Deuteronomio 1:42 - Tayta Diosninchi Isquirbichishan

⁴² Ichanga Tayta Dios nimaran: ‹Israelcunata willay. Ama pillyaj aywachunchu. Canan paycunataga manami yanapänachu. Chaymi pillyaj aywaptenga chiquejnincuna binsengapaj.›

Deuteronomio 1:42 ပူးပေါင်းရင်းမြစ်များ

Isaías 30:17

Juc runalla manchachishuptillayquimi gamcunaga waranga gueshpinquipaj. Pichgaj runa manchachishuptiquega llapaniquimi gueshpinquipaj. Chaura wallcajllanami quëdanquipaj jircacho juc ishcaylla gueru ichiraycajno, man'chäga juc puytush lömacho señalpaj gueru jawishanöllana.»

Oseas 9:12

Yurejllan wamrancunata uywaptinpis nogaga ushajpämi guechurishaj. ¡Wawallau caycho caycaj runacuna! Noga witicuriptë mä imanöshi canga.

Levítico 26:17

Nogaga manami yanapäshayquipänachu. Chiquishojcunapis binsishunquipämi. Waquenga chiquejcunapa munayninchönami canga. Imapis mana gaticachaycäshuptiquimi gueshpinquipäpis.

1 Samuel 4:10

Filistea runacunaga pasaypa pillyar Israel runacunata binsiran. Chaura Israelcunaga pachacaraycashanman gueshpir aywacuran. Israelcunataga aypallata wañuycärachiran. Chaquipa purej suldärucuna quimsa chunca waranga (30,000) wañuran.

1 Samuel 4:2

Filistea runacunaga camaricushana carcaycaran Israelcunata magananpaj. Pillyachöna Filistea runacunaga Israelcunata binsir wañuycachiran chuscu warangata (4,000).