Deuteronomio 32:35 - Tayta Diosninchi Isquirbichishan

³⁵ Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Deuteronomio 32:35 ပူးပေါင်းရင်းမြစ်များ

Génesis 4:23

Lamecga ishcan warminta cayno willaparan: «¡Ada, Zila, nishäta wiyamay! Juc runa rachejpaj magamashanpitami wañurachirä. Goyojpaj chayaycachimaptinpis supaynintami apachirä.

2 Samuel 22:48

Mana allita ruramashanpita Tayta Diosmi ayñita cutichisha. Llapan runacunatapis munaynilläman churasha.

2 Reyes 9:7

Gammi ushajpaj wañuchir illgächinquipaj patrunniqui Acab famillyata. Chaynöpami llapan profëtäcunata, sirbimajcunata Jezabel wañuchishanpita ayñita cutichinquipaj.

Salmos 94:1

Tayta Dios, gammi caycanqui juez cay pachachöga. Arriglayna ari. Juchayoj cajtaga castigay. ¡Alli-tucojcunataga rurashanman-tupu ayñita cutichiy!

Éxodo 32:34

Cananga cutiycushpayqui runacunata pushanqui aunishä partiman. Anjilnëmi pushashunqui. Chaypis Israelcuna juchata rurashanpitaga castiganä junaj chayamuptinnami castigashaj.»

Proverbios 4:19

Juchasapacuna mana alli goyashanmi ichanga caycan fiyupa manchacuypaj yanauyaycaj chacayno. Chay runacunaga manami musyanchu imaman tacacushantapis.

Isaías 13:22

Palasyucunachöpis atojcunallami aullar tiyanga. Alli palasyucunachöpis jirca animalcunallami tiyanga. Babilonia nasyunpaga öran chayaycämunnami. Manami aycäpis pishinnachu.»

Isaías 5:19

Gamcunaga nircaycanqui: «Ricananchïpaj Diosga juclla rurachun rurananpaj cajcunata. Musyananchïpaj Israelcunapa Santo Diosnenga juclla rurachun rurananpaj yarpaycashancunata» nir.

Isaías 60:22

Chay ichiclla caycajmi waranganpa mirangapaj. Wallcalla caycajmi munayniyoj nasyun canga. Nogami Tayta Dios cä. Nogami camacächishaj manapis aycällatana chayno cananpaj. Nishä diyapäga chaynönami canga.»

Isaías 8:15

Paycunaga achcajmi tacacanga; tunenga; wañonga. Achcajmi togllaman watacashano quëdanga.»

Jeremías 13:16

Yanauyaycaj chacaj pachaman Tayta Dios manaraj chayachishushayquicama payta rispitay. Yanauyaycaj chacayta chayachimuptenga jircacunachöpis tacacanquipämi. Tayta Diosta rispitay shuyaraycashayqui achquita manaraj chacajman ticrachiptin.

Jeremías 20:11

Chaypis Tayta Dios, gamga pipis mana binsinan pillyay yachajnömi nogawan caycanqui. Gaticachämajcunaga quiquinmi mana alliman chayanga. Chaura imatapis manami ruramanganachu. Quiquincunami mana alliman chayar fiyupa pengaycho quëdanga. Chayno pengaycho ricacushantaga imaycamapis runacuna rimaycangami.

Jeremías 23:12

Chayno cashanpitami caminuncunapis fiyupa llushca y chacaj ricaconga. Nogami camacächishaj tangariptin chaycho tuninanpaj. Juchancunapita jusgashpä paycunaman disigrasyatami chayachimushaj. Noga Tayta Diosmi chayno në.

Jeremías 51:56

Babiloniata illgächej aywaycämunnami. Pillyaj suldäruncunatami prësu charenga. Pillyananpaj caycaj lëchancunatapis ushajpämi paquirgärenga. Noga Tayta Diosga cada-ünuntami imanöpis rurashanman-tupu cutichishaj.

Jeremías 6:21

Chayno cashanpitami cay runacunapäga camacächishaj mana alliman chayananpaj. Chaynöpami wañur ushacanga taytanpis wamranpis bisïnunpis rejsinacushanpis.» Tayta Diosmi chayno nisha.

Jeremías 8:12

¿Fiyupa melanäcushä cajta rurarcur paycunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayanga. Noga Tayta Diosmi chayno në.

Ezequiel 7:5

«Noga, Tayta Diosmi në: ‹Gamcunamanga gatinayllanpami disigrasya chayamoj aywan.

Oseas 13:12

«Efraín runacuna mana allita rurashanga apuntaraycannami. Juchata rurashancunaga musyacashanami caycan.

Levítico 19:18

Marca-masiqui imatapis rurashuptiqui ayñita ama cutichinquichu, ni nanaparanquipischu. Chaypa ruquenga runa-masiquita cuyanqui quiquiqui alli cawayta munashayquino. Noga Tayta Diosniquimi chayno në.

Nahúm 1:2

Tayta Diosga payllata sirbinanchïtami munan. Mana allita rurashaga pay rabyar castigacunmi. Pay nishanta mana rurajcunataga rurashanmannömi castïguta gon. Paypa contran cajcunapäga fiyupami rabyan.

Nahúm 1:6

Pay fiyupa rabyasha caycashan öraga ¿piraj ichiraycanman? ¿Piraj awantanman rabyasha caycaptenga? Paypa rabyaynenga nina wapchacojnömi. Chaynöpis, paypa ñaupanchöga gagacunapis shillicäcunmi.

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Romanos 12:19

Ermänucuna, chiquishojniquicunata ama bingansata cutichiychu. Chaypa ruquenga Tayta Diosninchïpa maquinman churaycuy pay jusgananpaj. Tayta Diosninchïpa palabranchöpis caynömi niycan: «Rurashanman-tupu quiquëmi runacunataga jusgashaj.»

Romanos 13:4

Paycunataga Tayta Diosninchi churasha allita rurar uywashunayquipaj. Mana allita rurarmi ichanga manchacunayqui. Autoridäcunaga munayniyojmi caycan castigananpaj. Paycunataga Tayta Diosninchi churasha mana allita rurajcunata castigananpämi.

Deuteronomio 32:43

«May-chay nasyunchöpis tiyaj runacuna Tayta Dios acrashan Israelcunawan iwal cushicuy-llapa. Paymi ayñita cutichishpan wañuchenga sirbejnincunata wañuchishanpita. Acrashan runacuna cushisha cawananpämi tiyashan nasyunninta limyuyächenga.»

Hebreos 10:30

Juchata rurajcunapäga Tayta Dios nisha: «Llutanta rurashanman-tupu quiquëmi runacunataga jusgashaj.» Caynöpis ninmi: «Acrashä runacunatapis jusgashämi.»

1 Pedro 2:8

Mas juc partichöpis nin: «Tacacänanpaj rumi, tunichicoj rumimi caycan.» Paycunaga tacacan Tayta Jesucristupa alli willacuyninta mana wiyacushpanmi. Paycunapäga ñaupatanami Tayta Dios distinaran chayno cananpaj.

2 Pedro 2:3

Guellay-raycullami alli-tupayllapa engañangapaj. Ichanga paycunata Tayta Dios castigananpaj unaypita-pachanami distinasha caycan. Paycunataga ñacay shuyaraycannami.

1 Samuel 26:10

Wañucherga Tayta Diosmi wañuchenga. Man'chäga pillyachömi wañonga.