Daniel 5:23 - Tayta Diosninchi Isquirbichishan

²³ Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Daniel 5:23 ပူးပေါင်းရင်းမြစ်များ

Génesis 14:19

Nircur bindisyunta goshpan cayno niran: «Abram, janaj pachatapis cay pachatapis camaj munayniyoj Tayta Dios bindisyunta goycushunqui ari.

Génesis 2:7

Chaypitana Tayta Diosga runata ruraran allpapita. Nircur senganpa pücaran cawayta gallaycunanpaj. Chaura runa cawaytana gallaycuran.

2 Reyes 14:10

Edom runacunataga rasunpami binsishcanqui. Chayta binsiycurmi alli-tucuycanqui. Alli-tucuypis ari. Ichanga wasillayquicho cacuy. ¿Imanirtaj quiquillayqui ashiycanqui mana alliman chayayta, Judá runacunapis mana alliman chayananpäga?»

Job 12:10

Cawajcunaga Paypa maquinchömi llapanpis caycan.

Job 31:4

Tayta Diosga ricaycanmi noga rurashäta; ricaycämanmi imanölla goyashätapis.

Salmos 104:29

Ticracurcuptiquega paycuna mancharinmi. Jämayninta shuntacurcuptiquega wañushpan allpamanna ticracurin.

Salmos 115:16

Quiquin Tayta Diospami syëluga. Cay pachatanami runacunata goycusha.

Salmos 139:3

Maycho goyashäta maycho purishallätapis ricaycämanquimi. Ima rurashallätapis musyaycanquimi.

Salmos 146:4

Paycunaga wañushpan cashgan allpamanmi ticran. Ima-aycata rurananpaj yarpashancunapis chay junajllami ushacanga.

Proverbios 20:24

Tayta Diosmi runa imano cawananpäpis camacächin. Quiquin runaga manami musyanchu imanöpaj distïnun cashantapis.

Isaías 13:11

Tayta Diosmi nin: «Allpacho tiyajcunataga ushajpämi illgächishaj. Mana allita rurashanpitami runata castigashaj. Mana rispitacojcunatawan alli-tucojcunatapis pengaymanmi churashaj. Alli-tucoj fiyu runacuna manami canganachu.

Isaías 14:13

Gamga shongullayquicho nej canqui: ‹Syëlucamami chayashaj. Diospa estrëllancunapa jananchömi jamanäta rurashaj. Fiyupa caru norte caj-lächo jamaycurmi mandashaj. Dioscuna shuntacänan jircachömi jamaräshaj.

Isaías 2:12

Chay junäga munayniyoj Tayta Dios manacajmanmi churanga alli-tucojcunata, llapan ollgojcunata, munayniyoj-tucojcunatapis.

Isaías 33:10

Tayta Diosmi cayno nin: «Cananmi castigayta gallaycushaj. Cananmi musyachishaj munayniyoj cashäta.

Isaías 37:19

Runacuna ‹diosnë› nishancunatapis rupargärachisha. Chaycunaga manami rasunpa dioschu caran. Chaycunaga guerupita, rumipita runacuna rurashallanmi casha. Chaynöpami illgächishapis.

Isaías 37:23

¿Pitataj ashllishcanquega? ¿Pitataj gayapashcanquega? ¿Pitataj gayarashcanqui alli-tucushpayquega? ¡Israelpa Santo Diosninpa contranmi rimashcanqui!

Isaías 42:5

Syëluta camarcur intërupa mashtacächejmi, cay pachata camajmi, cay pachacho ima ayca cajcunatapis camajmi, runacunata cawachej, jämayta goj Tayta Diosmi sirbejninta cayno nin:

Jeremías 10:23

Tayta Dios, runaga distïnun imano cashantapis manami musyanchu. Runaga manami musyanchu imaycama ni imano cawananpaj cashantapis.

Jeremías 48:26

Moab runacunaga nogapa conträmi ricacuran. Chaypita paycunataga rabyasha caycashä cöpawan machächiy. Machacarcärerga gumitashan jananchömi gochpanga. Chaura llapanmi asipanga.

Jeremías 50:28

«Babiloniapita waquin gueshpejcuna parlashanta wiyay-llapa. Ayñita imano cutichishätapis parlajta wiyay-llapa: ‹Templunta illgächishanpitami Tayta Diosga Babilonia runacunata ayñita cutichisha› nir.

Jeremías 50:29

«¡Lëchawan illapay yachajcunata llapanta shuntay Babiloniaman magaj yaycupaycärinanpaj! ¡Siudä cantunpa tiyacaycäriy pipis mana gueshpinanpaj! ¡Rurashanmanno ayñita cutichiy! ¡Imanömi jucta ruraran chayno paycunatapis ruray! Paycunaga Israelcunapa Santo Tayta Diosnin caycaptëmi mana rispitamashpan rabyachimasha.

