Deuteronomio 7:23 - Tayta Diosninchi Isquirbichishan

²³ Ichanga munayniquimanmi chay nasyun runacunata Tayta Dios cachayconga. Nircurnaga ushacänancama wallca-wallcallami wañuchengapaj.

Deuteronomio 7:23 ပူးပေါင်းရင်းမြစ်များ

Éxodo 23:27

«Nogami camacächishaj gamcuna päsashayqui nasyuncunapa tiyajcunaga manchacushunayquipaj, ima ruraytapis mana camäpacunanpaj, gueshpir aywacunanpaj.

Isaías 13:6

Llaquicur shanaypa shanar gaparpay-llapa. Munayniyoj Tayta Dios castigananpäga wallcanami pishiycan. Tayta Diosga llapantami usharenga.

Jeremías 17:18

Nogata gaticachämajcunata ichanga pengayman churay. Nogataga ama pengayman churamaychu. Paycuna ricacuchun fiyupa mancharisha. Nogaga ama mancharishächu. Paycuna llaquicuychöpis cachun. Paycunataga fiyupa castigar ushariy.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.

Deuteronomio 2:15

Tayta Diosmi paycunata castigashpan llapanta ushacächisha.

Deuteronomio 31:5

Chay runacunata illgächinanpäga maquiquicunamanmi Tayta Dios churamongapaj. Churamuptin noga nishänölla llapanta illgächinqui.

Deuteronomio 8:20

Mana wiyacuptiquega Tayta Dios waquin nasyun runacunata ushacächinanpaj cashannömi gamcunatapis ushacächishunquipaj.

Deuteronomio 9:3

«Chayno captinpis gamcunapa ñaupayquitami Tayta Dios aywanga. Paymi ricapaycaptiqui chay runacunata usharenga nina ushajnöpis. Chaynöpami aunishannölla yanapäshunquipaj paycunata binsir juclla ushajpaj wañuchinayquipaj.

2 Tesalonicenses 1:9

Paycunaga munayniyoj Tayta Diospa ñaupanman manami chayangapächu. Chaypa ruquenga infiernuchömi imaycamapis ñacangapaj.

Josué 10:10

Tayta Diosnami camacächiran Israelcunata fiyupa manchacunanpaj. Chaynöpami Israelcunaga aypallata Gabaoncho wañuchiran. Gueshpejcunatanami gatiran Bet-horonman näni aywajpa. Gatishpan Amorreo runacunataga wañuchiran Azeca wichancho, Maceda wichancho.

Jueces 4:15

Barac pillyayta gallaycuptin Tayta Dios pirdichiran Sisarapa carrëtancunata. Suldäruncunatapis mancharachiran. Quiquin Sisarapis carrëtanpita urarcur gueshpir aywacuran.