Deuteronomio 7:17 - Tayta Diosninchi Isquirbichishan

¹⁷ «Chay nasyunman chayaycur gamcuna capas ninqui: ‹noganchïpita mas aypallami chaycho tiyaj runacunaga. ¿Imanöparäshi gargushwan?› nir.

Deuteronomio 7:17 ပူးပေါင်းရင်းမြစ်များ

Isaías 14:13

Gamga shongullayquicho nej canqui: ‹Syëlucamami chayashaj. Diospa estrëllancunapa jananchömi jamanäta rurashaj. Fiyupa caru norte caj-lächo jamaycurmi mandashaj. Dioscuna shuntacänan jircachömi jamaräshaj.

Isaías 47:8

«Chaypita cananga wiyay Babilonia. Fiyupa cuyayllapajcunallata cuyaj warmimi cashcanqui. Mana yarpachacuypami mandanayqui sillunniquicho jamaraycanqui. Shongullayquicho niycanqui: ‹Manami pipis noganöga canchu. Nogaga manami biyüdapis quëdashächu. Manami wawaynajpis quëdashächu› nir.

Isaías 49:21

Chaura gamga yarpaynillayquicho ninquipaj: ‹Nogapaga wamräcuna manami cashachu. Ni wawa tariytapis manami yachashcächu. Chauraga ¿maypitataj cay wamräcuna yurimusha? Nogaga jitarisha, shuyni quiquillämi tiyashcä. ¿Pitaj uywasha paycunataga? Japallätami cachaycamaran. Paycunaga ¿maypitataj shamusha?› nir.»

Jeremías 13:22

Gamcuna capas yarpachacunqui ‹¿Imanir-raj cayno caycä?› nir. Quiquiquicunapa juchayquipitami gamcunataga garapachaycur munashanta rurarcaycäshunqui.

Números 13:32

Chayno nirmi Israel-masincunata manchachir cayno niran: «Ricapacamushä partiga mana allimi. Wañuyllami tumaycan. Chaycho tiyaj runacunapis jatusajllami.

Números 21:34

Chaura Moisesta Tayta Dios niran: «Chay runacunataga ama manchacuychu. Nogami yanapäshayqui llapan suldäruntinta binsinayquipaj, nasyunnintapis guechunayquipaj. Hesboncho tiyaj Amorreo runacunapa raynin Sehonta ushashayquinömi paycunatapis usharinquipaj.»

Números 33:53

Gamcuna chay nasyunman yaycur tiyacaycäriy. Nogami gamcunataga tiyanayquipaj goycö.

Lucas 9:47

Imapita rimanacuycashantapis musyarmi Jesusga juc wamrata ñaupanman ichiycachir

Deuteronomio 1:28

Cananga ¿maymanraj aywashun? Ricapacojcunaga cutimur willamashcanchi chay particho tiyaj runacuna noganchïpita mas jatuncaray, callpasapa cashanta, siudänincunapis altu pergasha cashanta. Chaynöpis willamashcanchi Anacpita miraj jatusaj runacuna chaycho cashantami. Chayno willamashpanchïmi pasaypa mancharachimashcanchi› nir.

Deuteronomio 15:9

Jagacunata perdunanan wata chayamunanpaj cashantana tantiyar ama yarpanquichu manana ristanayquipaj cashanta. Mana ristaptiquega pishipacaycho caycaj runa Tayta Diosman quijacuptin juchayojmi ricacunquipaj.

Deuteronomio 18:21

«Chayno captenga gamcuna capas ninqui: ‹¿Imanöpataj musyashwan runa willacushan Tayta Diospita rasunpa cashanta u mana cashantapis?› nir.

Deuteronomio 8:17

«Chaymi gamcunaga ama yarpanquichu: ‹Llapan ima-aycanchïtapis quiquinchïpa callpanchïwanmi tarishcanchi› nir.

Josué 23:3

Gamcuna ricashcanquimi cay nasyuncho tiyaj runacunata gamcuna-raycu Tayta Dios imano rurashantapis. Tayta Diosmi pillyasha gamcunapa faburniqui.