Eclesiastés 2:26 - Tayta Diosninchi Isquirbichishan

²⁶ Paymi yachayta gomanchi, tantiyachimanchi, cushicachimanchi alli ricashan cajtaga. Juchata rurajcunatami ichanga ñacar ima-aycatapis fiyupa cuestajcunata shuntananpaj cachaycun. Nircur chay runacunaga shuntashancunata cachapaycun Tayta Dios alli ñawinpa ricashan caj runacunapäna. Chaypis yangallami, wayrata chariyta munashanchïnöllami.

Eclesiastés 2:26 ပူးပေါင်းရင်းမြစ်များ

Génesis 7:1

Chaypita Noëta Tayta Dios niran: «Cay pachacho caj llapan runacunapita gamllami goyaycanqui noga munashäta rurar. Chaypitami gamga llapan famillyayquiwan yaycunqui büqui rurashayquiman.

Job 32:8

Ichanga Tayta Diospa Espiritunmi runataga yarpayniyoj cananpaj yanapan. Munayniyoj Tayta Diosmi pücashpan yanapan tantiyaj cananpaj.

Job 38:36

¿Pitaj äbicunata yachayta gosha timpu imano cashantapis musyananpaj? ¿Pitaj yachayta gosha pacha waränanpäna gällu tantiyananpaj?

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Salmos 51:6

Chaypis gamga cuyanqui rasun cajta rimaj cajtami. Shongullächömi yachachimashcanqui yachaj canäpaj.

Proverbios 13:22

Ima-aycayojpis car alli runaga willcancunatawanrämi raquipan. Juchasapacunami ichanga ima-aycantapis churarächicun alli runacuna rubichanallanpaj.

Proverbios 2:6

Tayta Diosllami yachaytapis yachachimanchi. Payllami tantiyachimanchïpis, yarpaysapayächimanchïpis.

Proverbios 28:8

Guellayninpa wawanta achcata cobraycällar rïcuyäga pobricunata yanapaj runacunallapämi shuntan.

Eclesiastés 1:13

Nogaga cay pachacho imano goyashallanchïtapis sumaj musyanäpaj estudyarä. Alli tantiyanäpaj llapan shongöpa estudyarä. Tayta Diosmi camacächisha chayno estudyananchïpaj. Runacunapäga chay estudyu fiyupa sasami caycan.

Eclesiastés 1:14

Chaymi tantiyacushcä llapanpis cay pachacho rurashanchëga manacajllapaj cashanta. Wayrata chariyta munajnöllami caycanchi.

Eclesiastés 3:10

Canan tantiyacushcämi runacunapaj Tayta Dios sasa aruyta camacächishanta. Chaura chay aruyllachömi tincuypa-tincur goyan.

Lucas 1:6

Paycunaga imaypis Tayta Dios mandashanta cumlirmi goyaj. Chaymi paycunapäga pipis washanta mana rimajchu.

Juan 16:24

Canancama gamcunaga manami nogapa jutëcho mañacushcanquirächu. Cananpitaga mañacuy-llapa. Mañacorga chasquinquimi. Chaymi fiyupa cushicunquipaj.

Santiago 3:17

Tayta Diosninchi yachayta goptinmi ichanga Tayta Dios munashanno goyan. Chauraga pï-maywanpis allimi goyan, cuyacunmi, alli shongumi, cuyapäcunmi. Manami ishcay quimsataga yarpanchu, manami janan shongullachu. Allillatami ruran.