Eclesiastés 3:7 - Tayta Diosninchi Isquirbichishan

⁷ Canmi rachir-ushana timpu; jiranan timpupis. Canmi upälla cacunan timpu; parlanan timpupis.

Eclesiastés 3:7 ပူးပေါင်းရင်းမြစ်များ

Génesis 37:29

Chaypita pösuman Rubén cutirerga Josëta mana tarirannachu. Mana tarir fiyupa llaquicushpan röpantapis rachiriran.

Génesis 37:34

Chaura Jacobga jinan öra jatiraycashan röpanta rachiriran. Nircur gachga röpata jaticuran wamranta unaycama lütunanpaj. Wamran wañushanpita unaycama wagallar goyäcuran.

Génesis 44:18

Chaura Judäga Josëpa ñaupanman witiycur niran: «Tayta, caychöga gam caycanqui quiquin faraonnömi. Ichanga gamwan parlarcuytami munä. Ama rabyacuychu ari.

Génesis 44:34

¿Imanöparäshi papänë cajman cutiycöman shullcä mana cutiptenga? Nogaga awantämanrächu papänë llaquicojta ricashpä.»

2 Samuel 1:11

Chauraga Davidpis, yan'guincunapis fiyupa llaquicuypita röpancunatapis rachir-usharan.

2 Samuel 3:31

Chaypita Joabta yan'guincunatawan David niran: «Röpayquicunata rachir ushay. Nircorga jaticunqui gachga röpata. Abner wañushanpita wagay.» Nircur ray Davidga ayata gatiran.

1 Reyes 21:27

Chayno Elías nishanta wiyaycur Acabga röpanta rachiriran. Nircur gachga röpacunata jaticuran. Micuytapis mana micuyllapa cacuran. Chay röpallanwan puñojpis. Fiyupa llaquishalla purejpis.

2 Reyes 18:36

Niptin llapan runacunaga upällalla wiyaräcuran. Manami mayganpis ni juc shimipis rimacuranchu. Runacunataga ray mayna willapashana caran imatapis mana ninanpaj.

2 Reyes 5:7

Israelpa raynenga cartata liguircur llaquicushpan röpanta rachiriran. Chaymi niran: «Nogaga acäsu Diostächu cä. Imatapis manami cawarachëchu. Manami wañuchïchu. ¿Imanirtaj nogaman cartata apachimusha ‹lepra gueshyawan gueshyaycaj runata allchacächiy› nir? Gamcunapis masqui tantiyacuy. Imanöllapapis achäquitami ashipaycämanchi.»

2 Reyes 6:30

Chayno warmi nishanta wiyaycur rayga fiyupa rabyawan jatiraycashan röpanta rachiriran. Tapya janancho captinmi raytaga runacuna ricaran rurincho gachga röpan jatisha caycashanta.

Ester 7:4

Nogataga juc chiquimajmi llapan marca-masëcunatawan ranticamasha wañuchimänanpaj. Uyway canäcunallapaj ranticaycamasha captenga manami rimacömanchu. Pay ranticamashallanpitaga manami umayquita nanächëmanchu.»

Job 2:13

Nircorga Jobwan iwal pampaman jamacaycäriran. Chaynölla goyaran ganchis junaj ganchis pagas. Job fiyupa ñacajta ricarmi ni juc shimipis mana rimacuyllapa carcaycaran.

Salmos 39:2

Mana imatapis rimacuypami upa-tucur cacurä. Allita ni mana allitapis manami parlacurächu. Chaypis pasaypami pashtapacuyta munaycarä.

Eclesiastés 3:6

Canmi tarina timpu; ograna timpupis. Canmi churana timpu; jitarina timpupis.

Isaías 36:21

Chayno niptin llapan runacuna upällalla wiyaräcuran. Manami mayganpis ni juc shimipis rimacuranchu. Runacunataga raymi mayna willapashana caran imatapis mana rimacunanpaj.

Jeremías 36:24

Liguipashanta wiyarga raypis ni waquin mandajcunapis manami arpinticuranchu, ni manchariranchu.

Jeremías 8:14

«Runacunanami nenga: « ‹¿Imanirtaj cayllachöga carcaycanchi? ¡Llapanchi juclla aywacushun curalasha caycaj siudäcunaman chaycho wañunanchïpaj! Tayta Diosninchïmi wañunanchïpaj camacächisha. Juchata rurashanchïpitami wañunanchïpaj bininasha yacuta upuchimashcanchi.

Lamentaciones 3:28

Tayta Dios ñacachishan öra runaga upällalla japallan cacunman.

Joel 2:13

Tayta Diostana wiyacuy. Röpayquicunata rachinayquipa ruquenga llapan shonguyquipa arpinticuy. Tayta Diosga amatar allimi; fiyupa cuyapäcojmi; pasinsacojmi; fiyupa cuyacojmi. Arpinticuptenga castigananpaj caycashanchöpis manami castigannachu.

Amós 5:13

Chaymi yachaj runaga upälla cucun, chay wichan fiyupa mana alli captin.

Amós 8:3

Chay castiganä junäga achcajmi wañonga. Wañojcunataga pacayllapami juc-läman jitariycärenga. Chaymi palasyucho cushicur cantananpa ruquenga llaquicuypitana wagayman churacangapaj.» Chayno cananpämi Tayta Dios nisha.

Miqueas 7:5

Ama riguiychu runa-masiqui imata nishushayquitapis. Ama yäracuycho ni maygan amïguyquitapis. Warmiquitapis llapantaga ama willapaychu.

Hechos 4:20

Ricashätaga wiyashätaga pï-maytapis willapäshämi. Manami upällacushächu.»

Hechos 9:39

Chaura Pedroga paycunawan aywaran. Chayaycuptinnami pusharan aya chutaraycashan altusman. Chaychönami Dorcas yanapashan biyüdacuna wagar Pedruta ricachiran paycunapaj rurapashan röpacunata.

1 Samuel 10:16

Saulga tiyunta niran: «Rasun cajtami willamasha. ‹Bürruga taricashana› nimashami.» Saulga manami willaparanchu ray cananpaj Samuel nishanta.