Deuteronomio 32:14 - Tayta Diosninchi Isquirbichishan

¹⁴ Quësutami, cabrapa lëchintami camariparan. Yanapaptinmi Basán particho caj cashnicunata, uyshacunata, chïbucunata micuran. Rïgutapis allillatami micuran. Bïnutapis upuran sumaj pogusha übaspa yacuntami.

Deuteronomio 32:14 ပူးပေါင်းရင်းမြစ်များ

Génesis 18:8

Chay besëra aychata garashpanmi apaparan lëchita, quësuta, tantatapis. Apapashancunata paycuna micuran yöra chaquincho. Chayno micupacuptin Abrahamga shuyaraycaran imatapis munashan cajta apapänanpaj.

Génesis 49:11

Chay wichan übas aypalla captinmi bürruncunatapis übas yöracunamanna watanga. Bïnu yacunöraj captinmi bïnuwan röpantapis tagshacunanpänöna canga.

2 Samuel 17:29

mishquita, wäcapa uyshapa lëchinpita quësuta, David yan'guincunawan micunanpaj. Paycunaga aparan «chunyajpita aywaycämorga fiyupa uticashachari, yargaypitachari, yacunaypitachari caycan» nir yarpashpan.

Nehemías 9:25

Guechur charicarcäriran intërunpa curalasha siudäcunata, micuy alli wayunan chacracunata, ima-aycanpis junta caycaj wasincunata, yacu pösuncunata, übas chacrancunata, olivo wertancunata, waquin früta wertancunata. Chaychömi paycunaga micuytapis cushisha micuran werayänanyaj. Yanapashayquipitami fiyupa cushicur alli goyaran.

Nehemías 9:26

«Ichanga mana wiyacojmi caran. Contrayqui ricacuran. Layniqui niycashantapis mana cumlir manacajman churaran. Mana allita ruraptin profëtayquicuna piñacushpan willaparan gamman yapay yäracamunanpaj. Chaura paycuna fiyupa rabyachishushpayquimi profëtayquicunata wañuchiran.

Job 20:17

Mananami cushisha miconganachu Aypalla mishquitapis aypalla lëchitapis manami upongachu.

Job 29:6

Chay wichanga lëchipis pampantin yacunöraj caran. Asëtipis gagacunapita quiquillanmi llojshicamoj.

Salmos 147:14

Paymi alli goyächin nasyunniquicho tiyajcunata. Rïgu alli wayunanpäpis bindisyunta churan.

Salmos 22:12

Chiquimajcunaga wishtacoj törucunano tumaparcaycäman. Chaycunaga carcaycan Basancho tiyaj callpasapa törucunanömi.

Salmos 81:16

Acrashä runacunaga allinnin rïgutami micunman caran. Jircacho cacoj mishquiwanrämi yacunaynintapis chawächëman caran.»

Isaías 7:15

Chay wamra manaraj sumaj yarpayninman chayashancamaga micongapaj quësutawan abëjapa mishquillantami.

Isaías 7:22

aypalla lëchimi cangapaj. Chaymi jinan nasyuncho quëdaj cajcunaga chayllata miconga. Paycunaga miconga quësullata abëjapa mishquillantami.

Ezequiel 39:18

Suldärucunapa aychanta miconga. Munducho mandajcunapa yawarnintana uponga, imanömi uyshapa, carnipa, chïbupa Basancho caj werannin töru-mallwacunapa yawarninta upun, chaynöraj.

Oseas 11:4

Paycunataga fiyupa cuyashpämi pushamurä. Paycunataga iti wamranta margarcur cäranman töpachejnömi cachirä. Chayno rurarmi paycunataga micuytapis tarichirä.

Amós 4:1

Sumaj wiyay Samaria warmicuna. Basán particho wäcacunano caycaj warmicuna wiyay cayno nishäta: Gamcunaga pobricunatami ñacaycächinqui. Pishëpacojcunatapis magar-ushaycanqui. Runayquicunatana «Bïnuta apamuy upyanäpaj» nircaycanqui.

Miqueas 7:14

«Tayta Dios, sirbishojcunataga ricaycuy ari. Nogacunaga caycä gampa uyshayquinömi. Quiquilläcuna shatachömi carcaycä. Micuy fiyupa wayunan allpami intëröpa tumaparaycäman. Unay pushamushayquino, yapay pushamay ari. Pushamay Basancho Galaadcho caycaj alli guewacunaman.

Números 18:12

Gamta goycushayqui cada wata Israelcuna rimir-punta shuntar raquir apamushanta: alli caj asëtita, alli caj bïnuta, rïgutapis.

Deuteronomio 28:47

Llapanpis chayashunquipaj ima-aycayqui cananpäpis yanapäshushayquipita Tayta Diosta mana rispitar mana adurashayquipitami.

Apocalipsis 14:20

Übastaga siudäpita mas juc-lächömi lluchcaran. Pösupitanami yawar llojshiran cawallupa shiminman aypänan altucama. Sojta chunca (60) lëwacamami mashtacaranpis.

Jueces 5:25

Sísara yacuta mañacuptin Jaelga lëchita goycuran. Cuyayllapaj tasunwan mas alli caj lëchitami goycuran.