Esdras 10:11 - Tayta Diosninchi Isquirbichishan

¹¹ Chaymi canan gamcunaga unay awiluyquicuna rispitar adurashan Tayta Diospa ñaupancho rasunpa juchayoj cashayquita cunfisacur Tayta Dios munashannöna goyay. Raquicayna Diosta mana rispitaj runacunapitaga. Juc-lä nasyun warmiwan tiyajcunapis raquicay.»

Esdras 10:11 ပူးပေါင်းရင်းမြစ်များ

2 Crónicas 30:22

Tayta Diosta alli alabashanpita Ezequiasga cushicur Leví runacunata «allimi rurashcanqui» niran. Ganchis junaj fistacho micuyta micurcärir, alli goyaypita sacrifisyu uywacunatapis pishtarcärir, unay awiluncuna rispitashan Tayta Diosta adurarcärerga

Esdras 10:10

Chaymi cüra Esdrasga ichircur niran: «Gamcunaga juc-lä nasyun warmicunawan majachacarmi juchata rurashcanqui. Chaynöpami Israelcunataga masna juchayojyächishcanqui.

Esdras 10:12

Chaura llapan runacuna sinchipa niran: «Au, nimashayquinömi nogacunaga cumlishaj.

Esdras 10:3

Canan nogacunaga Tayta Diospa laynincho niycashannömi juc-lä nasyunpita caj warmëcunata wamrantinta gargurishaj. Gam nimashayquinömi, Tayta Diospa mandamintuncunata cumlejcuna nimashannömi llapanta rurashäcuna.

Esdras 9:1

Chaypitanaga mandajcuna aywaycamur nimaran: «Israelcunaga cüracunapis, cüracunata yanapaj Leví runacunapis juc casta runacunawan tallucashami goyasha. Mana allita rurajta ricaycarpis iwalmi goyasha Cananeo, Het, Ferez, Jebús, Amón, Moab, Egipto, Amorreo runacunawan.

Nehemías 13:3

Lay nishanta wiyaycur juc-lä nasyuncunawan majachacasha caycajta, juc-lä runacunata Israelcunapita raquiran.

Nehemías 9:2

Nircur ichircärir reconösiran «nogacunapis unay awilöcunapis juchasapami cä» nir. Israelcunallami juc-lä nasyun runacunapita acracaran.

Salmos 32:5

Chaymi sumaj yarpachacurir «Juchätaga llapanta Tayta Diosta willapäshaj» nishcä. Nircurna mana alli rurashäcunataga mana pacaypa gamta willashcä Tayta Dios. Chauraga gamnami llapanta perdunamashcanqui. Selah

Proverbios 28:13

Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Isaías 56:4

Tayta Diosga caynömi nin: «Capun runacuna caycajpis säbadu jamay junajcunata rispitaptin; Noga munashäcunata cumliptin; conträtuta rurar parlashänölla ruraptenga

Jeremías 3:13

Rimariy ari juchayoj cashayquita. Reconösiy mana wiyacoj cashayquita, rämasapa yöracuna rurinman juc dioscunata aduraj aywashayquita, Noga nishäcunata mana wiyacushayquitapis.» Tayta Diosmi chayno nin.

Jeremías 7:3

Gam Israelcunapa munayniyoj Tayta Diosniquimi cayno nin: Allita rurashpayquina caway. Chauraga nogapis camacächishaj cay particho jinalla tiyarcaycänayquipämi.

Ezequiel 18:30

Chaypitami gam Israelcunataga imano rurashayquipitapis cada-ünuyquita jusgashayqui. Noga Tayta Diosmi chayno në. Mana allita ruraycashayquipitaga juclla arpinticuy mana alliman mana chayanayquipaj.

Juan 9:24

Niptin mandaj Israelcunaga yapay gayarcachir gapra cashanpita allchacaj runata tapuran: «Tayta Diospa jutincho juray. Cananga rasun cajta willamay. Nogacunaga musyämi chay allchacächishoj runa juchasapa cashanta.»

Romanos 12:2

Waquin runacuna shongun munashanta rurar cawashannöga amana cawaynachu. Chaypa ruquenga llutan yarpaycunata y jucha ruraycunata cachaycur yarpachacuy Tayta Diosninchi munashanno cawanayquipaj. Chaynöpami tantiyanquipaj Tayta Diosninchi munashanno cawayga mas alli caway cashanta.

2 Corintios 6:17

Mastapis Tayta Diospa palabrancho nin: «Jucha rurajcunapitaga witicuy. Paycunapitaga llojshicuy. Ganra cajcunataga ama yataychu. Chayrämi chasquishayqui.

Colosenses 1:10

Chaynami pay munashanno imaypis cawanquipaj. Gamcunaga cawanquipaj Tayta Diosta manchapacurmi, pay munashanta rurarmi.

Josué 7:19

Chaura Acanta Josué niran: «Ïju, Tayta Diosta rispitashpayqui mana pacaypa willacuy ima rurashayquitapis.»