Deuteronomio 27:7 - Tayta Diosninchi Isquirbichishan

⁷ Alli goyaypita sacrifisyu uywacunatapis pishtanqui. Chaymi Tayta Diospa ñaupancho fistata rurar micunqui.

Deuteronomio 27:7 ပူးပေါင်းရင်းမြစ်များ

Nehemías 8:10

Esdrasga mastapis niran: «Aywar alli micuycunata micucarcäramuy. Bïnutapis mishquejta upuy. Micuyta mana charajcunatana garay. Canan junäga Tayta Diosta alabar cushicunanchi junajmi. Ama llaquicuychu. Cushicushun ari. Tayta Diosninchëga chapaycämanchïmi.»

Isaías 12:3

Gamcunapis cushicushpayqui aywanquipaj salbasyunta tarichicoj pashtaj yacuta upoj.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Habacuc 3:18

jinallami nogaga Tayta Diosta alabaycäshaj. Imapitapis salbamashanpitami cushicushpä Diosnëtaga alabashaj.

Hechos 10:36

Tayta Diosga Israel runacunaman willacuyninta chayachiran. Chay alli willacuyninta Jesucristuwanmi willacachiran runacuna paywan allina cananpaj. Jesucristoga llapanpa mandajninmi caycan.

Romanos 5:1

Chaymi Taytanchi Jesucristuman yäracuptinchëga Tayta Dios allina ricaycämanchi.

Romanos 5:10

Tayta Diosninchïpa contran caycaptinchïmi quiquin amistapämashcanchi wamran Jesucristo wañuyninpa. Chayno caycashaga ¿imanir-räshi Jesucristo cawarimuyninpa mana salbamäshunchu?

Deuteronomio 12:12

Chaychöna Tayta Diospa ñaupancho car ollgu wamrayquicunawan, warmi wamrayquicunawan, uywayniquicunawanpis shuntacaycur cushisha payta aduranqui. Marcayquicunacho tiyaj Leví trïbu runacunatapis gayanqui gamcunawan shuntacaycur micunayquipaj. Paycunapa chacran mana captin micuynincunapis manami cangachu.

Deuteronomio 12:7

Chaychöga Tayta Diospa ñaupanchömi micunquipaj. Llapan famillyayquicunawan cushicur micunqui micuyniqui alli wayunanpaj Tayta Dios bindisyunta goshushayquipita.

Deuteronomio 16:11

Chaycho wamrayquicunawan, warmiquiwan, uywayniquicunawan, Leví trïbu runacunawan, jäpa runacunawan, wacchacunawan, biyüdacunawan shuntacashpayqui fistata rurar cushicunqui.

Deuteronomio 16:14

Chayta rurar cushicunqui ollgupis warmipis wamrayquicunawan, warmiquiwan, uywayniquicunawan, Leví trïbu runacunawan, jäpa runacunawan, wacchacunawan, marcayquicho tiyaj biyüdacunawanpis.

Deuteronomio 27:6

Tayta Diosninchïpa altarnenga imaypis llaglläni rumicunallawan pergasha canman. Chay altarchömi rupachina sacrifisyucunata paypaj rupachinqui.

Deuteronomio 27:8

Nishänöpis mana gongaypa chay wancacunaman nishä laycunata llapanta sumaj isquirbinqui.»

Filipenses 3:3

Chayno yachachiptinpis noganchëga manami yäracunchïchu jananchi señalasha cashanman. Noganchëga Espíritu Santu yanapämaptinchïmi Tayta Diosta aduranchi. Chaypitami Jesucristo noganchïpaj rurashanpita cushicunchi.

Filipenses 4:4

Jesucristupa maquincho cawaycarga cushicuy-llapa. Yapaypis nëmi «cushicuy-llapa».

Colosenses 1:20

Jesucristu-raycumi Tayta Diosninchëga llapan camashancunatapis alli ricaycan. Jesucristo cruscho wañur yawarninta mashtashanpitami cay pachacho cajcunatapis syëlucho cajcunatapis Diosninchëga alli ricaycan.