Efesios 3:20 - Tayta Diosninchi Isquirbichishan

²⁰ ¡Cananga Tayta Diosninchïta alabayculläshun! ¡Payga fiyupa munayniyoj carmi mañacushanchïpitapis, yarpashanchïpitapis masta yanapämanchi!

Efesios 3:20 ပူးပေါင်းရင်းမြစ်များ

Génesis 17:1

Abram isgun chunca isgun (99) watayoj caycaptin Tayta Dios yuriparcur niran: «Nogami cä munayniyoj Dios. Noga munashänölla goyay. Mana allicunata ama ruraychu.

Génesis 18:4

Yacuta aparaycachimushaj gamcuna chaquiquita mayllacunayquipaj. Nircur jamapärinqui yöra chaquin llantullacho.

2 Samuel 7:19

¡Jananmanpis aunimashcanqui shamoj watacunacho nogapita mirajcuna munayniyoj cananpaj! ¡Manami ni pï runapis gamnöga ruranmanchu Tayta Dios!

1 Reyes 3:13

Gam mana mañacamasha captiquipis yanapäshayquimi rïcuyänayquipaj, munayniyoj canayquipaj. Chaymi gam cawashayquicamaga mana cangapächu juc ray gamnöga.

2 Crónicas 25:9

Chaura Amasiasga profëtata tapuran: «Chaura ¿imanötaj arriglashaj quimsa waranga quimsa pachacnin (3,300) quïlu guellaynëta Israel suldärucunata pägashätaga?» Diospa profëtan niran: «Tayta Diosga caycanmi pägashayquipita masta goshunayquipäpis.»

2 Crónicas 9:12

Ray Salomonnami Sabäpa raynantaga goycuran llapanta imatapis munashan cajcunata, apamushanpita goycushanpa jananmanraj. Chaypita raynaga nasyunninman cuticuran uywaynincunawan iwal.

Éxodo 34:6

Moisespa ñaupanpa päsashpan Tayta Diosga cayno niran: «¡Nogaga Tayta Diosmi cä! ¡Nogaga Tayta Diosmi cä! Cuyapäcoj, alli shongu Diosmi cä. Jucllaga imapitapis mana rabyacojmi cä. Pasaypa cuyacojmi cä. Rasun cajta rurajmi cä.

Cantares 5:1

Cuyaynë, majallä, wertächönami caycä. Maynami shuntashcäna mïrra perfümita, cuyayllapaj asyajcunatapis. Sërallanchöraj caycaj mishquitapis maynami yawashcäna. Lëchitawan bïnutapis maynami upushcä. Amïgöcuna, micuy, upuy. Gamcunaga, aycatapis gustashayquita upuy.

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Jeremías 32:17

«Tayta Dios gammi fiyupa munayniquiwan camashcanqui syëlutapis cay pachatapis. Gampäga manami imapis sasa canchu.

Jeremías 32:27

«Nogaga llapan cawajcunapa Tayta Diosninmi cä. Chaura ¿imallaga nogapaj sasa canchuraj?

Daniel 3:17

Nina rataycaj wayllasha jurnuman gaycamaptinpis nogacuna adurashä Diosnëga salbamanmanmi. Gam fiyupa mana allita ruramayta munaycashayquipitapis salbamanmanmi.

Daniel 6:20

Liyuncuna caycashan uchcu puncunman chayaycashancho rayga llaquisha gayacuran: «Cawaj Diosta sirbej Daniel, ¿mana cachaypa sirbishayqui Diosniquega liyuncunapita salbashurayquichu?» nir.

Mateo 3:9

Ama yarpaynachu-llapa Abrahampita miraj cashallayquipita Tayta Dios salbashunayquipaj cashantaga. Munarga Tayta Dios cay rumicunatapis Abrahampita mirajmanga ticrarachinmanmi.

Juan 10:10

Suwaga shamun suwacunanpaj, wañuchinanpaj, illgächinanpämi. Nogami ichanga shamushcä imaycamapis alli cawayta tarichinäpaj.

Romanos 16:25

¡Tayta Diosninchïta alabayculläshun! Paymi Jesucristupa willacuyninta willacushänölla y Jesucristupita yachachishänölla sumaj yäracunayquipaj munayniyoj caycan. Chay willacuy caycan pipis mana musyashanmi. Chayga pacararan cay pacha manaräpis camasha cashanpita-pachami.

Romanos 4:21

«Tayta Diosninchëga munayniyojmi llapan aunishanta cumlinanpaj» nir.

1 Corintios 2:9

Tayta Diosninchïpa palabranchöpis caynömi niycan: «Pipis mana ricashanta ni mana wiyashanta ni mana yarpashantami payta cuyajcunapäga Tayta Diosninchi camarisha.»

2 Corintios 9:8

Tayta Diosga allimi bindisyunta goshunquipaj. Y manami imayquipis pishengachu. Chaypa ruquenga ima-aycayquipis puchu-puchumi canga pobricunata yanapänayquipaj.

Efesios 1:19

Payman yäracojcunataga Tayta Diosninchi fiyupa munayninwan yanapashanta, chay munaynenga imamanpis mana tincushanta. Chay munayninwanmi Tayta Diosninchëga

Efesios 3:7

Chay alli willacuyninta willacunäpämi Tayta Diosninchi cuyapämar nogataga churamasha.

Colosenses 1:29

Chaypämi imano ñacarpis Jesucristo munayninwan yanapämaptin willacur puriycä.

1 Timoteo 1:14

Chayno caycaptëpis Tayta Diosninchïmi alli cashpan cuyapämar tantiyachimaran payman yäracunäpaj y Jesucristo cuyacoj cashanno cuyacoj canäpaj.

Hebreos 11:19

Chaymi Abrahamga yäracuran: «Munarga wañushacunatapis Tayta Dios cawarachimongami» nir. Chaynöpami Abrahamga wamranta mana wañuchiranchu. «Wamrä cawarimushanönami» nir cutichicuran.

Hebreos 7:25

Chaymi payga pï-maytapis salbananpaj imaycamapis caycan. Pay nishanta wiyacushpan Tayta Diosman yäracojtaga salbangami. Jesusga imaycamapis cawaj cashpanmi Tayta Diosta ruwacun payman yäracojcunapaj.

Santiago 4:12

Tayta Diosnillanchïmi nimäshun alli u mana alli cashanchïtapis. Payga munayniyojmi salbamänanchïpaj, castïguman gaycamänanchïpäpis. Chayno caycaptenga ¿pitaj gam canqui runa-masiquita jamurpänayquipaj?

2 Pedro 1:11

Chayno cawarga Taytanchi Jesucristupa maquincho cawanayquipäpis manami guellananquipächu. Man'chäga quiquin Tayta Diosninchïmi cushisha chayachishunquipaj Jesuspa maquincho imaycamanpis cawacunayquipaj.

Judas 1:24

Alabasha cachun Tayta Diosninchi. Paymi imaypis yanapaycämanchi juchaman mana tuninanchïpaj. Chayno yanapaycämanchi juchaynajtana ñaupanman pushamänanchïpämi. Chaychömi imaycamapis cushisha cawashunpaj.