Deuteronomio 28:31 - Tayta Diosninchi Isquirbichishan

³¹ Wäcayquita guechurcur ñaupayquicho pishtarpis manami yawachishunquipächu. Bürruyquitapis apacur manami cutichishunquipächu. Uyshayquita apacuptinpis manami pipis guechöshishunquipächu.

Deuteronomio 28:31 ပူးပေါင်းရင်းမြစ်များ

Job 20:28

Tayta Dios rabyawan castigashan örami yacu ñitir chay runapa wasinta usharenga.

Isaías 62:8

Tayta Diosga munayniyoj cashpanmi juraran. Jurar niran: «Mananami imaypis camacächishänachu rïguyquita chiquishojcuna apacunantaga, ni ñacar rurashayqui bïnuyquita juc-lä runacuna upucurcunantapis.

Jeremías 5:17

Chay runacunaga llapan micuyniquicunatami ushacurcongapaj. Wamrayquicunata warmita ollgutapis wañurgärachengami. Uyshayquicunata, wäcayquicunata, übasniquicunata, ïgusniquicunatapis micucarcärengami. Pacacunayquipaj yäracushayqui siudäcunatapis pillyacunanwanmi illgächengapaj.»

Deuteronomio 28:30

Majachacänayquipaj parlashayquiwanpis jucmi puñucuyconga. Tiyanayquipaj wasita rurashayquichöpis manami tiyanquipächu. Übasta lantashpayquipis wayuyninta manami micunquipächu.

Deuteronomio 28:32

Ricapaycaptiquimi wamrayquicunata warmita ollgutapis juc-lä nasyun runacuna apaconga. Waran-waran paycunapaj fiyupa llaquicurpis manami ricanquipänachu.

Jueces 6:1

Israelcunaga yapaypis Tayta Diosta mana wiyacuranchu. Chaymi Tayta Diosga Madián runacunapa munayninman ganchis wata cachaycuran.

Jueces 6:4

Israelcunapa chacrancunacho tiyacaycärej. Micuynincunatapis ushaj. Chayno ruraj Gazacama. Chaura Israelcunaga muchupacajna. Uyshantapis, wäcantapis, bürruncunatapis apacoj.