Daniel 9:12 - Tayta Diosninchi Isquirbichishan

¹² Castigamänayquipaj nishayquinömi rasunpa castigamashcanqui nogacunata, mandajnëcunatapis. Manami imaypis cay pachamanga castïgu chayamushachu canan Jerusalenta castigashayquinöga.

Daniel 9:12 ပူးပေါင်းရင်းမြစ်များ

1 Reyes 3:9

Gam acrashayqui runacunata alli mandanäpaj sumaj alli yarpayta goycamay ari. Sumaj tantiyachimay allitapis, mana allitapis musyanäpaj. Man'chäga manami acrashayqui aypalla runacunata mandayta camäpacömanchu.»

2 Reyes 22:16

Cay partimanga tucuy-niraj mana allicunatami chayachimushaj Judäpa raynin liguishan librucho niycashanno.

Job 12:17

Paymi camacächin yachajcunapis mana tantiyananpaj. Juezcunatapis upatacäcachin.

Salmos 148:11

Tayta Diosta alabay-llapa cay pachacho caj raycuna. Llapan nasyuncunapa mandajnincuna Tayta Diosta alabay-llapa.

Salmos 2:10

Chaymi raycuna, mandajcuna sumaj tantiyacuy. ¡Cay willapashäta sumaj yachacuy!

Proverbios 8:16

Nogapitami llapan mayur mandajcunapis chaychica runata mandan. Noga captëmi autoridäcunapis alli arriglan.

Isaías 43:28

Mandashojniquicunapis Templöta ganrachisha. Chaynöpami camacächishcä Jacobpita mirar-aywaj Israelcunata ushacächinanpaj, manacajman churananpaj.

Isaías 44:26

Sirbimajnë rimashantami ichanga cumlichë. Cachäcuna ima rurayta yarpashanpis llapan allillami llojshipanga. Nogami në Jerusalencho yapay runacuna tiyananpaj cashanta, Judächo caj siudäcunapis llapan allchasha cananpaj cashanta. Nogami camacächishaj ragällan caycajcuna yapay wasiyänanpaj.

Jeremías 30:7

Chaynöga canga fiyupa manchariypaj junaj chayamunanpaj captinmi. Chay junajnöga manami imaypis canyasharächu. Chay wichan Jacobpita mirajcunapäga fiyupa llaquicuymi cangapaj. Ichanga paycunata noga salbashämi.

Jeremías 32:23

Chayman yaycur tiyashpannaga manana wiyacushurayquinachu. Willapashayquitaga mananami cumlirannachu. Gam nishayquitaga manami rurashanachu. Chaypitami gamga cayno castïgutapis paycunaman chayachishcanqui.

Jeremías 39:16

«Chay Etiopía runa Ebed-melecta niy: ‹Israelcunapa munayniyoj Tayta Diosninmi nin: Cay siudächo tiyajcuna mana alliman chayananpaj nishätaga cumlishämi. Chaytaga gampis ricanquipämi.

Jeremías 44:23

Gamcunaga mana sirbej dioscunata adurar insinsuta rupachishpayquimi Tayta Diosta rabyachirayqui. Laynincunata, mandamintuncunatapis manami cumlirayquichu. Chaypitami gamcunaga canan fiyupa castïguwan ñacarcaycanqui.»

Lamentaciones 1:12

Jerusalén siudänami nin: «Gamcuna, caminunpa purejcuna, ichiycäriy sumaj yarpachacunayquipaj. ¿Pillaga ñacaycanchuraj noga fiyupa ñacaycashäno? Tayta Diosmi rabyacurcushpan camacächisha cayno ñacanäpaj.

Lamentaciones 2:13

Cuyayllapaj Jerusalén, ¿imamanraj o imawanraj gamta tincuchëman? Cuyayllapaj Sión siudä, ¿gamta imaman tincuchiyparaj willapäman shoganäpaj? Gamtaga fiyupami mana allicuna chayashurayqui. Cananga ¿piraj allchacächishunquiman?

Lamentaciones 2:17

Tayta Diosga yarpashancunata llapantami camacächisha. Imano canayquipäpis nishantaga cumlishami. Mana cuyapaypami illgächishurayqui ñaupatana yarpashanno. Chiquishojcuna asipäshunayquipämi camacächisha. Contrayquicuna fiyupa munayniyoj cananpämi camacächisha.

