Deuteronomio 32:11 - Tayta Diosninchi Isquirbichishan

¹¹ Chaymi gueshtancho anca älanta quicharcur-quicharcojno, wawancunata pärinanpaj yachachejno, Tayta Diospis acrashancunata apacamuran.

Deuteronomio 32:11 ပူးပေါင်းရင်းမြစ်များ

Génesis 1:2

Cay pachaga manami canan caycashannöchu caran. Manami imapis caranchu. Chacay yanauyaycaj yacu juntashalla caran. Chay yacu janallanchömi Tayta Diospa Espiritonga tumaycaran.

Salmos 18:10

Querubín anjilta muntacurcur aywacuran. Wayrawanmi aywacuran.

Éxodo 19:4

‹Gamcuna ricashcanquimi Egiptucunata imano castigashätapis. Musyanquimi caycashäman imano pushamushätapis. Wawancunata anca sumaj apashannömi Egiptupita apamushcä.

Isaías 31:5

Imanömi äbi gueshwancho chipshan caycajta täpar jananpa tumapan, chaynömi Jerusalentaga munayniyoj Tayta Dios chapangapaj. Imapitapis ricanga, salbanga, washanga, libri cananpaj ima-aycapitapis jorgonga.»

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Isaías 46:4

Auquinyaptiquicunapis nogaga chaynöllami caycäshäpaj. Pasaypa soguna caycaptiquipis chaynöllami yanapaycäshayquipaj. Gamcunataga nogami rurashcä. Chaymi gamcunataga maquëcho charar ricaycäshayquipaj. Nogami yanapashpä imapitapis salbashayquipaj.

Isaías 63:9

Llapan ñacaycunapitami runacunataga salbaran. Paycunata salbananpäga manami anjilnintachu cachamuran. Chaypa ruquenga quiquin Tayta Diosmi cuyapäcoj cashpan paycunata salbaran. Paymi jatarcachishpan margacurcur shuntasha. Imaypis chaynömi yanapasha.

Jeremías 13:11

Imanömi runa chegllancho chanaj watarächin wachcuta, chaynömi nogaga Israel runacunatawan Judá runacunata charashcä. Chaynöga charashcä acrashä runacuna cananpaj, noga munashäta willacunanpaj, cuyacoj cashäta, alli cashäta willacunanpämi. Nishä paycunaga manami wiyacamashachu. Noga Tayta Diosmi chayno në.

Oseas 11:3

Imano captinpis, nogami Efraín runacunataga puriyta yachachirä. Chayno purichirmi imano goyänanpäpis yachachirä. Chaypis paycunaga manami tantiyacushachu noga paycunata imapitapis chapaycashäta.

Deuteronomio 33:12

Benjamín trïbu runacunapämi niran: «Tayta Dios cuyashancunaga mana yarpachacuypami goyanga. Paymi imaycamapis chapanga. Maquillanchömi imaypis chararanga.»

Hebreos 11:3

Tayta Diosman yäracurmi musyanchi ruracänanpaj Tayta Diosninchi niptillan cay pachapis janaj pachapis ruracashanta. Chaynöpami canan llapan ricaycashanchïtapis camasha imapis mana cashanpita.

Apocalipsis 12:14

Ichanga warmita Tayta Dios camariparan ancapa älantano gueshpir chunyaj jircaman aywacunanpaj. Chaychömi chay warmita Tayta Dios sumaj ricaran quimsa wata medyan.

Apocalipsis 12:4

Chupanwanmi cäsi pullan goyllarcunata shuntarcur cay pachaman garparaycamuran. Nircurmi nanaywan gaparaycaj warmipa ñaupanman ichicuycuran yuriptin wamranta micucurcunanpaj.