Deuteronomio 32:27 - Tayta Diosninchi Isquirbichishan

²⁷ Ichanga contrancuna cushipämänanta manami munashcächu. Manami munächu paycuna alli-tucur «Tayta Diosnin chapaycaptinpis illgächishcanchi» ninanta.›

Deuteronomio 32:27 ပူးပေါင်းရင်းမြစ်များ

1 Reyes 20:28

Chayno carcaycaptinmi Israelpa rayninmanga Diospa profëtan chayaran. Paymi niran: «Tayta Diosmi nin: ‹Siria runacuna nimasha puntacunallapa diosnin cashäta, guechwa ragracunapa diosnenga mana cashäta. Chayno Nogapaj nishanpitami cananga munayniquiman cachaycö chay aypalla runacunata binsinayquipaj. Chaynöpami musyanquipaj noga rasunpa Tayta Dios cashäta.› »

Salmos 140:8

Tayta Dios, fiyu runacuna munashantaga ama camacächiychu. Yarpashancunataga ama camacächiychu. Chayrämi manana alli-tucongachu. Selah

Salmos 140:9

Tumaparaycämajcuna «Maldisyunädu cachun» nishanga quiquincunaman ticrachun.

Éxodo 32:12

Illgarachiptiquega Egiptucuna nenga: ‹Chunyaj jircacho wañuchinanpaj, cay pachapita illgächinanpaj yarpaypami Diosga caypita jorgusha› nir. Ama rabyacuychu ari. Juchata rurashanpita castiganayquipa ruquenga cuyapaycuy ari.

Isaías 37:10

«Gam yäracushayqui Diosniquega nishunqui Jerusalenga nogapa munaynëcho imaypis mana cananta. Ichanga nishushayquita ama riguiychu.

Isaías 37:35

Nogami cay siudäta chapäshaj. Imapitapis salbashaj sirbimajnë Davidta aunishäta yarpar, quiquëpis rispitacachicushpä› nir.»

Isaías 47:7

‹Imaycamapis raynallami cashaj› nirayqui. Ichanga noga ruranäpaj cashanta manami yarpashcanquichu. Imano ushacänayquipaj cashantapis manami musyashcanquichu.

Isaías 48:11

Nogaga rispitamänayquipämi chayno rurashcä. ¿Imanöpataj munäman manacajman churamänayquitaga? Nogata rispitamänayquipa ruquin jucta rispitanayquitaga manami camacächishächu.

Jeremías 19:4

Israelcunaga nogata cachaycäramashami. Cay partitapis mana rejsishamannönami ticrachisha. Cay jircachömi insinsutapis juc dioscunapäna rupachisha. Chay dioscunataga manami rejsiranchu quiquincunapis, ni unay caj awiluncunapis, ni Judäpa raynincunapis. Wamracunata wañuchirmi yawarninta intërucho mashtasha.

Lamentaciones 1:9

Juchata rurashpanmi röpantapis ganrachisha caycan. Manami yarpachacuranchu imaman chayananpaj cashantapis. Mana riguiypämi mana alliman chayasha. Pipis manami canchu cuyapar shogananpaj. Tayta Dios, ricäramay ari fiyupa llaquicuycashäta. Chiquimajcunanami alliman chayasha.

Daniel 4:27

Chaymi tayta ray, gamga ruray noga nishänölla. Amana mastaga juchata ruraynachu. Amana mana allicunata ruraynachu. Chaypa ruquenga pobricunatana yanapay. Chayno allillata rurarga capaschari canan goyaycashayquinölla goyanquiman.»

Números 15:30

«Pipis yarpaypa juchata rurarga Israel carpis, jäpa carpis nogatami rabyachiman. Chaymi chay runaga ushacächisha canga.

Deuteronomio 9:28

Mana perdunaptiquega Egipto runacuna musyashpan nenga: «Aunishan nasyunman chayachiyta Tayta Diosga manami camäpacushachu» nir. Chaynöpis nenga: «Israel runacunapa contran cashpanmi chunyaj pachaman pushaycur ushacächisha» nir.

Josué 7:9

Cay particho tiyaycaj Cananeo runacuna musyaycärerga shuntacarcurmi shamonga usharamänanpaj. Chaura jutëcunapis gongacanganachari. Chayno captenga ¿imanöparaj runacuna musyanga llapanpaj munayniyoj cashayquita?»

1 Samuel 12:22

Rasunpa rispitaptiqui Tayta Diosga manami imaypis cachaycushunquipächu. Payga munan gamcuna acrashan runacuna canayquitami.