Deuteronomio 24:17 - Tayta Diosninchi Isquirbichishan

¹⁷ «Jäpa runa captinpis pobri captinpis llapan runacunata sumaj arriglanqui. Biyüdacunapa röpantapis ama rinda charicurcunquichu.

Deuteronomio 24:17 ပူးပေါင်းရင်းမြစ်များ

Job 22:6

«Gamga imatapis mana nistaycashpayquimi marca-masiquita ‹rindataraj churay› nej canqui. Röpancunatapis ‹rinda quëdachun› nir galallata gargurej canqui.

Job 24:3

Wacchapa bürruntapis guechun. Biyüdapa buyintapis rinda charicurcun.

Éxodo 22:20

«Nogapaj sacrifisyuta pishtapämänanpa ruquin juc dioscunapaj pishtaj cajtaga wañuchinqui.

Éxodo 23:2

«Waquin runacuna mana allita ruraptinpis paycunanöga ama ruranquichu. Autoridäpa ñaupancho achcaj jucnöpa-jucnöpa niptinpis gamga rasun cajllata parlanqui.

Éxodo 23:6

«Dimandacamuptenga pobritapis alli arriglanqui.

Éxodo 23:9

«Juc-lä runacunata ama ñacachinquichu. Gamcunapis Egiptuchöga juc-lä runa cashpayqui ñacarayquimi. Chaymi imano ñacay cashantapis musyaycarga juc-lä runata cuyapanqui.

Proverbios 31:5

Machacurcorga laycuna niycashantapis gongaycunmanmi. Chayno gongaycorga ñacaycajcunata mananami alliga ricanganachu.

Eclesiastés 5:8

Juc nasyuncho pobri fiyupa ñacaycajta ricar, mana alli goyay cajta ricar ama manchariychu, ama almiraychu. Chaynöga caycan mandajcunata mas jatun mandaj chapaptinmi. Mas mandajcunatapis mas mandaj cajcunarämi chapaycan.

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Isaías 3:15

¿Imanirtaj chaynöga acrashä runacunata ñacaycächinqui? ¿Imanirtaj pobricunata ñacachishcanqui?» Munayniyoj Tayta Diosmi chayno nishunqui.

Isaías 33:15

Alliga cawanga alli cajllata ruraj cajmi, rasun cajllata parlaj cajmi, rïcuyänanpaj firsapita pipa imantapis mana guechoj cajmi, faburnin cananpaj pacayllapa pägaptinpis mana chasquej cajmi, wañuchinanpaj shimita goptinpis mana chasquej cajmi, mana allita ruraycajta mana ricananpaj witicoj cajmi.

Jeremías 22:3

Gamcunaga alli cajllata ruray. Ñacachejcunapa maquincho ñacaycajcunata jorguy. Juc-lä runacunata, wacchacunata, ni biyüdacunatapis ama ñacachiychu. Cay partichöga alli runacunata ama wañuchiychu.

Jeremías 5:28

Cananga alli allita micucarcärirmi werayasha carcaycan. Mana allita ruraytaga manami jamanchu. Pïninpis mana caj wacchacunatapis manami alliga arriglanchu. Pobricunatapis manami yanapanchu.

Ezequiel 22:29

Runacunaga suwacullar, imatapis mana allicunata rurallarmi cawan. Pobricunatawan muchupacajcunata ima-aycantapis guechun. Juc-lä runacunata tucuynöpa ñacachin.›

Ezequiel 22:7

Chaycho tiyajcunaga manami rispitanchu papäninta ni mamantapis. Juc-lä runacunata fiyupami ñacachin. Biyüdacunatawan wacchacunataga imantapis guechun.

Levítico 19:33

«Jäpa runacuna marcayquiman lagacamojta ama ñacachinquichu.

Miqueas 7:3

Mana alli ruraypäga fiyupa yachajmi carcaycan. Mandaj autoridäcunaga imapitapis pägananta munarcaycan. Juezcunapis pacayllapa pägaptenga chasquinmi. Munayniyojcunaga imatapis munashantami ruran.

Zacarías 7:10

Ama ñacachiychu biyüdacunata, wacchacunata, juc-lä nasyun runacunata, ni pobricunatapis. Jucniqui-jucniqui mana allita ruranacuytapis ama yarpaychu.»

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Lucas 3:14

Chaynöllami suldärucunapis waquenga tapuran: «Nogacunaga ¿imatataj ruräman?» Chaura Juan niran: «Ama pitapis manacajpita manchachipaypa ni manacajta jitapaypa imantapis guechunquichu. Arushayquipita aycatapis pägashushallayquiwan cuntintacuy.»

Deuteronomio 1:17

Mayganpis juchayoj cajtaga ama chapanquichu rïcutapis pobritapis. Arriglashayquino cananpaj Tayta Diosninchi yanapaycäshuptiquega pitapis ama manchacunquichu. Arreglayta mana camäpacushayqui cajtami ichanga nogaman päsamunqui arriglanäpaj.›

Deuteronomio 16:19

Paycunaga pitapis mana jananpayllapa llapanta sumaj arriglachun. Rïcutapis pobritapis saynita mana chasquiyllapa arriglachun. Saynita chasquerga yachaj runacunapis sumaj arriglananpa ruquin chasquishan runapa faburninmi jatarenga. Saynita chasquerga alli runacuna willapashancunatapis manami chasquengapänachu.

Deuteronomio 24:13

Chaypa ruquenga manaraj pacha chacaptin cutiycachinqui chayta gatacurcur puñucunanpaj. Chaymi agradësicushushpayqui Tayta Diosta mañaconga bindisyunninta goycushunayquipaj. Chayno rurarga Tayta Dios munashantami ruranqui.

Deuteronomio 24:18

Ama gongaychu gamcunapis Egipto nasyuncho uyway car ñacashayquita. Chayno caycajtami Tayta Dios jorgamushurayqui. Chaymi gamcunaga willapashäta cumlinqui.

Deuteronomio 24:6

«Pipa tunayninta ni maraynintapis ama rinda charinquichu. Chaycunata chariptiquega agacunanpaj mana captin micunanpäpis manami cangachu.

Deuteronomio 27:19

« ‹Jäpa runacunata, wacchacunata, biyüdacunata mana alli ricaj cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Santiago 2:6

Chayno caycaptenga ¿imanirtaj pobricunata manacajman churar rïcu runacunata alli ricaycanqui? ¿Manachu rïcu runacunaga munashanta rurachir ñacachishunqui? ¿Manachu magarcur-magarcur autoridäcunamanpis apachishunqui?