Deuteronomio 19:14 - Tayta Diosninchi Isquirbichishan

¹⁴ «Tayta Dios goycushunayquipaj caycaj nasyuncho tiyashpayqui bisïnuyquipa lindancunata rispitanqui. Unay famillyayquicuna lindanpaj churashan señalcunata ama witichinquichu.

Deuteronomio 19:14 ပူးပေါင်းရင်းမြစ်များ

Job 24:2

Fiyu runacunaga chacrapa lindancunatapis witichin. Uywancuna mas achca cananpaj uyshacunatapis suwacun.

Éxodo 21:13

Wañunanpaj distinasha caycaptin yarpaypa mana wañucherga manami wañuchishachu canga. Mana wañuchisha cananpämi noga ricachishayqui chay wañuchej runa mayman gueshpinanpäpis.

Proverbios 15:25

Alli-tucojcuna llapan charashantami Tayta Diosga ushacächin. Biyüdacunapatami ichanga chacrancunatapis chapan.

Proverbios 22:28

Unay castayquicuna jawishan lindacunataga ama witichinquichu.

Proverbios 23:10

Unaypita-pacha jawiraj lindacunataga ama witichinquichu. Wacchacunapa chacranmanpis guechunayquipaj ama yaycunquichu.

Oseas 5:10

«Judá runacunapa mandajnincunaga carcaycan chacrancunapa lindanta masta yapacurcoj runacunanömi. Rabyaycashätami paycunaman chayachishaj aypalla yacutano.

Deuteronomio 27:17

« ‹Bisïnunpa chacranta guechuyta munar linda witichej cäga maldisyunasha cachun› nir. «Niptin llapan runacunana ‹¡Nishayquino cachun!› nenga.

Deuteronomio 3:18

«Chay wichanmi Rubén trïbu, Gad trïbu, pullan Manasés trïbu runacunata willapar nirä: ‹Tayta Diosninchïmi goycäshunqui cay nasyunta. Pillyayta yachajcunaga armayquicunata apacarcärir aywäshiy Israel-masiquicunata chacrata guechöshinayquipaj.

Deuteronomio 4:41

Chaypitanaga Jordán mayuman inti yagamunan caj-lächo Moisés acraran quimsa pacacuna siudäcunata.