Deuteronomio 6:4 - Tayta Diosninchi Isquirbichishan

⁴ «Sumaj wiyacuy Israelcuna. Tayta Diosninchëga jucnayllami.

Deuteronomio 6:4 ပူးပေါင်းရင်းမြစ်များ

1 Reyes 18:21

Chaura Eliasga runacuna shuntacasha caycajman witiycur niran: «Gamcuna ¿imaycamataj wichaypa uraypa yarparcaycanqui? Tayta Dios rasunpa Dios captenga payllata adurar rispitay-llapa. Baal dios captenga chay cajta rispitay.» Shuntacasha caycaj runacunaga ni juc shimipis mana rimacuranchu.

2 Reyes 19:5

Ray Ezequiasta mandäshejcuna profëta Isaiasta willaptin

1 Crónicas 29:10

Chaura Davidga llapan runacunapa ñaupancho Tayta Diosta alabar niran: «¡Awilö Israelpa Tayta Diosnin imaycamapis alabasha caycuy!

2 Crónicas 17:9

Paycunata cacharan Tayta Dios isquirbichishan librucho lay niycashanta Judá runacunata llapanta yachachinanpaj. Chaura paycunaga siudänin-siudänin puriran llapan runacunata yachachishpan.

Nehemías 9:6

«Gamllami Tayta Diosga canqui. Gammi camashcanqui syëluta, syëlucho llapan caycajcunata. Gammi camashcanqui cay pachata, cay pachacho cajcunata, lamarta, lamar rurincho cajcunatapis. Gammi llapan ima-aycatapis cawaycächinqui. Chaypitami janaj pachacho caycajcunapis adurashunqui.

Salmos 78:5

Tayta Diosga layta willapar yachachiran Israelcuna wiyacunanpaj. Unay caj awilunchïcunatami willaparan wamrancunata yachachinanpaj,

Salmos 86:10

¡Gam japallayquimi Diosga canqui! Gamllami canqui munayniyoj, milagrucunata rurajpis.

Isaías 42:8

Nogaga cä Tayta Diosmi. Chaymi jutëpis caycan. Chaymi camacächishaj nogallata aduramänanpaj. Manami camacächishächu nogata alabamänanpa ruquin ïdulucunata alabanantapis.

Isaías 44:6

Israelcunata salbaj ray munayniyoj Tayta Diosmi cayno nin: «Nogaga gallarinanpita-pacha imaycamapis caycämi. Nogapita mas juc diosga manami canchu.

Isaías 44:8

Ichanga balurchay, ama manchacuychu. Nogami chayno nirä. Chaycunataga unaynami willacachirä. Gamcunami testïgöpis carcaycanqui. Nogapita mas juc diosga manami canchu. Manami mas juc canchu chapäshunayquipäga. Juctaga manami rejsëchu.»

Zacarías 14:9

Chay wichanga Tayta Diosllanami mandangapaj intëru munducho. Pay japallanmi Tayta Diosninchi.

Mateo 22:37

Chaura Jesusna niran: « ‹Tayta Diosninchïta cuyanqui llapan shonguyquiwan, llapan bïdayquiwan, llapan yarpayniquiwan.›

Lucas 10:27

Chaura lay yachaj runaga niran: « ‹Tayta Diosninchïta cuyanqui llapan shonguyquiwan, llapan bïdayquiwan, llapan yarpayniquiwan. Runa-masiquitapis cuyanqui quiquiqui alli cawayta munashayquino› niycanmi.»

Juan 10:30

Chaymi nogaga në Papänëwan noga jucnaylla cashäta.»

Juan 17:3

Imaycamapis cawayta tarinanpäga riguinan rasunpa japallayqui Dios cashayquitami, cay pachaman cachamushayqui Cristo noga cashätapis.

Romanos 3:30

Tayta Diosga jucnayllami. Payga Israel runata mana Israel runatapis Jesucristuman yäracojcunataga perdunar salbangami.

Efesios 4:6

Jucnayllami Tayta Diosninchëga. Paymi llapanchïpa taytanchi. Payga llapanchïtami maquincho chararaycämanchi. Payga llapanchïtami munashanta ruraycächimanchi. Payga llapanchïwanmi caycan.

Deuteronomio 4:39

«Chaymi cananga yarpänayquipaj umayquiman churacuy. Janaj pachacho, cay pachachöpis payllami Tayta Diosga. Mas juc diosga manami canchu.

Deuteronomio 5:6

« ‹Nogaga Tayta Diosniquimi caycä. Gamcunataga Egiptucho uyway car ñacarcaycajtami jorgamurä.

1 Timoteo 2:5

Pï-maypäpis jucnayllami Tayta Diosninchëga. Tayta Dioswan amistachimajninchïpis jucnayllami. Chayga Jesucristumi.

Santiago 2:19

Gamga ¿jucnaylla Tayta Dios cashanman yäracunquichu? Chauraga allimi. Ichanga dyablucunapis musyanmi Tayta Diosninchi cashanta y castigananpaj cashanpitapis mancharinmi.