Deuteronomio 32:3 - Tayta Diosninchi Isquirbichishan

³ Tayta Dios munayniyoj cashantami willacushaj. ¡Llapayqui payta alabay ari!

Deuteronomio 32:3 ပူးပေါင်းရင်းမြစ်များ

1 Crónicas 17:19

Tayta Dios, cuyamashayquita musyachimänayquipämi llapanta munashayquino rurashcanqui.

1 Crónicas 29:10

Chaura Davidga llapan runacunapa ñaupancho Tayta Diosta alabar niran: «¡Awilö Israelpa Tayta Diosnin imaycamapis alabasha caycuy!

1 Crónicas 29:11

Tayta Dios, gamllami canqui fiyupa munayniyoj. Gammi fiyupa alli canqui. Gampa munayniquichömi caycan llapanpis. Janaj syëlucho caj, cay pachacho cajpis gamllapami. Gamllami llapantapis mandanqui. Gammi canqui llapanpita mas munayniyoj.

1 Crónicas 29:13

Chaypitami nogacunaga Tayta Diosnë captiqui cushicushpä agradësicur alabä.

Salmos 150:2

Alabay-llapa munayninwan rurashanpita. Alabay-llapa fiyupa munayniyoj cashanpita.

Éxodo 20:24

« ‹Gamcuna nogapaj altarta ruranqui mitupita. Uyshayquita carpis wäcayquita carpis pishtarcur chaychömi rupachina sacrifisyuta carpis, alli goyaypita sacrifisyuta carpis garamanqui. Maychöpis rispitamänanpaj acrashä pachacho rispitamaj cajtaga bindisyuntami goshaj.

Éxodo 33:19

Chayno niptin Moisesta Tayta Dios niran: «Cuyapashä cajta cuyapämi. Perdunayta munashä cajtaga perdunämi. Chaymi ñaupayquipa päsar cuyapäcoj cashäta musyachishayqui. Chaynömi jutë ima cashantapis willashayqui.

Éxodo 6:3

Abrahamta, Isaacta, Jacobta yuriparcur noga musyachirä Munayniyoj Dios cashäta. Ichanga paycunata manami willarächu Tayta Dios jutë cashanta.

Jeremías 10:6

Tayta Dios, gamnöga manami pipis canchu. Gamga munayniyojmi canqui.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Mateo 1:23

«Donsëlla jipashmi gueshyaj ricacur ollgu wamrata gueshyacongapaj. Jutintami churapangapaj ‹Emanuel› nir.» (Emanuel ninanga «Dios noganchïwan caycan» ninanmi.)

Juan 17:26

Gam pï cashayquitapis tantiyananpämi paycunataga willapar yachachishcä. Chaynöllami ruraycäshaj nogata cuyamashayquino paycunatapis cuyanayquipaj. Nogapis paycunawanmi caycäshaj.»

Juan 17:6

«Gamman mana yäracamoj runacunapita acrarcur nogata gomashayqui disïpulöcunatami musyachishcä pï cashayquitapis. Paycunaga gampami caran. Chaymi paycunaga gam nishayquita willapaptë llapanta chasquicusha.

Efesios 1:19

Payman yäracojcunataga Tayta Diosninchi fiyupa munayninwan yanapashanta, chay munaynenga imamanpis mana tincushanta. Chay munayninwanmi Tayta Diosninchëga

Deuteronomio 3:24

‹Tayta Dios, nogataga llapanpaj munayniyoj cashayquitami tantiyaycächimanqui. Gampita mas juc Diosga manami canchu syëlucho ni cay pachachöpis. Gam rurashayquino almiraypajcunata manami pipis ruranmanchu.

Deuteronomio 5:24

Paycuna nimaran: ‹Tayta Diosninchëga nina rataycajpita parlamurmi musyachimashcanchi fiyupa munayniyoj cashanta. Cananga rasunpami musyashcäcuna Tayta Dios parlapämashapis mana wañushanchïta.

Apocalipsis 15:3

Cantaycaran Tayta Diospa sirbejnin Moisés cantashanta, Cashni uysha cantashanta: «Llapanpaj munayniyoj Tayta Dios, Gam rurashayquicunaga fiyupa allimi. Llapanpa mandajnin Tayta Dios, Gamga imaypis alli cajllatami ruranqui.