Daniel 2:31 - Tayta Diosninchi Isquirbichishan

³¹ «Tayta ray, gamga suyñuyniquicho ricashcanqui runa-niraj jatuncaray ñaupayquicho ichiraycajtami. Chayga caran achicyaypa achicyaycajmi. Fiyupa manchacuypämi caran.

Daniel 2:31 ပူးပေါင်းရင်းမြစ်များ

Isaías 13:11

Tayta Diosmi nin: «Allpacho tiyajcunataga ushajpämi illgächishaj. Mana allita rurashanpitami runata castigashaj. Mana rispitacojcunatawan alli-tucojcunatapis pengaymanmi churashaj. Alli-tucoj fiyu runacuna manami canganachu.

Ezequiel 28:7

Chaypitami camacächishaj gampa contrayqui mas fiyu jäpa runacuna shamunanpaj. Chaycunami sablinta jorgonga cuyayllapaj sumaj yachaj caycajta wañuchishunayquipaj. Chauraga allicho caycajtapis pasaypa manacajmanmi churashunquipaj.

Daniel 2:36

«Chaynömi casha gam suyñushayquega. Cananga chay suyñushayqui imapäpis cashantana willapäshayqui.

Daniel 2:37

Gammi canqui llapan raycunapita mas fiyupa munayniyoj. Janaj pachacho caycaj Tayta Diosmi churasha-cashunqui mandanayquipaj, munayniyoj canayquipaj, sinchi canayquipaj, llapan rispitashunayquipaj.

Daniel 3:1

Ray Nabucodonosormi runa-nirajta goripita rurachiran runacuna adurananpaj. Chaypaga altuynin caran quimsa chunca (30) metru, anchuyninna quimsa metru. Nircur chayta ichichinanpaj niran Babilonia probinsyacho caycaj Dura pampaman.

Daniel 4:36

«Chayno alabashä örami cashgan yarpaynëman cutirä. Yapay mandaj ray canäpäna cutichimaran. Noga ray cashächo mandäshimajcunapis ashimaj shamuran. Chaypita yapay cutirä nasyunnëpa mandajnin canäpaj. Yapay ray cashpäga ñaupata munayniyoj cashäpita mas munayniyojraj caräpis.

Habacuc 1:7

Paycunaga fiyupa manchacuypämi. Quiquincuna yarpashallantami imatapis ruran. Paycunaga quiquincunapa laynillantami bälichinpis.

Mateo 4:8

Chaypitana Satanás pusharan mas altunnin puntaman. Nircur ricachiran intëru munducho caycaj nasyuncunata, chaycho caycaj riquësacunata.

Lucas 4:5

Chaypitana Satanasga Jesusta pusharan altunnin puntaman. Nircur illajpita cay pachacho caj intëru nasyuncunata ricarachiran.