Eclesiastés 3:19 - Tayta Diosninchi Isquirbichishan

¹⁹ Rasunpaga runacunapapis animalcunapapis jucnayllami distïnun. Animalcunapis runacunapis chaynöllami wañun. Cawachicoj jämaypis llapanpaj chaynöllami caycan. Runacunaga manami animalcunapita maschu. Llapanpis yangallami caycan.

Eclesiastés 3:19 ပူးပေါင်းရင်းမြစ်များ

2 Samuel 14:14

Llapanchïpis wañushunpämi. Pampaman yacuta jicharerga manami shuntanchïnachu. Tayta Diosmi ichanga pitapis mana wañuchinchu. Chaypa ruquenga imanöpapis camacächin gargushacuna ñaupanman cutinanpaj.

Salmos 104:29

Ticracurcuptiquega paycuna mancharinmi. Jämayninta shuntacurcuptiquega wañushpan allpamanna ticracurin.

Salmos 49:12

Runaga may-jina rïcu carpis manami para-simriga cawanchu. Uywacunanöllami wañun.

Salmos 49:13

Chaynömi wañun quiquillanman yäracojcunaga. Chaynömi ushacanga quiquin alabacojcunaga. Selah

Salmos 49:20

Runaga may-jina rïcu carpis para-simriga manami cawanchu. Uywacunanöllami wañun.

Eclesiastés 1:14

Chaymi tantiyacushcä llapanpis cay pachacho rurashanchëga manacajllapaj cashanta. Wayrata chariyta munajnöllami caycanchi.

Eclesiastés 1:17

Llapan shongöpami yachaj canäpaj estudyashcä. Llutan ruraycuna imano cashantapis estudyashcä. Ichanga chaycunapis caycan wayrata chariyta munashanchïnöllami.

Eclesiastés 2:14

Yachäga llapantami musyaycan. Mana tantiyacoj upami ichanga chacaychönölla puriycan. Chaypis yarpachacur tantiyacushcä llapanchïpis iwal ushacänanchïpaj cashanta.

Eclesiastés 2:16

Wañuptenga yachajtapis ni mana tantiyacoj upatapis pipis manami yarpanganachu. Achca wata päsaptenga llapantanami gongaycun. Yachajcunapis mana tantiyacoj upacunapis iwal-llami wañun.

Eclesiastés 7:2

Gachwa caycaj wasiman aywananpitaga täpapacoj aywaymi mas alli. Pï-may runapis simrimi wañun. Chaymi cawaycajcunaga yarpanman paycunapis wañunanpaj cashanta.

Eclesiastés 9:12

Chaynömi runapis manami musyanchu imay öra wañunanpaj cashantapis. Pescäducuna redapa bolsanman camacänanta mana musyashannömi, äbicunapis trampaman wichgacänanta mana musyashannömi runapis disigrasyaman chayananta mana musyanchu.

Eclesiastés 9:2

Imano captinpis llapantapis jucnayllami shuyaraycan: juchaynajta juchayojta, alli cajta fiyu cajta, limyu cajta ganra cajta, Diospaj churajta mana churajta, alli cajta juchayoj cajta, juraj cajcunata mana juraj cajcunatapis.

Números 16:29

Cay runacuna waquin runacunanöpis alli wañuypa wañuptenga manami Tayta Dioschu cachamasha canga.