Deuteronomio 6:12 - Tayta Diosninchi Isquirbichishan

¹² Chayno car cuydä Egiptucho uyway caycashayquipita jorgamushoj Tayta Diosninchïta gongaycunquiman.

Deuteronomio 6:12 ပူးပေါင်းရင်းမြစ်များ

2 Reyes 17:36

Noga Tayta Diosnillayquita rispitar sirbir aduramanquega. Nogami fiyupa munaynëwan jorgamurä Egipto nasyunpita. Chaymi nogallata rispitamanqui, aduramanqui. Sacrifisyucunatapis nogallapaj pishtanqui.

2 Reyes 17:38

Ama gonganquichu gamcunawan parlacushanchïtaga. Juc-lä nasyun runacuna ‹diosnë› nishantaga ama aduranquichu.

Job 8:13

Chaynöllami päsan fiyucunatapis, Tayta Diosta gongaycärejcunatapis. Rurayta yarpashancunapis manami camacannachu.

Salmos 103:2

Almantïmi Tayta Diosta alabashaj. Yanapämashancunataga manami gongächu.

Salmos 44:17

Llapan chaycuna nogacunata chayamasha captinpis manami gamtaga gongaycushayquichu; parlacushanchïtapis manami gongaycushächu.

Salmos 59:11

Ichanga mana wañuchiyllapa ñacachiy marca-masëcuna imaycamapis yarparänanpaj. Paycunataga munayniquiwan wacpa-caypa mashtacächishpayqui manacajman churay ari. Tayta Dios gammi imapitapis nogacunataga chapämanqui.

Salmos 78:7

Chaynöpanami Tayta Diosman yäracur alli goyäshun. Tayta Dios allita rurashancunatapis manami gongashunchu. Tayta Diospa mandamintuncunata cumlishun.

Éxodo 13:14

«Wara warantin wamrayquicuna ‹¿Imapätaj cayno ruranchi?› nir tapushuptiqui gamcunaga ninqui ‹Egiptucho uyway caycajtami Tayta Dios fiyupa munayninwan jorgamaran.

Éxodo 13:3

Chaura Moisesga llapan runacunata niran: «Gamcuna yarpanqui Tayta Dios munayninwan Egiptupita jorguycäshushayqui junajta. Egiptucho uyway rantisha runano caycajtami jorguycäshunqui. Cananpitaga cada watami cay junajta yarpar lebadürayoj tantata ama micunquichu.

Éxodo 6:6

«Chaymi gamga Israel-masiquicunata willanqui uyway caycashanpita, fiyupa ñacay aruycunacho caycajtapis, Egiptucunapa munaynincho caycashanpitapis noga Tayta Dios jorgunäpaj cashanta. Munayniyoj cashäta musyachishpämi jorgushaj. Almiraypajcunata rurarmi Egiptucunataga castigashaj.

Proverbios 30:9

Rïcu carga gamta gongaycur Tayta Dios capaschari nëmanpis «Pitaj chay Tayta Dios» nir. Muchupacarga capaschari suwacuycömanpis. Chayno rurarga jutiquitapis manacajmanmi churaycöman.

Isaías 17:10

Chaynöga canga ima-aycapitapis salbashoj Tayta Diosta gongaycushayquipitami. Manami yarpashcanquichu Tayta Dioslla imapitapis chapäshoj cashanta. Gamga micuyniquicunatapis muruycanqui juc-lä nasyun runacunapa diosninta rispitashpayquimi.

Isaías 51:13

Nogami syëlutapis mashtacächej y allpatapis sumaj tacyachëga caycä. Nogami camashoj Tayta Diosniqui caycä. Chaura fiyupa ollgusha contrayquicuna illgächiyta munaycäshojcunata ama manchacuychu. ¿Imanirtaj contrayquicunata manchacunquiman?

Jeremías 34:13

«Israelcuna rispitashan Diosninmi cä. Nogami Egiptucho uywayno caycashanpita pushamur unay caj awiluyquicunawan conträtuta rurarä. Paycunata nirä

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Números 15:39

Chay paychacunata ricashpayquimi gamcunaga yarpanquipaj llapan mandamintöcunata cumlinayquipaj cashanta. Chauraga quiquiquicunapa shonguyqui munashanta mananami ruranquipächu.

Deuteronomio 32:18

«Israelcuna, cachaycushcanquimi imapitapis chapäshoj Taytanchïta. Gongaycushcanqui cawayta gomajninchi Tayta Diosta.

Deuteronomio 4:23

Gamcunawan mana captëpis sumaj yarpay Tayta Dioswan conträtu rurashayquita. Tayta Diosninchi mana munashancunataga imatapis ama ruranquichu. Ni ima ïdulutapis ama ruranquichu.

Deuteronomio 4:9

Chaymi gamcunaga ama gonganquichu llapan yachachishäcunatawan ricashayquicunata. Cawashayquicamaga waran-waran wamrayquicunata willcayquicunata willapanqui.

Deuteronomio 8:10

Imapis mana pishëshuptiqui pacha junta cawar Tayta Diosninchïta imaypis alabanqui aunishan nasyunman churashushayquipita.

Colosenses 2:8

Cuydä pipis llutanta riguergachishunquiman. Llutan yachachicojcunaga manami Jesucristupächu willacun. Chaypa ruquenga quiquincunapa yarpayllanpitami, yachachishäpita mas juc castatami yachachin.

Jueces 2:12

Gongaycäriranna Egiptupita jorgamushan unay awiluncunapa Tayta Diosninta aduraytaga. Ñaupancho tiyaj runacunapa diosnincunatana aduraran. Chaymi Tayta Diosga fiyupa rabyacurcuran.