Deuteronomio 32:9 - Tayta Diosninchi Isquirbichishan

⁹ Chaymi paycunata cuyar acraran yanapänanpaj. Jacobpita mirajcunatami shuntaran paypa maquincho cawananpaj.

Deuteronomio 32:9 ပူးပေါင်းရင်းမြစ်များ

2 Samuel 14:16

Yarpashanno wamräta wañucherga Tayta Diospita chasquishä partisyunpitapis gargaraycamangachari. Chayno mana cananpämi ruwacoj shamushcä.

2 Samuel 20:19

Cay siudächo tiyajcunaga llapanëpis cä pï-maypäpis allillami. Israelcunapa contranga imaypis manami jatarishcächu. Gamga illgächiyta munaycanqui Israelcho mas alli goyäcojtami. ¿Imanirtaj illgächiyta munanqui Tayta Diospa cajtaga?»

1 Reyes 8:51

Gampami cay runacunaga. Gammi jorgamurayqui Egipto nasyunpitapis fyërru chulluchicuna jurnucho ñacaycajta japuy.

1 Reyes 8:53

Tayta Dios cay Israelcunataga Gammi quiquiquipa cananpaj raquishcanqui llapan runacunapita. Chayno raquishayquitaga unay awilöcunata Egiptupita jorgamushayqui örami Moisesta willarayqui.»

Salmos 106:40

Tayta Diosga acrashan runacunapaj fiyupa rabyacurcuran. Chay runacunataga fiyupa melanäcuran.

Salmos 106:5

Chaynöpami noga ricashaj acrashayqui runacuna alli goyajta. Chayta ricarmi noga cushicushaj acrashayqui runacunawan iwal.

Salmos 135:4

Paymi Jacobpita miraj Israelcunata acraran. Quiquinpa shuyni cuyaynin cananpämi acraran.

Salmos 28:9

Acrashayqui runacunata salbay Tayta Dios. Gam acrashayqui cajcunataga bindisyunta goycullay. Uyshërunöpis sumaj ricaycullay. Margashalla apaycuy imaycamapis munayniquicho goyänanpaj.

Salmos 33:12

Tayta Diosta rispitaj nasyun runacunaga cushishami cawanga. Paycunataga Tayta Diosmi payllata sirbinanpaj acrasha.

Salmos 74:2

Acrashayqui runacunapäga yarpaycuy ari. Paycunataga gallarinanpita-pachami quiquiqui acrarayqui. Acrashayqui trïbu cananpämi jorgamurayqui. Sión lömataga yarpäriy ari. Gamga chaychömi tiyarayqui.

Salmos 78:71

Paytaga uyshata gatisha puriycajta jorgurcurmi churaran acrashan Israelcunata ricananpaj.

Éxodo 15:16

Paycunaga fiyupa munayniquiwanmi mancharishpan upatasha ricaconga. Ruminöpis chiyacäconga acrashayqui runacuna päsacurinancama.

Éxodo 34:9

Chaymi niran: «Tayta Dios, gampaj alli casha captëga nogacunata yan'gaycallämay ari. Cay runacunaga mana wiyacoj runacunami. Chaypis mana alli rurashäcunata, juchäcunata perdunaycamay. Nircur acrashayqui runacunana canäpaj chasquiycamay ari.»

Isaías 19:25

Munayniyoj Tayta Diosga bindisyunta goshpan nenga: «Nogaga bindisyuntami gö acrashä Egiptuta, rurashä Asiriata, quiquëpa caj Israeltapis.»

Isaías 34:17

Cada-ünuntami maycho goyänanpäpis camaripasha. Quiquinmi ricachisha maycho tiyananpäpis. Ricachishanchömi imaycamapis tiyaconga. Imaycamapis chayllachömi tiyacongapaj.

Isaías 43:21

Chay runacunataga quiquëpämi rurarä. Paycunataga alabamänanpämi rurarä.

Jeremías 10:16

Tayta Diosninchïmi ichanga juc-niraj. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis Munayniyoj Tayta Diosmi.

Jeremías 2:7

Nogami gamcunata pushamurä ima-aycapis wayunan partiman, cay particho wayushan frütacunata micunayquipaj, chaycho ima-ayca alli wayojcunatapis micunayquipaj. Ichanga gamcuna chayaycamur alli chacräta ganrachishcanqui. Gamcunaga ticrachishcanqui cay nasyun quiquëpa caycaptin fiyupa melanäcunäpaj.

Jeremías 51:19

Tayta Diosninchïmi ichanga rasunpa Dios. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis «Munayniyoj Tayta Diosmi».

Miqueas 2:5

Chaynöpami Tayta Dios acrashan runacuna chasquishanchöga chay fiyu runacuna imatapis mana chasquengapächu.

Zacarías 2:12

Tayta Diosga yapaymi Judá runacunata partisyuntano shuntangapaj. Jerusalén siudänami cangapaj llapan siudäcunapita acracushan siudä.

Efesios 1:18

Payta mañacö imaypis alli yarpayta goshunayquipaj. Chayrämi musyanquipaj imapaj salbashushayquitapis; chasquinayquipaj caycaj erensya fiyupa alli cashanta;

Deuteronomio 9:29

Imano carpis Israel runacunaga cuyashayqui runacunami caycan. Quiquiquimi Egipto nasyuncho ñacaycaptin munayniquiwan jorgamushcanqui› nir.

Josué 24:17

Quiquin Tayta Diosmi Egiptucho uyway caycajta noganchïtapis unay castanchïcunatapis jorgamaranchi. Quiquinchïmi ricashcanchi almiraypaj milagrucunata rurashantapis. Shamuptinchïpis paymi imapitapis chapämashcanchi achca nasyuncunapa päsamuptë.

1 Samuel 10:1

Samuelga alli asyaj asëtita charircur Saulpa umanman wiñaparan. Nircorga mucharcushpan niran: «Cananmi Tayta Dios churaycäshunqui Israelcunapa raynin canayquipaj. Cananpitaga gammi llapanta mandanquipaj. Chiquiycajcunatapis llapanta binsinquipaj. Tayta Diosninchi acrashushayquita musyanayquipaj