Daniel 2:23 - Tayta Diosninchi Isquirbichishan

²³ Unay awilöcunapa Tayta Diosnin, gamtami agradësicö, alabä. Gammi yanapämashcanqui musyaj-yachaj canäpaj; callpatapis gomashcanqui. Mañacushätapis canan ribilamashcanqui. Ray suyñushantapis musyachimashcanqui» nir.

Daniel 2:23 ပူးပေါင်းရင်းမြစ်များ

Génesis 18:17

Aywarcaycashancho Tayta Dios yarpachacuran cayno nir: «Imata ruranäpaj cashantapis Abrahamtaga ¿manachuraj willaycöman?

Génesis 31:42

Abrahamwan papänë Isaac rispitashan Dios mana yanapämaptenga capaschari gamga chayamushätano jinayllatapis gargaramanquiman caran. Ichanga Diosmi ricasha imano ñacashätapis, imano arushätapis. Chaynöpami ganyan chacaypis Diosga piñacusha-cashunqui.»

1 Reyes 18:36

Tayta Diospaj rupachinan öra chayamuptin Tayta Diospa profëtan Eliasga altarcho aycha caycajpa ñaupanman witiycur sinchipa mañacuran: «¡Abrahampa, Isaacpa, Israelpa Tayta Diosnin: Canan musyacächun Israelpa Diosnin cashayqui, noga sirbishojniqui cashä, cachamaptiqui llapan caycunatapis ruraycashä!

1 Reyes 8:57

«Cananga Tayta Diosninchi noganchïta yanapaycamäshun unay awilunchïcunata yanapashanno. Ama gongaycamäshunchu; ni cachaycamäshunpischu.

1 Crónicas 29:10

Chaura Davidga llapan runacunapa ñaupancho Tayta Diosta alabar niran: «¡Awilö Israelpa Tayta Diosnin imaycamapis alabasha caycuy!

1 Crónicas 29:13

Chaypitami nogacunaga Tayta Diosnë captiqui cushicushpä agradësicur alabä.

2 Crónicas 20:6

mañacuran cayno nir: «Unay awilöcunapa Tayta Diosnin, gammi canqui janaj syëlucho caycaj Dios. Gamllami intëru nasyuncunatapis mandaycanqui. Gamllami canqui fiyupa munayniyoj, callpayoj. Gamtaga manami pipis ichipäshunquichu.

Salmos 21:2

Yarpashancunata camacächishcanqui. Mañacushushayquitami cumlishcanqui. Selah

Salmos 21:4

Cawananpaj mañacamushuptiqui yanapashcanqui. Achca wata cawananpämi bindisyunta goshcanqui.

Salmos 25:14

Tayta Diosga rispitajcunapa amïgunmi. Parlacur aunishantapis musyachinmi.

Salmos 50:14

Nogaga janaj pachacho caycaj Diosmi cä. Nogaga mas munä llapan shonguyquipa agradësicamänayquitami; aunimashayquita llapanta cumlimänayquitami.

Éxodo 3:15

Mastapis Diosga Moisesta niran: «Israelcunata ninqui: ‹Tayta Diosmi cachamasha. Payga unay caj awilunchi Abrahampa, Isaacpa, Jacobpa Diosninmi› nir. Imaycamapis chayllami nogapa jutëga. Chay jutiwanmi imaycamapis rejsimanga.

Proverbios 21:22

Yarpaysapa yachaj runaga binsinmi siudächo callpayojcuna tiyaycajtapis. Nircur «chapämäshun» nir yäracushan curralnintapis juchurachinmi.

Proverbios 24:5

Yachaj runaga masmi bälin callpasapa runapitaga. Yarpaysapa runapis sumaj munayniyojmi.

Proverbios 8:14

Nogami yarpächë imapäpis; imata rurananpäpis camacächë. Nogami camacächë yarpaysapa cananpäpis, callpayoj cananpäpis.

Eclesiastés 7:19

Yachaj runataga yachayninmi yanapan chuncaj mandajcuna juc siudäta mandashanpitapis masraj.

Eclesiastés 9:16

Chaypis nogaga në: musyaj-yachaj caymi mas alli jinyu runa cananchïpitaga. Pobri runa yachaj caycaptin mana pipis wiyasha captin, ni ima nishantapis mana cäsusha captinpis musyaj-yachaj caymi mas alli.

Eclesiastés 9:18

Musyaj-yachaj cayga pillyapaj caj armacunapita mas allimi. Achcaj allita rurasha captinpis juc runa mana allita rurarga llapantami pirdichin.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Jeremías 33:3

«Mañacamay ari. Chaura yanapäshayquimi. Yachachishayqui fiyupa almiraypajcunatami, gam mana yachashayquicunatami.

Daniel 1:17

Chuscun mösucunataga Tayta Dios yanaparan musyaj tantiyaj cananpaj, llapan casta librucunata, chay librucuna imano cashantapis tantiyananpaj. Chaynöpis Danielga runa suyñushancunata imapaj cashantapis musyaran. Ribilashancuna imapaj cashantapis llapanta tantiyaj.

Daniel 2:18

Paycunataga willaparan janaj pachacho caycaj Tayta Diosta mañacunanpaj, chaynöpana paycunataga Babilonia musyacojcunatawan iwalta mana wañuchinanpaj.

Amós 3:7

Tayta Diosga manami imaypis imatapis ruranchu sirbej profëtancunata manaraj musyacherga.

Mateo 11:25

Chay öra Tayta Diosta alabar Jesús niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui.

Lucas 10:21

Chay öra Jesusga cushicur Diosta alabar Espíritu Santupa munayninwan niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui. Chayno canantami munashcanqui papä.»

Juan 11:41

Chaura chaparaycaj rumita witirachiran. Jesusga janajpa ricärir niran: «Papä, mañacushäta imaypis wiyamashayquipitami gamta agradësicamö.

Juan 15:15

Gamcunataga manami ‹uyway› nishayquinachu. Uywayga manami musyanchu patrunnin imata yarpashantapis. Gamcunaga amïgömi carcaycanqui. Chaymi gamcunataga Taytä nimashancunata llapanta willapashcä.

Apocalipsis 1:1

Cayga caycan manapis aycällatana päsananpaj caycajcunata sirbejnincunata musyachinanpaj Jesucristuta Tayta Diosninchi ribilashanmi. Jesucristunami sirbejnin Juanta musyachinanpaj anjilta cachamuran.

Apocalipsis 5:5

Chaymi chay ishcay chunca chuscu (24) mayur runacunapita jucga nimaran: «Ama wagaychu. ‹Judá trïbupita yurej Liyun› nishan Davidpita mirajmi llapanta binsisha. Paymi munayniyoj caycan ganchis jana lagasha sërata paquirir rölluta pascananpaj.»