Eclesiastés 9:5 - Tayta Diosninchi Isquirbichishan

⁵ Cawaycajcunaga musyanrämi wañunanpaj caycashallantapis. Wañushacunami ichanga imatapis mana musyanchu ni gänanpischu. Wañojcunataga llapanmi gongaycärinna.

Eclesiastés 9:5 ပူးပေါင်းရင်းမြစ်များ

2 Samuel 14:14

Llapanchïpis wañushunpämi. Pampaman yacuta jicharerga manami shuntanchïnachu. Tayta Diosmi ichanga pitapis mana wañuchinchu. Chaypa ruquenga imanöpapis camacächin gargushacuna ñaupanman cutinanpaj.

Job 14:21

Wamrancuna alliman chayaptinpis wañucoj runaga manami musyannachu. Wamrancuna mana alliman chayaptinpis wañucoj runaga manami tantiyannachu.

Job 30:23

Musyaycänami wañuchiyta munaycämashayquitaga. Musyaycämi wañojcuna caycashanman chayachimänayquitaga.

Salmos 109:15

Chayno mana allita rurashantaga Tayta Dios imaypis yarparaycächun. Cay pachachöga jutintapis para-simri gongachun.

Salmos 6:5

Wañojcunaga manami pipis yarpäshunquinachu. ¿Piraj alabashunquiman pamparashan allpapitaga?

Salmos 88:13

Nogami ichanga Tayta Dios gamllata gayacaycämö. Tutallanami gamta mañacaycämö.

Eclesiastés 1:11

Unay cashancunataga gongaycärishami. Chaynöllami canan caycajtapis shamoj watacunachöga gongayconga. Guepata yurej cajtapis mas guepa runacuna gongaycongami.

Eclesiastés 2:16

Wañuptenga yachajtapis ni mana tantiyacoj upatapis pipis manami yarpanganachu. Achca wata päsaptenga llapantanami gongaycun. Yachajcunapis mana tantiyacoj upacunapis iwal-llami wañun.

Eclesiastés 7:2

Gachwa caycaj wasiman aywananpitaga täpapacoj aywaymi mas alli. Pï-may runapis simrimi wañun. Chaymi cawaycajcunaga yarpanman paycunapis wañunanpaj cashanta.

Eclesiastés 8:10

Chaynöpis cay bïdacho ricashcämi fiyu runata pampaycajta. Fiyupa mana alli llutanta rurashan marcachöpis chay runa mana allita rurashanta gongaycur alabarcaycaran. Chaypis yangallanami.

Eclesiastés 9:10

Imatapis ruranayquipaj caycashayquicunataga llapan shonguyquipa juclla ruray. Wañucurnaga mananami imatapis ruranquipänachu ni yarpachacunquipänapischu. Manami imatapis musyanquipänachu. Ni yachaj cashayquipis manami canganachu.

Eclesiastés 9:4

Cawaycajcunapäga caycanrämi ima yarpashancunatapis rurananpaj. Chaymi rimaypis can «cawaycaj allgu mas allimi caycan wañusha caycaj liyunpitaga» nir.

Isaías 26:14

Chay mandajcunaga wañushanami. Manami cawarimongapänachu. Paycunaga llantuynöllami casha. Mananami jatarimonganapischu. Castigashpayqui maynami llapanta illgarachishcanqui. Paycunata pipis mana yarpänanpämi illgarachishcanqui.

Isaías 63:16

¡Gammi canqui nogacunapa papänë! Abraham «manami wamrächu canqui» nimaptinpis, Jacob nogacunata mana yarpämaptinpis Tayta Dios, gamllami canqui nogacunapa papänëga. Imaypis nogacunata yanapämäga gamllami canqui.

Lucas 20:32

Llapan wañushanpa guepantaga warmipis wañusha.

Hebreos 9:27

Chayno juc cutillami pï-maypis wañun. Chaypitaga cawarimonga imano goyashanpitapis jusgasha canallanpänami.