Daniel 2:20 - Tayta Diosninchi Isquirbichishan

²⁰ cayno nishpan: «Tayta Diosga imaycamapis alabasha cachun. Payllami musyaj-yachäga munayniyöga.

Daniel 2:20 ပူးပေါင်းရင်းမြစ်များ

Génesis 14:20

Chiquishojcunata munayniquiman churamoj janaj pachacho caycaj Tayta Diosga alabasha caycullächun ari.» Chaura Abrampis ima-aycatapis cutiycächimushanpita diesmuta raquircur Melquisedecta goycuran.

1 Reyes 8:56

«Alabasha cachun Tayta Diosga acrashan Israelcunata alli cawachishanpita, alli goyayman churashanpita. Aunishanta cumlishami. Manami gongashachu Moiseswan unay parlashantaga.

1 Crónicas 29:20

Chaypitaga llapan runacunata David niran: «Llapayqui Tayta Diosta alabay.» Chauraga unay caj awiluncunapis quiquincunapis sirbiycashan Tayta Diosta llapan alabaran. Chayno alabar llapan gongurpacuran Tayta Diosta rispitashpan, rayta rispitashpan.

2 Crónicas 20:21

Llapan runacunata willaparcur alabajcunata churaran pillyaman aywaycajcunapa ñaupanta aywananpaj. Tayta Diosta rispitana röpancunata jaticurcur Tayta Diosta alabar cantaraycar aywananpaj churaran. Alabar cantanan caran: «Tayta Diosta agradësicuy. Pay cuyacoj cashanga imaycamapis chaynöllami» nir cantashan alabansata.

Nehemías 9:5

Cüracunata yanapaj Leví runacuna Josué, Cadmiel, Binuy, Hasabnías, Serebías, Hodías, Sebanías, Petaías cayno niran: «Tayta Diosninchïta imaycamapis llapayqui alabay. ¡Payga fiyupa rispitädu cashpan munayniyoj cashpan alabasha cachun!

Job 12:13

«Tayta Diosmi ichanga yachaj, munayniyoj. Payga imata rurananpäpis sumajmi camacächin.

Salmos 113:1

¡Aleluya! ¡Tayta Diosga alabasha cachun! Tayta Diosta sirbejcuna, payta alabay-llapa.

Salmos 113:2

¡Cananpis imaypis Tayta Diosga alabasha cachun!

Salmos 115:18

Noganchïmi ichanga alabaycäshun cananpis imaycamapis. ¡Aleluya! ¡Tayta Diosga alabasha cachun!

Salmos 147:5

Tayta Diosninchëga fiyupa munayniyojmi. Paypa yarpaynenga mana atipaypämi.

Salmos 41:13

Cananpis imaypis alabasha cachun Israelcunapa Tayta Diosnenga. Chayno caycullächun ari.

Salmos 50:23

Nogata rispitamajcunaga imaypis agradësicamanmi. Jucha rurayninta jaguirishpan Noga munashäta rurajcunataga salbashämi.»

Salmos 62:11

Yaparir yaparirmi wiyashcä Tayta Diospaj parlajta.

Proverbios 8:14

Nogami yarpächë imapäpis; imata rurananpäpis camacächë. Nogami camacächë yarpaysapa cananpäpis, callpayoj cananpäpis.

Jeremías 32:19

Gam yarpashayquega mana atipaypämi. Llapan rurashayquicunapis fiyupa allimi. Gamga ricaycanquimi runacuna imata rurashantapis. Chaymi rurashanmanno cada-ünunta cutichinqui.

Ezequiel 28:3

¿Gamga Danielpita mas musyaj yachajchuraj canqui? ¿Sasa tantiyana cajtapis llapantachuraj musyanqui?

Mateo 6:13

Jucha rurayman Satanás chayachimänanpitapis chapaycallämay ari. Masbin nogacunata yanapaycallämay juchaman mana chayayllapa cawanäcunapaj. [Gampa maquiquichömi ima-aycapis caycan. Chaymi imaycamapis alabasha caycullay Tayta. Amén.]

Judas 1:24

Alabasha cachun Tayta Diosninchi. Paymi imaypis yanapaycämanchi juchaman mana tuninanchïpaj. Chayno yanapaycämanchi juchaynajtana ñaupanman pushamänanchïpämi. Chaychömi imaycamapis cushisha cawashunpaj.

Apocalipsis 5:12

Paycunaga Cashni uyshata alabar sinchipa nircaycaran: «Chay Cashni uyshatami wañuchiran. Chaymi payllata may-chaychöpis alabananchi. Payllami llapanpäpis munayniyoj caycan. Payllami llapanpapis duyñun caycan. Pipis manami paynöga yachaj canchu. Llapan cawajcuna payllata imaypis alabachun» nir.