Deuteronomio 5:32 - Tayta Diosninchi Isquirbichishan

³² Chaymi canan gamcunaga Tayta Dios nishushayquinölla ruray. Juctapis mana cachaypa wiyacuy.

Deuteronomio 5:32 ပူးပေါင်းရင်းမြစ်များ

2 Reyes 17:37

Gamcunaga mana cachaypa cumliy laynëcunata, yachachishäcunata, mandamintöcunata. Gamcuna cumlinayquipämi isquirbichishcä. Chaymi juc-lä nasyun runacuna ‹diosnë› nishanta ama aduranquichu.

2 Reyes 21:8

Rurananpaj llapan nishäcunata cumlichun, wiyacuchun. Sirbimajnë Moisés yachachishancunatapis cumlichun. Chauraga unay awiluncunata goycushä chacrapita imaypis manami yapay gargushächu Israelcunataga» nir.

2 Reyes 22:2

Josiasga Tayta Diosta wiyacur llapantapis allita ruraran. Unay caj awilun David rurashannölla llapantapis ruraran.

Salmos 125:5

Mana wiyacojcunata ichanga fiyu runacunatawan iwal castigay. ¡Israelchöga alli goyay caycullächun!

Salmos 19:12

¿Piräshi tantiyacunman juchata rurashantaga? ¡Perdunaycamay ari Tayta Dios mana musyaynëpa juchata rurashäcunata!

Salmos 80:19

Munayniyoj Tayta Dios, ñaupatano alli goyänäcunapaj yanapaycamay. Alli ñawillayquiwan ricäramay ari salbasha canäcunapaj.

Proverbios 3:2

Chaynöpami unaycama alli cawanquipaj.

Proverbios 4:27

Alli caminupa puriycashayquipitaga janaman ni uramanpis ama yaycunquichu. Mana allicunataga ama ruraychu.

Isaías 30:21

Alli ruraycashayquipita wac-läman u cay-läman tunejnöpis llutanman chayajno captiqui, guepayquipitami gayacamushunquipaj. Chaymi nishunquipaj «Caypami näniga. Cay alli nänipa aywayga» nir.

Ezequiel 20:19

Nogami Tayta Diosniqui cä. Laynë nishanta, mandamintöcunata mana cachaycuypa cumliy.

Ezequiel 37:24

Sirbimajnë Davidllami raynin canga. Payllanami llapanpa michejnin canga. Nogallatanami paycunaga wiyamanga. Laynëcunata, mandamintöcunatapis cumlenga.

Deuteronomio 11:32

canan willapashä mandamintucunata llapan laycunata mana gongaypa cumlinqui.

Deuteronomio 12:32

«Chayno caycaptenga willapashäcunata llapanta cumlinqui. Chay mandamintucunamanga ama ni juctapis yapanquichu ni chaycunapita juctapis ama jorgunquichu.

Deuteronomio 17:11

Llapanta arriglanqui imanöpis paycuna tantiyachishushayquinölla. Paycuna nishanta juctapis mana rucachiypa arriglanqui.

Deuteronomio 17:20

Chaynöpis laycunata waran-waran liguir tantiyacushpanga marca-masincunata manami manacajman churangachu. Lay nishancunatapis manami gongangachu. Chauraga quiquinpis, wamrancunapis, wamrancunapita mirajcunapis Israel nasyuncho imaypis raymi cangapaj.

Deuteronomio 24:8

«Pitapis lepra gueshya chariptenga Leví trïbu cüracunaman aywanga ricananpaj. Paycunaga musyaycanmi leprapita llapan nishäcunata. Chayno captenga lepra charishuptiqui imatapis ruranayquipaj cüra nishanta llapanta cumlinqui.

Deuteronomio 28:14

Gamcunaga willapashäcunata ama gongaycunquichu. Juc dioscunataga ama aduraychu, ni rispitaypischu.

Deuteronomio 29:8

Nasyunninta guechurcurnami aypuranchi Rubén trïbu, Gad trïbu, pullan Manasés trïbu runacunata.

Deuteronomio 6:17

Tayta Diospa mandamintuncunata, laynincunata yachachishäta llapanta sumaj cumliy.

Deuteronomio 6:25

Tayta Diosninchi munashanno alli cawananchïpäga yachachimashanchïnölla paypa laynincunata imaypis cumlishun› nir.

Deuteronomio 6:3

Israelcuna, cay willapashä laycunata cumlinayquipaj sumaj wiyamay. Chaynöpami unay famillyayquicunata Tayta Dios aunishan nasyuncho alli cawashpayqui aypallaman miranquicunapaj. Chaychöga lëchipis mishquipis yacunöraj achcami caycan.

Deuteronomio 8:1

«Canan yachachishä mandamintucunata cumlinqui. Cumlerga unay caj famillyanchïcunata Tayta Dios aunishan nasyunman yaycushpayqui achcaman mirar allimi cawanquipaj.

Josué 1:7

Gamga ama manchacuychu. Sumaj balurchay. Sirbimajnë Moisés llapan layta yachachishushayquita cumliy. Llapantapis cumliy imano ruranayquipäpis niycashannölla. Chauraga ima rurashayquichöpis yanapäshayquipämi.

Josué 23:6

«Gamcunaga Moisés isquirbishan laycunata llapanta cumliy. Juctapis ama gonganquichu.

2 Pedro 2:21

Diosninchïpa mandamintuncunata yachaycar manacajman churanallanpäga Jesucristuta ama chasquicunmanchu caran.