Eclesiastés 7:20 - Tayta Diosninchi Isquirbichishan

²⁰ Imano captinpis cay pachachöga manami pipis canchu allillata ruraj, juchata mana imaypis ruräga.

Eclesiastés 7:20 ပူးပေါင်းရင်းမြစ်များ

1 Reyes 8:46

«Cay pachachöga pipis manami canchu juchata mana ruräga. Juchata ruraptenga rabyacurcur chiquinacushanpa munayninmanchari cachaycunqui chay runacunana nasyunninman apacunanpaj.

2 Crónicas 6:36

«Cay pachachöga pipis manami canchu juchata mana ruräga. Juchata ruraptin, rabyacurcur chiquinacushanpa munayninmanchari cachaycunqui. Chay runacunana nasyunninman apaconga caruman sercaman carpis.

Job 33:12

«Gam chayno rimashayquega manami rasunpachu. Diosga llapan runacunapitapis mas munayniyojmi.

Salmos 130:3

Tayta Dios, juchäcunata llapanta yarparaptiquega ¿piräshi ñaupayquimanpis chayamunman?

Salmos 14:1

Mana tantiyacoj fiyu runacunaga «Dios manami canchu» nirmi yarpan. Pasaypa pirdicashanami. Melanaypajcunatami rurasha. ¡Paycunaga mayganpis mananami allitaga rurannachu!

Salmos 14:3

Nishanga llapanpis mana allillatanami rurarcaycan. Llapanpis llutan cajllatanami rurarcaycan. ¡Pipis mananami cannachu allita ruräga! ¡Allita ruräga ni jucnayllapis manami cannachu!

Salmos 143:2

Gampa ñaupayquichöga manami pipis juchaynäga canchu. Chayno captin nogataga ama jusgaycamaychu ari.

Proverbios 20:9

Pipis ama ninmanchu: «Nogaga allita rurallarmi cawä. Manami juchataga imaypis rurashcächu» nir.

Isaías 53:6

Llapanchïmi uyshacunano ogracasha carcaycashcanchi. Cada-ünunchïmi quiquinchi munashanchïno goyäcushcanchi. Ichanga juchanchïcunapita paylla ñacananpämi Tayta Diosga camacächisha.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.

Levítico 13:39

cüra ricanga ima cashantapis musyananpaj. Ricaptin ogui-ogui captenga lluta yurej canchallami canga. Chayno captenga chay runa limyumi canga.

Romanos 3:23

Llapan runami juchayojlla caycan. Chaynöpami salbacoj Tayta Diosninchïpa ñaupanpitapis carucho caycanchi.

Santiago 3:2

Pipis shiminta chapacuyta puyderga jucha ruraycunatapis ichipanmanmi. Ichanga manami pipis canchu allillata parläga. Llapanchïmi imanöllapapis llutanta parlanchi.

1 Samuel 20:34

Jonatanpis fiyupa rabyacurcuran. Jatarcur aywacuran. Chay junäga manana fista micuytapis micurannachu. Fiyupa llaquiparan Davidta papänin jagayächishanpita.