran.

Ester 5:14 ပူးပေါင်းရင်းမြစ်များ

2 Samuel 16:21

Chayno Absalón tapuptin Ahitofel niran: «Papäniquimi chïnancunata cachasha palasyuta täpananpaj. Paycunata charircur-charircur ruracuriy ari. Chaynöpami llapan Israelcuna tantiyaconga papäniquiwan chiquinacushayquita. Chaura masmi balurchanga gampa faburniqui caycajcunapis.»

1 Reyes 21:25

Acabnöga manami pipis juchata rurashachu. Payga warmin Jezabelpa shimintami chasquej. Tayta Diosta mana wiyacur juchata ruraran.

1 Reyes 21:7

Chaura warmin Jezabelga niran: «¡Cay Israelchöga gamchaj caycanqui llapanta mandaj! Ima captinpis micucurcuy upucurcuyraj. Ama yarpachacuychu. ¡Nogami camacächishaj Nabotpa chacranga gampaj cananpaj!»

Ester 6:4

Chayno parlarcaycaptin Amanga yaycuriran palasyu puncun sawanman. «Mardoqueota matichishaj matinata rurachishächo» nir rayta ninanpaj aywaran. Rayga yanapajnincunata tapuran: «¿Pitaj puncucho puriycan?» nir.

Salmos 37:14

Fiyucunaga sablinta, lëchanta, lëcha jitacunanta camaricun pobricunata, alli runacunata wañuchinanpaj.

Salmos 37:32

Fiyu runaga michipaycanmi alli runata wañuchiyta yarpapashpan.

Salmos 9:15

Mana rispitashojcunaga yaganga quiquincuna uchcuta rurashallanmanmi. Togllata churashanpis quiquincunatami charenga.

Proverbios 1:18

Chay runacunami ichanga quiquin mana alliman chayanallanpaj llapantapis camariycan. Quiquillanmi wañuytapis ashircaycan.

Proverbios 4:16

Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Romanos 1:32

Paycunaga musyaycanmi chayno cawajcuna infiernucho ñacananpaj cashanta. Chayta musyaycarpis mana manchacuypami chayno juchata ruran. Waquin runacunatapis shacyächin chayno mana allicunata rurananpaj.

Romanos 3:15

Mana allita rurananpäga apurädumi cörrin. Wañuchicuyllatami yarparcaycan.

Apocalipsis 11:10

Chay profëtacuna wañushanpita cushicurmi runacuna regäluta jucnin-jucninpis aypunaconga. Chay profëtacunami paycunata pasaypa ñacachisha caran.