Lamentaciones 4:6

Marca-masëcuna tiyarcaycashan Jerusalencho juchata rurashanga caycan Sodomacuna juchata rurashanpita mas piyurmi. Sodomaga illajpitami illgaran pipis mana juchuycächiptillan.

Ezequiel 13:6

«Tayta Diosmi ricachimasha» nishancunapis manami rasun cajchu. Ima cananpaj cashanta nirpis llullacuycanmi. Paycunaga nircaycan «Tayta Diosmi nimasha» nir. Paycunataga noga manami cachamushcächu. Chaypis ¿nishancunata cumlinätachu shuyarpaycan?

Ezequiel 5:9

Gamcuna fiyupa melanaypajcunata rurashayquicunapitami castigashayqui imaypis mana castigashäno. Chaynöga yapaypis manami castigashayquipänachu.

Daniel 12:1

« ‹Chay wichanmi yurimongapaj waquin anjilcunapita mas munayniyoj anjil Miguel. Paymi gam Israelcunataga llapayquita imapitapis chapäshunqui. « ‹Chay junäga fiyupa llaquicuypämi canga. Nasyuncuna gallarishanpita-pacha canancama manaraj cashannömi cangapaj. Chay junaj chayamuptenga llapanmi marca-masiquicuna salbaconga librucho jutincuna isquirbisha caycajcunaga.

Joel 2:2

Chay junäga canga yanauyaycaj chacaymi, pucutay juntashami, gontaynöraj chacashami. Pacha wararcuptin inti ratamur mashtarcojnömi puntacunapapis chüpacacunaga aypalla munayniyoj suldärucunano juntacuyconga. Chaynöga manami unay caranchu. Chaynöga manami ni imaypis canganachu.

Amós 3:2

«Munducho aypalla runacuna caycajpitami gamcunallata acrashcä. Acrasha caycaptë mana allita rurashayquipita gamcunataga castigashayquimi.»

Zacarías 1:6

Ichanga imano cananpäpis sirbimaj profëtäcunawan willacachishäga ¿manachu cumlicasha unay castayquicunacho? Chaymi paycunaga arpinticur nogaman yapay cutimushpan niran: «Imano ruramänanchïpäpis nishannömi rurashanchïman-tupu, imanöpis goyashanchïman-tupu castigamashcanchi» nishpan.› »

Zacarías 1:8

Tayta Dios ribilamashanga caynömi caran: Juc chacay ricarä Tayta Diospa anjilnin puca cawallun muntasha caycajta. Chay anjilga ichiraycasha achca yöracuna caycashan pampa guechwacho. Paypa guepancho caycasha achcaj muntäducuna. Cawalluncunaga caran: pucacuna, bäyucuna, yurajcuna.

Zacarías 7:12

Shonguncunatapis chucrucarcachiran asul rumi chucru cashanmannöraj. Chaynöga ruraran noga espiritöwan yachachishäcunata, laynëcunata willapashäta mana wiyacunanpämi. Chaycunataga willacachirä unay caj profëtäcunawanmi. «Chayno cashanpitami nogaga rabyacurcurä.

Mateo 24:21

Chay wichanga runacuna fiyupami ñacanga. Chaynöga manami imaypis casharächu Tayta Dios cay pachata camashanpita-pacha. Ni yapayga chayno mananami imaypis cangapänachu.

Mateo 5:18

Syëlupis cay pachapis manaraj ushacaptinmi chay isquirbisha caycajcunaga cumlenga. Asta mas tacsha isquirbirashan cajllapis cumlengami.

Marcos 13:19

Chay wichanga runacuna fiyupami ñacanga. Chaynöga manami imaypis casharächu Tayta Dios cay pachata camashanpita-pacha. Ni yapayga chayno mananami imaypis cangapänachu.

Lucas 21:22

Chay wichanga fiyupami castïgu canga. Chayno ruraptinmi Tayta Dios isquirbichishan llapan cumlenga.

Romanos 15:8

Gamcunata në: Jesucristoga shamuran Israel runacunata salbananpämi. Chaynöpami unay awilunchicunata Tayta Diosninchi aunishanta cumliran. Chayno cumliptinmi musyachin aunishantaga Tayta Diosninchi cumlej cashanta.