Deuteronomio 8:8 - Tayta Diosninchi Isquirbichishan

⁸ Chaychöga rïgupis, sebädapis, übaspis, ïguspis, granadapis, olivo lantacunapis fiyupami wayuycun. Olivopita asëtipis mishquipis aypallami.

Deuteronomio 8:8 ပူးပေါင်းရင်းမြစ်များ

Génesis 49:11

Chay wichan übas aypalla captinmi bürruncunatapis übas yöracunamanna watanga. Bïnu yacunöraj captinmi bïnuwan röpantapis tagshacunanpänöna canga.

2 Samuel 4:6

Wasi puncuta täpajpis rïguta wayraycashancho puñucäcusha caran. Chaynöpa mana pipis ricaylla Recabwan Baanaga yaycuran.

1 Reyes 5:11

Salomonnami micuyta apachiran Hiramman. Cada wata apachej ishcay chunca waranga (20,000) säcu rïguta, ishcay chunca quimsa waranga (23,000) läta olivo asëtita.

2 Reyes 18:32

Nircorga apashunquipaj quiquiquipa nasyunniqui-niraj nasyun aypalla rïgu wayunanman, übas wayunanman. Chaychömi tantata, bïnutapis ruranquipaj. Chay nasyunchöga aypallami olivo asëti, mil-abïjapis. Chaura cushishami tiyanquipaj. Manami wañunquipächu. Ichanga Ezequías nishanta ama riguiychu. Payga llullapaycäshunquimi ‹Tayta Diosmi salbamäshun› nishpan.

Salmos 147:14

Paymi alli goyächin nasyunniquicho tiyajcunata. Rïgu alli wayunanpäpis bindisyunta churan.

Salmos 81:16

Acrashä runacunaga allinnin rïgutami micunman caran. Jircacho cacoj mishquiwanrämi yacunaynintapis chawächëman caran.»

Isaías 7:23

Chay wichanga mas unay waranga (1,000) übas lantayoj chacra waranga (1,000) guellay cuestasha cajpis cangapaj shata cashacuna juntashallanami.

Jeremías 2:7

Nogami gamcunata pushamurä ima-aycapis wayunan partiman, cay particho wayushan frütacunata micunayquipaj, chaycho ima-ayca alli wayojcunatapis micunayquipaj. Ichanga gamcuna chayaycamur alli chacräta ganrachishcanqui. Gamcunaga ticrachishcanqui cay nasyun quiquëpa caycaptin fiyupa melanäcunäpaj.

Jeremías 5:17

Chay runacunaga llapan micuyniquicunatami ushacurcongapaj. Wamrayquicunata warmita ollgutapis wañurgärachengami. Uyshayquicunata, wäcayquicunata, übasniquicunata, ïgusniquicunatapis micucarcärengami. Pacacunayquipaj yäracushayqui siudäcunatapis pillyacunanwanmi illgächengapaj.»

Ezequiel 27:17

Gamcunapitami rantej Judá, Israel runacunapis. Paycuna pägashoj-cashunqui Minit particho wayoj rïgucunata, pastilcunata, abëjapa mishquincunata, asëtita y balsamuta.

Oseas 2:22

Chaura allpanami alli wayuchenga rïguta, bïnuta, asëtita. Chaycunawanmi Jezreelga alli cawanga.

Oseas 2:8

«Ichanga pay manami cuentata gocuyta munashachu rïguta, bïnuta, asëtitapis noga tarichishäta. Nogami guellayta goritapis aypallata tarichirä. Chaycunapitami Baal dios-niraj ïdulucunata ruracarcärisha.

Miqueas 4:4

Chauraga mana manchacuypanami runacuna goyangapaj. Cada-ünunnami jamarpäcongapaj übas yöranpa, ïgus yöranpa llantuncunacho. Munayniyoj Tayta Diosmi nisha chayno cananpaj.

Habacuc 3:17

Ïgus yöra mana waytaptinpis, übascuna mana wayuptinpis, olivopa wayuynin mana captinpis, chacracunacho ima micuy mana wayuptinpis, juc canchacho caycaj uyshacuna ushacäcuptinpis, curralnincho wäcacuna manana captinpis,

Números 13:23

Ricapacojcuna chayaran yacu aywaycaj Escol ragracama. Chaycho juc rasïmu wayuyniyoj übasta muturan. Chay übastaga gueruman warcurcur ishcaj matancacarcärir aparan. Chaynöpis ricapacoj aywajcunaga pallaran ïgusta granadatapis.

Juan 6:13

Chaura pichgalla sebäda tanta puchojpita shuntaran chunca ishcay canasta juntataraj.

Juan 6:9

«Caycho juc wamra charaycan pichga sebäda tantatawan ishcay pescädullatami. Chayllaga llapan runapaj manami aypangachu.»

Deuteronomio 32:13

Nasyuncunacho altunnin jircacunapami llapanta binsichir pushamusha. Jircacunacho cajpa wayuynintami micunanpaj camariparan. Gagapita llojshimoj mishquitami upuchiran. Ranrapita llojshimoj asëtitami upuchiran.

Deuteronomio 32:14

Quësutami, cabrapa lëchintami camariparan. Yanapaptinmi Basán particho caj cashnicunata, uyshacunata, chïbucunata micuran. Rïgutapis allillatami micuran. Bïnutapis upuran sumaj pogusha übaspa yacuntami.

Deuteronomio 6:3

Israelcuna, cay willapashä laycunata cumlinayquipaj sumaj wiyamay. Chaynöpami unay famillyayquicunata Tayta Dios aunishan nasyuncho alli cawashpayqui aypallaman miranquicunapaj. Chaychöga lëchipis mishquipis yacunöraj achcami caycan.

Deuteronomio 8:7

Tayta Diosga pushaycäshunqui alli chacramanmi. Chaychöga aypallami caycan yacu aywaj ragracuna; yacuyoj pösucunapis achcami; yacu pashtaj pampacunapis achcami; puntacunapapis yacu uraycan.

Deuteronomio 8:9

Chay nasyunchöga manami yarpachacunquipächu ima pishïshunayquitapis. Gagacunacho puntacunachöpis cubriwan fyërru achcami caycan.