Eclesiastés 12:1 - Tayta Diosninchi Isquirbichishan

¹ Jipash-mösu cashayquicama Tayta Diosta yarpay. Ima sasacunapis manaraj chayashushayquicama camashoj Tayta Diosta wiyacuy. Shamoj watacunachöga cayno ninquipaj: «Cawarpis manami imatapis jorgönachu» nir.

Eclesiastés 12:1 ပူးပေါင်းရင်းမြစ်များ

Génesis 39:2

Tayta Diosga Josëwan imaypis caycaran. Chaymi Egiptucho patrunninpa wasincho tiyaptin ima rurashanpis llapan alli caran.

Génesis 39:23

Josëwan Tayta Dios captinmi paytaga ima rurashanpis alli llojshipaj. Chaymi Josëpa maquincho cajtaga carsilcho cuydaj runa mana yarparajnachu.

2 Samuel 19:35

Pusaj chunca (80) watayojnami cä. Micur upurpis manami gustunta mayänachu. Mananami tantiyänachu warmi ni ollgu cantashantapis. Gamwan aywarga gastullatanachari rurashayqui.

2 Samuel 19:36

Mayuta päsanayquiyajllami yan'gäshayqui. Gamta yanapashäpitaga ¿imapänataj ‹yanapäshayqui› nimanquipis?

1 Reyes 14:13

Chaura llapan Israelcunami fiyupa llaquiconga chay wamrapaj. Nircorga pampaycärengapämi. Jeroboampita miraj wamranga pay japallanmi pamparanga. Israelcunapa Tayta Diosnenga Jeroboampa wamranchöga pay japallantami allitano ricasha.

1 Reyes 18:12

Noga aywacuriptë Tayta Diospa anjilnin chayarcamur apacushunquipaj noga mana musyashä partiman. Nogaga Acabman chayashaj caycho caycashayquita willar. Chaura pay mana tarishushpayquega nogatami wañuchimanga. Nogaga mösu cashäpita-pachapis amatarmi Tayta Diosta manchapacushcä.

Nehemías 4:14

Manchacuptinna mayurcunata, mandajcunata, llapan runacunatapis ichircur nirä: «Gamcuna ama manchacuychu. Tayta Diosninchïman yäracuy. Payga manchacunami, imapäpis munayniyojmi. Gamcunaga pillyay marca-masiquita, warmiquita, warmi ollgu wamrayquicunata salbar, wasiquicunatapis mana guechushunayquipaj.»

Job 30:2

Paycunataga ¿imapäräshi munäman caran? Paycunapaga callpanpis mananami carannachu

Salmos 119:55

Tayta Dios, chacaycunapis gamtami yarpä. Yachachishayquicunatami cumliyta munä.

Salmos 34:11

Wamräcuna, shamuy wiyamänayquipaj. Tayta Diosta rispitaytami yachachishayqui.

Salmos 63:6

Chacaypa cämächo weguraycashä örapis gamllapämi yarpä.

Salmos 90:10

Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna.

Proverbios 22:6

Tacsha cashancama wamrataga sumaj willapay. Alli yachachiptiquega jatunyarpis manami gongangachu.

Proverbios 8:17

Cuyamajcunata nogaga cuyämi. Ashimajcunapis yachacunmi.

Eclesiastés 11:10

Imapäpis ama yarpachacuychu. Ichanga llutancunata ama ruraychu. Rasunpaga jipash-mösu caypis yangallami.

Eclesiastés 11:2

Nasyunman mana allicuna chayamunanpaj cashantaga manami musyanquichu. Chaymi charashayquitaga puydishayquipita runacunata goycuy.

Eclesiastés 11:8

Pipis achca wata cawaj cäga achicyaj pachacho cashanyaj llapan tarishanta cushicur micuchun upuchun. Ichanga yarparächun wañorga chacaycho aypalla wata cananpaj cajta, imapis shamoj watacho cajcunaga yangalla cananpaj cajta.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Lamentaciones 3:27

Runapäga mas alli caycan mösu cashanpita-pacha ñacaycunata awantaymi.

Daniel 1:17

Chuscun mösucunataga Tayta Dios yanaparan musyaj tantiyaj cananpaj, llapan casta librucunata, chay librucuna imano cashantapis tantiyananpaj. Chaynöpis Danielga runa suyñushancunata imapaj cashantapis musyaran. Ribilashancuna imapaj cashantapis llapanta tantiyaj.

Oseas 7:9

Israeltaga jäpa runacuna masta-mastana ushaycan. Ichanga paycuna manami cuentata gocunchu. Ajchancunapis soguyacäcushana. Ichanga paycuna manami cuentata gocunchu.

Lucas 1:15

Tayta Dios munashanno rurashpanmi Tayta Diostapis cushicachengapaj. Bïnuta ni ima machächicojtapis mana upojmi cangapaj. Manaraj yurishanpita-pachami Espíritu Santupa munayninwanna caycangapaj.

Lucas 18:16

Chayta ricarmi Jesusga disïpuluncunata niran: «Wamracunaga shacamuchun. Ama michaychu. Diospa maquinchöga goyanga wamrano cajcunami.

Efesios 6:4

Mama-taytacunapis wamrayquicunata ama jagayächinquimanchu. Chaypa ruquenga alli shimillayquipa tantiyachinqui Jesucristo munashanno cawananpaj.

Deuteronomio 8:18

Chaypa ruquin gamcunaga tantiyacunqui llapan ima-aycata tarinayquipäpis Tayta Dios yanapäshushayquita. Chayno yanapaycäshunqui unay caj famillyayquicunata aunishanta cumlirmi.

2 Timoteo 3:15

Wamra cashayquipita-pachami yachacushcanqui Tayta Diosninchïpa palabranta. Palabranta yachacurmi Jesucristuman yäracur payta chasquicushcanqui. Chaymi Tayta Diosninchi salbasha-cashunqui.

1 Samuel 1:28

Noganami cay wamräta Tayta Diosta goycushcä. Payga imaycamapis Tayta Diosllatami sirbenga.» Chayno niptin Elïga Tayta Diosta rispitar gongurpaycur umpuran urcunpis pampaman töpananyaj.

1 Samuel 16:7

Ichanga Tayta Dios niran: «Ricaynillantaga tamäñullantaga ama cäsupaychu. Nogaga payta manami munächu. Runa ricashallanga manami allichu. Runaga rican janallantami. Nogami ichanga shongunta rejsë.»

1 Samuel 2:18

Samuelmi ichanga lïnupita rurasha efodnin jatisha Tayta Diosta sirbiycaran.

1 Samuel 2:26

Samuelga jatunyaycaranna. Ima rurashancunapis allimi caran runacunapäpis Tayta Diospäpis.