Eclesiastés 6:10 - Tayta Diosninchi Isquirbichishan

¹⁰ Canan caycajcunataga unaynami Dios camacächiran. Chaynöpis musyanchïmi Diospa munayninman mana aypänanchïpaj cashanta. Payga fiyupa munayniyojmi.

Eclesiastés 6:10 ပူးပေါင်းရင်းမြစ်များ

Génesis 3:9

Runata Tayta Dios gayacuran: «¿Maychötaj caycanqui?» nir.

Job 33:13

¿Imanirtaj Tayta Dioswan churacayta munanqui? Diosga imata rurashancunatapis manami pitapis willapanchu.

Job 40:2

«Munayniyoj Dios caycaptë gam jusgamayta munarcur ¿canan nishäcunatapis cutichimaytarächuraj yarpanqui?»

Job 9:32

«Nogaga Diosta manami runa-masëtanöga imatapis nëmanchu. Manami ‹aywashun autoridächo arriglananchïpaj› nëmanpischu.

Salmos 103:15

Runaga guewanöllami cawan. Yurin jircacho wiñamoj waytanöllami.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Proverbios 21:30

Tayta Diospa ñaupanchöga runa may-jina yachaj cashanpis yangami. Allita yarpashanpis, ni alli yarpayniyoj cashanpis manacajllami.

Eclesiastés 3:15

Canan caycashanga unaycunapis carannami. Shamoj watacunachöpis canan caycashallanmi canga. Tayta Diosmi camacächin unay cashanno yapay cananpaj.

Eclesiastés 6:11

Maychöpis achcata parlashanchöga mana cumbënejcunallatami riman. Chayno parlarga mananami ni ima allitapis jorgunchïchu.

Jeremías 49:19

Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Edom runacunaga manchacamashpan gueshpirmi aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipamanman?

1 Corintios 10:22

¿Tayta Diosninchïta rabyachiytachu munarcaycanqui? ¿Noganchëga paypita mas munayniyojchu canchi?