Deuteronomio 7:14 - Tayta Diosninchi Isquirbichishan

¹⁴ Waquin nasyuncunapitapis masmi gamcunata bindisyunninta goshunquipaj. Chaymi gamcunachöga llapan warmicunapis ollgucunapis wamrayojlla canga. Uywayquicunapis allimi miranga.

Deuteronomio 7:14 ပူးပေါင်းရင်းမြစ်များ

Salmos 107:38

Tayta Dios bindisyunta gon runacuna aypallaman mirananpaj. Uywancunapis mana ushacaypa miran.

Salmos 115:15

Syëluta, cay pachatapis camaj Tayta Diosga gamcunata bindisyunta goycushunqui.

Salmos 127:3

Wamranchïcunaga yurin Tayta Diosninchi alli bindisyunta gomaptinchïmi.

Levítico 26:9

Conträtuta rurashanchïnöllami alli ricashaj achcaman miranayquipaj.

Números 22:12

Niptinmi Balaamta Tayta Dios niran: «Ama aywaychu chay runacunawanga. Nasyunninman chayaj runacunatapis ama maldisyunaychu. Paycunataga nogami bindisyunta goshcä.»

Deuteronomio 28:11

Unay awiluyquicunata aunishan nasyunman chayaptiqui Tayta Diosmi bindisyunninta churamonga wamrayquicuna achca cananpaj, uywayquicunapis achcaman mirananpaj.

Deuteronomio 28:4

Bindisyuntami churamonga wamrayquicunamanpis, micuyniquicunamanpis, wäcayqui uyshayqui mirajcunamanpis, waquin uywayquicunamanpis.

Deuteronomio 30:9

Chaura Tayta Diosga ima rurashayquimanpis, wamrayquicunamanpis, uywayquicunamanpis, micuyniquicunamanpis bindisyunta churamonga. Rasunpami Tayta Diosga unay awiluyquicunata yanapar cushicushanno gamcunata yanapäshushpayquipis cushiconga.

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»