Deuteronomio 28:32 - Tayta Diosninchi Isquirbichishan

³² Ricapaycaptiquimi wamrayquicunata warmita ollgutapis juc-lä nasyun runacuna apaconga. Waran-waran paycunapaj fiyupa llaquicurpis manami ricanquipänachu.

Deuteronomio 28:32 ပူးပေါင်းရင်းမြစ်များ

2 Crónicas 29:9

Chaypitami taytanchïcunapis guërracho wañusha. Wamranchïcunata warmita ollgutapis, warminchicunatapis prësu apasha.

Job 11:20

Fiyucunami ichanga ashirpis mana tarengachu. Pacacunanpaj ashirpis manami tarengachu. Paycunataga wañuyllami shuyaraycan.»

Job 17:5

Imatapis chasquinan-rayculla amïguncunata ima mana allimanpis jitarpoj cäga wamrancunatapis ñacajtami ricanga.

Job 31:8

murushäcunatapis juccunana micuchun. Lantashätapis sapipita achurichun.

Salmos 119:123

Ñawëpis chulluycan salbamänayquipaj ricchacur shuyaraycaptillämi, aunimashayquita cumlimänayquipaj shuyaraycaptillämi.

Salmos 119:82

Gam aunimashayquita ricchacuycaptillämi ñawëpis chulluycan. Chaymi «¿imayraj shamunqui shacyächimänayquipaj?» në.

Salmos 69:3

Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Isaías 38:14

Äbicuna wagajnömi nanächicuycä. Palumanöllami nanaywanpis ataycä. Ñawëpis uticannami syëluman ricarayllawan. Tayta Dios fiyupami ñacaycä. Nogapa faburnë jatarcuy ari.

Lamentaciones 1:18

Jerusalén nin: «Tayta Diosga rasun cajtami rurasha pay nimashanta mana wiyacushäpita. Marcacuna wiyamay-llapa. Ricamay-llapa imano nanächicuycajtapis. Nogapitaga mösucunata jipashcunatapis prësumi apacusha.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Lamentaciones 4:17

Yanapämänanchïpaj yarpashpanchïmi shuyaraycanchi mana salbamänanchïpaj caj nasyunta. Shuyarar ricchacuycashallanami ñawinchïpis uticasha.

Lamentaciones 5:17

Chaypitami cananga shongu nanaywan gueshyaycäcuna. Chaypitami ñawëcunapis chacacäcusha.

Ezequiel 24:25

«Runa, Israelcuna yäracuycashan Templutami illgarachishaj. Templu cuyayllapaj captinmi paycunaga fiyupa cushicuycan. Templunta amatar cuyan, amatar almiranpis. Chaynöllami wamrancunatapis ollguta warmita wañuchishaj.

Joel 3:6

Judá runacunata, Jerusalencho tiyajcunataga fiyupa carumanmi apashcanqui. Chayno aparcurnami uyway cananpaj ranticushcanqui Griego runacunaman.

Amós 5:27

Chaypitami gamcunata jitarishayquipaj Damascupita mas carucho caycaj chunyaj chaqui jircaman.» Chayno rurashunayquipäga niycan Tayta Diosmi. Paypaga jutinpis munayniyoj Tayta Diosmi.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Miqueas 4:10

Sión siudächo tiyajcuna, nanaywan guempuycachay. Nanaycho caycaj warminöpis gaparay ari. Gamcunaga cay siudäpita aywacunquipämi. Chunyaj jircacunachömi tiyanquipaj. Babilonia nasyunmanmi prësu apashunquipaj. Chaypitanami Tayta Diosga salbashunquipaj contrayquipa munayninpita.

Números 21:29

Fiyupa llaquicuymi casha gampäga Moab. Quemós diospa marcancho tiyajcuna, manami imata ruraytapis camäpacushcanquinachu. Quemós diosga chaycho tiyajcunatapis manami chapashachu. Warmicunatana ray Sehonpa munaynincho cananpaj suldärucuna apacuran.

Deuteronomio 28:18

Wamrayquicunamanpis, micuyniquicunamanpis, wäcayquicunamanpis, uyshayquicunamanpis, llapan casta uywayquicunamanpis maldisyunmi chayangapaj.

Deuteronomio 28:31

Wäcayquita guechurcur ñaupayquicho pishtarpis manami yawachishunquipächu. Bürruyquitapis apacur manami cutichishunquipächu. Uyshayquita apacuptinpis manami pipis guechöshishunquipächu.

Deuteronomio 28:41

Wamrayquicuna cangapämi ollgupis, warmipis. Ichanga juc-lä nasyunmanmi prësu apaconga.

Deuteronomio 28:65

Chay nasyuncunacho tiyaptiquega Tayta Diosninchi manami jamaytapis tarichishunquipächu. Chaymi gamcunaga fiyupa llaquicur, manchacashalla, amatar wagallar tiyanquipaj.