Daniel 8:19 - Tayta Diosninchi Isquirbichishan

¹⁹ Nircur nimaran: «Sumaj willapäshayqui Dios rabyacurcur castiganan junajcunapaj. Ricashayquega caycan ushanan junajcunapämi.

Daniel 8:19 ပူးပေါင်းရင်းမြစ်များ

Salmos 102:13

Jatarcushpayqui Sionta cuyapaycuyna. Payta cuyapänayquipaj jitashayqui diya chayamushanami.

Daniel 11:27

Chaypita ishcan raycunami mana allita ruranacuyta yarpashpan juc mësallaman jamaycärengapaj iwal micunanpaj. Chaychömi ishcanpis llullapänacongapaj. Chayno llullapänacuptinpis manami mayganpapis yarpashannöga cangapächu. Chaynöga canga manaraj öra chayamuptinmi.

Daniel 12:4

« ‹Daniel, gamga cay musyachishäcunata pitapis ama willapanquichu. Libro isquirbishayquitapis sumaj cauchurcur sëllurcuy ushanan junajcuna chayamunanyaj cacunanpaj. Achcaj runacunami wacpa-caypa purenga imano cananpaj cashantapis musyananpaj ashishpan.›

Daniel 8:23

Chay raycuna mandashan ushacaptin, jucha rurashancunapis mana awantaypäna captin, juc fiyu raymi mandaj cayman chayangapaj. Chayga cangapaj sabïdumi.

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Lucas 21:23

Ay imanöraj canga gueshyaj warmicunawan iti wawayoj warmicuna. Intëru Israel nasyuntami Tayta Dios castiganga. Chaura runacunaga fiyupami ñacanga.

Apocalipsis 1:1

Cayga caycan manapis aycällatana päsananpaj caycajcunata sirbejnincunata musyachinanpaj Jesucristuta Tayta Diosninchi ribilashanmi. Jesucristunami sirbejnin Juanta musyachinanpaj anjilta cachamuran.

Apocalipsis 10:7

Profëtancunawanmi willacachiran ima päsananpaj cajcunatapis. Ganchis caj anjil trompëtata tucayta gallaycamuptenga llapanpis cumliytami gallayconga.»

Apocalipsis 11:18

Chaymi contrayqui caycajcunaga fiyupa rabyaycan. Ichanga paycuna castigasha cananpaj timpu chayamushanami. Cananmi wañushacunatapis jusganquipaj. Cananmi profëtayquicunata premyuta gonquipaj. Cananmi gamman yäracojcunata premyuta gonquipaj jatuntapis tacshatapis. Cay pachacho mana allita rurajcuna castigasha cananpaj caj timpu chayamushanami.»

Apocalipsis 15:1

Chaypitana janaj pachacho ricarä munayniyoj ganchis anjilcunata. Chay anjilcunatami Tayta Dios churaran ganchis casta castïgucunawan cay pachacho runacunata ñacachinanpaj. Chaynöpami Tayta Diospa castïgun cumlenga.

Apocalipsis 17:17

Waräcuywan chay chunca mandajcuna chay warmita ushacächenga Tayta Dios nishannöllami. Chaypämi chay chunca mandajcunaga waräcuyta munayninta gonga. Chayno canga Tayta Dios nishancuna llapanpis cumlinanpämi.