Deuteronomio 28:30 - Tayta Diosninchi Isquirbichishan

³⁰ Majachacänayquipaj parlashayquiwanpis jucmi puñucuyconga. Tiyanayquipaj wasita rurashayquichöpis manami tiyanquipächu. Übasta lantashpayquipis wayuyninta manami micunquipächu.

Deuteronomio 28:30 ပူးပေါင်းရင်းမြစ်များ

2 Samuel 12:11

Noga nishäga rasunpami cumlenga. Quiquiquipa famillyayqui contrayqui jatarinanpämi camacächishaj. Llapan ricaymi famillyayquimanna warmiquicunata entregashaj. Paymi llapan ricay warmiquicunawan caconga.

Job 20:18

Ima-aycata gänashantapis llapantami cutichipaconga. Chaycunata manami imatapis rurangachu ni rubichangapischu.

Job 3:18

Prësucunapis chayman chayarga jamacunnami. Capuralnincuna ollgöpashantapis manami wiyannachu.

Job 31:10

warmëpis jucpa warmin cachun, jäpa runacunapis paywan cacuchun.

Isaías 62:8

Tayta Diosga munayniyoj cashpanmi juraran. Jurar niran: «Mananami imaypis camacächishänachu rïguyquita chiquishojcuna apacunantaga, ni ñacar rurashayqui bïnuyquita juc-lä runacuna upucurcunantapis.

Jeremías 12:13

Acrashä runacunaga rïguta muruycärir cashallatami shuntasha. Chay-jina ñacar arushanpis yangallami casha. Noga fiyupa rabyacurcushäpitami cosëchanga pirdisha.»

Jeremías 6:12

Chacrancunapis, wasincunapis, warmincunapis jucpanami cangapaj. Cay nasyuncho tiyaj runacunataga nogami castigashaj. Noga Tayta Diosmi chayno në.

Jeremías 8:10

Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Lamentaciones 5:11

Sionchöpis, Judächo caj siudäcunachöpis, warmicunata, wamra jipashcunatapis charipacusha.

Lamentaciones 5:2

Erensyäcunapis juc-lä nasyun runacunapa munaynillanchönami caycan. Wasëcunapis jäpa runacunapa munayninchönami.

Oseas 4:2

Chaypa ruquenga runacuna manacajpita jurarcaycan. Llullacuypa rimaycan. Wañuchinacurcaycan. Suwacurcaycan. Majayoj caycar jucpa majanwan cacurcaycan. Jananman-jananman wañuchinacuyllami caycan.

Amós 5:11

Gamcunaga pobricunata manacajmanmi churarcaycanqui. Rïgupitapis impuestuta pägashunayquipämi nircaycanqui. Chayno cashayquipitami mana tiyanquipächu llagllasha rumicunapita wasicunata rurashayquichöpis. Chayno, manami upunquipächu bïnutapis lantashayqui übas wayushantaga.

Miqueas 6:15

Murupacurpis manami shuntapacunquipächu. Olivota agarpis asëtinwan manami imatapis ruranquipänachu. Übasta lluchcarpis manami bïnuta upunquipänachu.

Habacuc 3:17

Ïgus yöra mana waytaptinpis, übascuna mana wayuptinpis, olivopa wayuynin mana captinpis, chacracunacho ima micuy mana wayuptinpis, juc canchacho caycaj uyshacuna ushacäcuptinpis, curralnincho wäcacuna manana captinpis,

Sofonías 1:13

Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»

Deuteronomio 28:31

Wäcayquita guechurcur ñaupayquicho pishtarpis manami yawachishunquipächu. Bürruyquitapis apacur manami cutichishunquipächu. Uyshayquita apacuptinpis manami pipis guechöshishunquipächu.