Ezequiel 28:17

Cuyayllapaj carmi alli-tucurayqui. Allicho carmi yachaj cayniquitapis mana alliman ticrachishcanqui. Nogami gamta pampaman jitarishcä. Llapan raycunapa ñaupanman churashcä paycuna manacajman churar asipäshunayquipaj.

Ezequiel 28:2

«Runa, gamga Tiropa rayninta cayno niy: ‹Tayta Diosmi cayno nin: « ‹Gamga pasaypami alli-tucurayqui. Mana Dios caycar, runalla caycashpayqui nishcanqui: «Nogaga diosmi cä. Jamaraycäpis dioscuna jamaränanchömi; lamarpa chaupinchömi caycäpis» nir. «Juc dios yarpashannömi yarpäpis» nir yarpashcanqui.

Ezequiel 28:5

Nigusyanti canayquipaj sumaj yachaj cashpayquimi rïcuyänayquicama ima-aycayquitapis mirachishcanqui. Ima-aycayquipis aypalla captinmi pasaypa alli-tucuycanqui.

Ezequiel 31:10

«Chaypitami Tayta Diosga Asiriapaj nisha: ‹Chay yöraga wiñasha fiyupa altuta puntancunapis pucutaycama chayananyaj. Llapanpita mas jatunta wiñasha cashpanmi alli-tucusha.

Daniel 11:12

Contrancunata binsiycur, aypallata wañuchishanta ricaycorga fiyupa cushicur alli chölu-tucongapaj. Ichanga chayno munayniyoj cashan manapis aycällatanami ushacanga.

Daniel 4:37

Chaypitami noga Nabucodonosorga canan rispitar alabä janaj pachacho caycaj Rayninchïta. Pay rurashanga llapanpis allillami caycan. Alli-tucojcunatapis manacajmanmi churan.»

Daniel 8:11

Estrëllacunapa mandajnin Tayta Diostapis apäriyta munaran. Diosta adurana wasitapis ganrachiran. Waran-waran Diospaj rupachicunantapis illgächiran.

Habacuc 2:4

Alli-tucoj cajtaga manami yanapäshächu. Alli runami ichanga yäracamashanpita cawanga.

Hechos 17:25

Paymi cawananchïpaj jämaytapis gomanchi. Cawananchïpaj nistashanchïcunatapis camaripämanchi. Manami noganchïchu payta imatapis camaripänanchi. Chaypa ruquenga paymi llapantapis camaripämanchi.

1 Corintios 8:4

Chauraga ïdulucunapaj churashan aychacunata micunapaj cashantana willapäshayqui. Musyashanchïnöpis ïdulucunaga manami cawanchu. Manami ima munayninpis canchu. Jucnayllami Tayta Diosninchëga.

1 Timoteo 3:6

Mushoj ermänucunaga inlisyacho mayur ermänu cayta ama ashinmanchu. Mayur ermänu cananpaj churaptenga capaschari yachaj-tucunman. Yachaj-tucorga Satanás castigasha cashannömi paycunapis castigasha canga.

Hebreos 4:13

Chaymi Tayta Dios camashan cäga paypita mana pacacunchu. Paypäga llapanpis ricacajllami caycan. Chaymi imata rurashallanchïtapis jusgamäshunpaj.

Apocalipsis 9:20

Chay castïgucunawan mana wañoj runacunaga mana alli ruraycashancunatapis manami cachariranchu. Chaypa ruquenga dyablucunata, ïdulucunata imaypis aduraran. Aduraran goripita, guellaypita, runsipita, rumipita guerupita rurasha caycashanta musyaycarmi. Chay adurashancunaga manami ricayta, wiyayta ni puriytapis puydinchu.

Jueces 16:23

Chaypita unaytaga Filistea runacunapa llapan mandajnincuna shuntacaran Sansonta binsishanta yarpar cushicur anibersaryuta rurananpaj. Cushicushpanmi uywancunata pishtarcur rupachiran Dagón diosninpaj. Cantar nircaycaran: «Dagonmi munayninchïman churamusha chiquishanchi Sansonta.»

1 Samuel 17:26

Chaura läduncho caycajcunata David tapuran: «¿Imataraj gonga tagay Filistea runa Israelcunata manana ashipänanpaj wañuchejtaga? ¿Pitäshi tagay Filistea juchasapa runaga Cawaj Tayta Diospa suldäruncunata achäquita ashipänanpäga?» nir.

1 Samuel 17:36

Nogaga wañuchejmi cä liyun captin ösu captinpis. Chay juchasapa Filistea runatapis chaynömi wañurachishaj. Payga Cawaj Tayta Diospa suldäruncunatami manacajman churasha.