Daniel 5:30 - Tayta Diosninchi Isquirbichishan

³⁰ Chay chacayllami Caldeacunapa raynin Belsasartaga wañuycachiran.

Daniel 5:30 ပူးပေါင်းရင်းမြစ်များ

Isaías 47:9

Ichanga illajpita juc junajllami disigrasyacuna chayashunquipaj: Wawaynajmi, biyüdami quëdanquipaj. Chay-jina brüju ruraj cashayquipis, majiquëru cashayquipis manami salbashunquipächu.

Jeremías 50:24

Babilonia runacuna, gamcunataga nogami trampata churapashcä. Mana cuentata-gocuypami chayman tunishcanqui. Nogapa conträ ricacushayquipitami chaycho watacasha caycajllata contrayquicuna charishurayqui.

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:31

Jucpis-jucpis gatinayllanpa willacojcuna Babiloniapa rayninman aywan llapan siudänincunata juccunana charicarcärishanta willananpaj.

Jeremías 51:39

Fiyupa acaycho caycashan örami Noga upuchishaj fiyupa machächicojta. Chaura machacäcongapaj. Machacäcurnaga manami musyangapänachu imano carcaycashantapis. Chaymi paycunaga puñucäcongapaj imaycamapis manana ricchamoj. Noga Tayta Diosmi chayno në.

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Amós 6:7

Chayno cashayquipitami gamcunataraj ñaupa-puntataga juc-läman prësu apashunquipaj. Fistata rurar gaparpashayquicunapis manami musyacangapänachu.