Deuteronomio 4:24 - Tayta Diosninchi Isquirbichishan

²⁴ Tayta Diosga payllata sirbinanchïta, adurananchïtami munan. ¡Mana wiyacojcunataga nina rupar ushacurcojnömi usharenga!

Deuteronomio 4:24 ပူးပေါင်းရင်းမြစ်များ

2 Reyes 24:20

Chaypitami Tayta Diosga fiyupa rabyacurcuran Jerusalén runacunapäwan Judá runacunapaj. Ñaupanpitapis juc-lämanna jitariran. Chaypitana Sedequiasga Babiloniapa rayninpa contran jatariran.

Salmos 21:9

Chayamushpayqui fiyucunataga llapantami rataycaj jurnuman gaycunquipaj. Tayta Diosnami rabyasha cashpan ninawan ushajpaj illgarachenga.

Salmos 78:58

Mana sirbej altarta puytush lömacunacho rurar, ïdulucunata adurashpan Tayta Diosta rabyachiran.

Éxodo 15:7

Gamga fiyupa munayniquiwanmi contrayqui jatarejcunata usharishcanqui. Rabyacurcurmi ogshata nina ushacurcojnöpis illgarachishcanqui.

Éxodo 20:5

Chaycunapa ñaupanmanga ama gongurpacunquichu ni aduranquipischu. Nogallami Tayta Diosniquega cä. Japalläta aduramänayquitami munä. Mana wiyacamar ïdulucunata adurajcunataga castigashaj maman-taytanta, wamranta, willcanta mas willcan cajtapis.

Éxodo 24:17

Tayta Dios munayniyoj car achicyashanta ricaptin Israelcunapäga caycaran quiquin puntata nina rupaycajnöraj.

Éxodo 33:3

Gamcuna aywacuy ari lëchipis abëjapa mishquinpis yacunöraj aypalla cashan partiman. Nogami ichanga manana aywashänachu gamcunawan iwal. Gamcunaga mana wiyacoj runacunami canqui. Gamcunawan aywarga nänicho illajpita illgarpis illgarachëmanmi.»

Éxodo 34:14

«Chaycho tiyaj runacunapa diosnincunataga ama aduranquichu. Nogaga manami munächu chayno ruranayquita. Nogaga munä japalläta aduramänayquitami.

Isaías 10:17

Israelcunapaj achquino caycaj Santo Tayta Diosmi nina rataycajmanno ticracurengapaj. Nircorga juc junajllachömi Asiria runacunata illgarachengapaj cashata shatata nina rupacurcushanno.

Isaías 30:27

Masqui ricay-llapa. Quiquin Tayta Diosmi caruta aywaycämun. Pay rabyashanga caycan nina ratarir yana goshtay jatarejnörämi. Fiyupa rabyasha cashpan rimananpämi caycan. Paypa shimenga imatapis rupar ushacurcoj ninanömi.

Isaías 30:33

Unaypita-pachanami Asiriacunapäwan rayninpäga Tofet particho camarisha caycan fiyupa ñacananpaj. Chaychöga altar caycan fiyupa jatuncaraymi. Yantapis aypallami shancaraycan. Tayta Diosga juc pücayllawanmi sindirengapaj. Paypa shiminpitaga ratataycaj asufrimi llojshimonga.

Isaías 33:14

Juchayojcunaga Sioncho sicsicyanmi. Diosman mana yäracojcunami fiyupa mancharishpan cayno nircaycan: «¿Mayganchïraj awantashwan rupar ushacoj ninataga? ¿Mayganchïraj cawaycushwan imaycamapis mana upej ninachöga?» nir.

Isaías 42:8

Nogaga cä Tayta Diosmi. Chaymi jutëpis caycan. Chaymi camacächishaj nogallata aduramänanpaj. Manami camacächishächu nogata alabamänanpa ruquin ïdulucunata alabanantapis.

Amós 5:6

Tayta Dios munashanno rurarga cawanquimi-llapa. Mana wiyacuptiquimi ichanga ushacächicojcunata Pay cachamonga Israelcuna tiyarcaycashanman. Chaura Betelchöga manami pipis cangachu mana allicunapita salbananpaj.

Nahúm 1:2

Tayta Diosga payllata sirbinanchïtami munan. Mana allita rurashaga pay rabyar castigacunmi. Pay nishanta mana rurajcunataga rurashanmannömi castïguta gon. Paypa contran cajcunapäga fiyupami rabyan.

Nahúm 1:6

Pay fiyupa rabyasha caycashan öraga ¿piraj ichiraycanman? ¿Piraj awantanman rabyasha caycaptenga? Paypa rabyaynenga nina wapchacojnömi. Chaynöpis, paypa ñaupanchöga gagacunapis shillicäcunmi.

Sofonías 1:18

Tayta Dios jusganan junäga manami runata salbangapächu guellaynin ni gori charashanpis. Tayta Dios rabyasha caycashanga ninanörämi nasyun intëruta usharengapaj. Cay pachacho tiyajcunataga llapantami juc guepishtayllacho usharengapaj.

Sofonías 3:8

Chaymi gamcunaga ichicllata shuyaycäriy jusganä junajcama. Noga Tayta Diosmi në: Achca nasyun runacunata, raycunata shuntanäpämi yarpachacushcä. Shuntarcurnami rabyasha caycashäta paycunacho gasarpachishaj. Rabyashäga caycan rataycaj ninanörämi. Nina ratariycajno rabyasha caycashäwan castigaptë munducho cäga ushajpaj illgächishami canga.

Números 25:11

«Cüra Aaronpa willcan Finees Eleazarpa wamranmi Israelcunapaj fiyupa rabyaycashäta päsachisha. Paypis noganömi juchata ruraj runacunapäga fiyupa rabyan. Juchayoj runata wañuchishanpitami nogapis Israelcunata ushajpäga mana wañuchishcächu.

1 Corintios 10:22

¿Tayta Diosninchïta rabyachiytachu munarcaycanqui? ¿Noganchëga paypita mas munayniyojchu canchi?

Deuteronomio 29:20

Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.

Deuteronomio 32:16

Juc dioscunata adurashpanmi Tayta Diosta rabyachisha.

Deuteronomio 5:9

Chaycunapa ñaupanmanga ama gongurpacunquichu ni aduranquipischu. Nogallami Tayta Diosniquega cä. Japalläta aduramänayquitami munä. Mana wiyacamar ïdulucunata adurajcunataga castigashaj maman-taytanta, wamranta, willcanta mas willcan cajtapis.

Deuteronomio 6:15

Tayta Diosga pay japallanta aduranayquitami munan. Jucta aduraptiquega rabyar ushajpämi illgarachishunquipaj.

Deuteronomio 9:3

«Chayno captinpis gamcunapa ñaupayquitami Tayta Dios aywanga. Paymi ricapaycaptiqui chay runacunata usharenga nina ushajnöpis. Chaynöpami aunishannölla yanapäshunquipaj paycunata binsir juclla ushajpaj wañuchinayquipaj.

Hebreos 12:29

Man'chäga usharamashwanmi. Payga fiyupa rataycaj ninanömi.