Eclesiastés 2:4 - Tayta Diosninchi Isquirbichishan

⁴ Ima-ayca obratapis rurachishcä. Quiquëpaj palasyucunata aruchishcä. Übas chacräcunapis casha.

Eclesiastés 2:4 ပူးပေါင်းရင်းမြစ်များ

Génesis 11:4

Chaypita llapan parlacur ninacuran: «Jatun marcata rurashun. Chaychöna juc törrita rurashun syëlucama chayajta. Chaynöpami rejsisha cashun. Chaura cay pachachöga noganchi manami intëruman mashtacäshunnachu.»

2 Samuel 18:18

Cawaycällarna Absalonga rurachicuran pergata «Raypa Ragran» nishancho. Rurarcachir quiquinpa jutinta churaparan «yarpämänanpaj wamrä manami cannachu jutïta apaj» nir. Chaymi canancamapis «Absalonpa pergan» nin chay pergata.

1 Reyes 15:19

«Gamwan alli parlacushun, unay papäninchïcuna rurashanno. Nogami apaycächimö gorita guellayta goycunäpaj. Israelpa raynin Baasawan parlashayquitaga cutiricuyna. Chauraga Israelcunaga nogata manami rimapämanganachu.»

1 Reyes 9:1

Salomonga Tayta Diospa Templunta, quiquinpa palasyunta, imatapis rurachiyta munashan cajta rurachiyta ushaycachiptin

1 Crónicas 27:27

Übas chacracunata arunanpaj mandäga caran Ramat marca runa Simei. Ima-aycapis churaränan wasi cajman bïnuta ashtajpa mandajninna caran Sefam marca runa Zabdi.

2 Crónicas 26:10

Chunyaj jircacunachöpis törricunata rurachiran. Aypalla uywancuna captin yacupäpis pösucunata uchcuchiran. Uywancuna tiyaran guechwa aywaj pampacunapapis, altu jircacunapapis. Piyunnincunapis caran achca chacracunacho y übas chacrancunacho arupänanpaj. Uziasga caran chacra aruyta munaj runami.

2 Crónicas 8:11

Salomonga faraonpa wamranwan majachacashan warmintaga Davidpa siudäninpita witichiran rurachipashan palasyuman. Salomón yarparan: «Warmëtaga manami tiyachëmanchu Israelpa raynin David tiyashan palasyuchöga. Tayta Diospa babulnin cashanga fiyupa rispitädumi» nir.

Salmos 49:11

Chacrancunata quiquinpa jutinta churapasha captinpis, sepultürarämi mana ushacaj wasenga. Chaychörämi para-simriga goyanga.

Cantares 1:14

Cuyaynë nogapäga caycan cuyayllapaj alli asyaj wayta En-gadi particho caycajnömi.

Cantares 7:12

Tutapanami tumapacoj aywashun übas chacracunapa. Chaychömi ricashun; mä maynachush mullcuycan wayunanpaj; mä waytaraycannachush; granadacunapis mä waytaycannachush. Chaychömi musyachishayqui rasunpaypa cuyashäta.

Isaías 5:1

Amïgöpa jutinchömi cantashaj. Chay cantanaga übaspämi riman. Amïgöpami caran übas chacran micuy alli wayunan alli chacracho.

Daniel 4:30

niran: «¡Imano jatuncarayshi Babiloniaga! Mas munayniyoj cashpämi mandashä nasyuncunapa capitalnin cananpaj cayno rurachishcä. Cay siudäta ricarmi imaycamapis nogapaj parlanga.»