Deuteronomio 32:49 - Tayta Diosninchi Isquirbichishan

⁴⁹ «Moab nasyuncho caycaj Abarim jircacunapa aywar Nebo puntaman wichay. Chayga caycan Jericó siudä chimpanchömi. Chay puntapitami ricanqui Israel runacunata goycunäpaj caycaj Canaán nasyunta.

Deuteronomio 32:49 ပူးပေါင်းရင်းမြစ်များ

Génesis 17:8

Canan tiyaycashayqui Canaán partitapis gamtami, gampita mirajcunatami imaycamapis goycushayqui. Gampita mirajcunapa Diosninpis nogallami cashäpaj.»

Isaías 33:17

Rayta ricanquipaj munayniyoj cuyayllapaj caycajta. Nasyunpa lindancunapis mas carucamami canga.

Jeremías 22:20

«Judá runacuna, yanapäshunayquipaj nasyun runacunaga llapannami ushacasha. Chaymi Líbano puntaman wicharcushpayqui wagay. Basán jircacunachöpis atay. Abarim parti puytush lömacunapitapis gaparpay.

Levítico 14:34

«Gamcunata goycunäpaj caycaj Canaán nasyuncho tiyaycaptiqui maygayquipa wasiquichöpis mupalliypa yuriptenga

Números 27:12

Moisesta Tayta Dios niran: «Cay Abarim puntaman wichämuy. Caypitami ricanqui Israelcunata goycunäpaj caycaj partita.

Hechos 7:45

Tolduta apacurcur unay castanchïcunataga Tayta Dios acrashan nasyunman Josuëmi pusharan. Chaynöpa cay marcanchïpita llapan jäpa runacunata garguran. Garguriptenga castanchïcunallapäna cay nasyun ricacuran. Paycunaga ray David cashan wichancamami toldullacho Tayta Diosta aduraran.

2 Corintios 5:1

Musyanchïmi cay pachacho ushacashapis mana ushacaj mushoj cuerputa Tayta Diosninchïpita chasquinanchïpaj cashanta. Cay pachachöga ushacaj chucllanöllami cuerpunchi caycan. Syëluchömi ichanga mushoj cuerpunchi alli rurasha wasinöna canga. Chay cäga manami runa rurashanchu.

Deuteronomio 3:27

Chaypa ruquenga Pisga jutiyoj puntaman wichay. Chaypitami intërupa ricchacunqui ñawiqui aypashanyaj. Jordán mayutami ichanga mana chimpanquipänachu.