Ester 4:4 - Tayta Diosninchi Isquirbichishan

⁴ Rayna Esterta sirbej warmicunawan täpaj ollgu cajcunapis willaran imano Mardoqueo caycashanta. Chaura rayna Esterpis llaquicuyman churacaran. Nircur Mardoqueoman röpata apachiran gachga röpa jatiraycashanpita rucacunanpaj. Mardoqueo ichanga rucacuyta mana munaranchu.

Ester 4:4 ပူးပေါင်းရင်းမြစ်များ

Génesis 37:35

Llapan wamrancuna warmi caj, ollgu cajpis shogaran. Ichanga mana munaranchu maygan shoganantapis. Wamranpäga amatar wagaj. Chayno wagashpanmi cayno niran: «Wamräta lütushaj imaypis wañunäcamami, wañur tincunäcama.»

2 Reyes 9:32

Chaura Jehüga bentänaman ricärir niran: «¿Pitaj caycan nogapa faburnë?» Ishcay quimsa sirbejcuna watgarcäriran.

Ester 1:12

Raypa cachancuna willaptin rayna Vastiga mana shamuyta munaranchu. Chaura rayga fiyupa rabyacurcuran. Fiyupa rabyasha

Ester 4:3

Israel runacunata wañuchinanpaj layta willacachishan siudäcunachöpis Israel runacunaga llaquicushpan, wagashpan ayunaran. Waquenga gachga röpancuna jatisha puñuran uchpa janancunacho.

Ester 4:5

Chaymi Esterga gayaran Hatac jutiyoj suldäruta. Hatacga caran Esterta cuydananpaj ray churashan suldärumi. Mardoqueo cajman cacharan aywaycur ima päsaycashantapis imanir chayno ruraycashantapis tapunanpaj.

Salmos 77:2

Llaquisha caycashä öra Tayta Diosta mañacö. Chacaycuna mañacushpä mana jamaypami maquëcunata jogarirä. Chayno mañacuptëpis manami cushicachimannachu.

Isaías 56:3

Jäpa runaga Tayta Dios munashanno rurar ama ninmanchu: «Acrashan runacunapita shuynimi Tayta Dios charämanga» nir. Capun runapis ama ninmanchu «Nogaga juc chaquisha guerunömi cä» nir.

Jeremías 31:15

Tayta Diosmi nin: «Ramá marcachömi llaquicushan wiyacan. Llaquicuypita fiyupa gaparaypami wagaycan. Raquelmi wamrancunata apacushanpita fiyupa wagaycan. Wamrancuna manana captinmi pï shoganantapis mana munanchu.»

Hechos 8:27

Chaura Felipega jinan öra aywaran. Caminuchöna Etiopía runawan tincuran. Payga Etiopiacho rayna Candacepa tesurërunmi caran. Tayta Diosta adurajmi Jerusalenman aywasha caran.

1 Samuel 8:15

Guechuchishunquipaj micuyniqui poguptinpis cada chuncapita jucta, übasniqui wayojpitapis. Nircur goyconga mayur yanapajnincunata, palasyuncho mandaj suldäruncunata.