Daniel 11:30 - Tayta Diosninchi Isquirbichishan

³⁰ Chay suldäruncunataga lamarpa inti yaganan caj-läpita büquicunawan shamoj suldärucunami illajpita wañuchengapaj. Chaymi pillyaycashanpita manchariyllawan juclla aywacongapaj. Norticho tiyaj caj rayga fiyupa rabyashpan chiquicurcongapaj Tayta Dioswan Conträtuta ruraj runacunata. Diospa conträtuncho nishanno mana cumlej runacunatanami alli ricangapaj.

Daniel 11:30 ပူးပေါင်းရင်းမြစ်များ

Génesis 10:4

Javanpa wamrancuna caran: Elisa, Tarsis, Quitim, Rodanim.

1 Crónicas 1:7

Javanpa wamrancuna caran: Elisa, Tarsis, Quitim, Rodanim.

Nehemías 6:12

Nogaga mayna musyaräna Tayta Dios mana willapashanta. Payga chayno niycämaran manchachimänallanpaj Sanbalat, Tobías pägasha captillan.

Isaías 23:1

Tiro imano cananpäpis Tayta Dios ribilashanta Isaías cayno willacuran: Büquita manijaj Tarsis runacunaga llaquishami carcaycan. Chipripitami willapa chayasha «Tiro siudätami juchuchisha» nir. «Lamar cantunman büqui chayanantami illgächisha» nir.

Isaías 23:12

Sidontanami niran: «Fistayquicunapis manami cannachu. Charipacusha jipashnönami caycanqui. Chipriman gueshpirpis manami chaychöpis jamayta tarinquipächu.»

Jeremías 2:10

«¿Caycho cashanno mayllachöga cashachuraj? Mä ayway inti yagamunan caj-lächo caycaj lamar chaupin tishgucunacho tiyaycajcunata sumaj ricamunayquipaj. Cedarman pitapis cachacuy imano cashantapis musyananpaj.

Ezequiel 27:6

Yacupa purichishunayquipaj bäticunayquitanami rurasha Basancho caj encina guerucunapita. Chipre lamar cantunpita sipresta apaycamurna intëru janayquita chapar intablasha. Chaymanga marfilcunawanpis cañichiypa adurnasha.

Daniel 11:28

Norte caj-lä rayga nasyunninman cuticongapaj pillyar ima-aycatapis guechushanta apacurcur. Cutiycashancho Santo Dioswan Conträtu rurashanta cumlejcunapapis contran ricacur ñacachengapaj. Llapan yarpashancunata ruraycorga nasyunninman cuticongapaj.

Daniel 11:29

Imaypis päsananpaj diya chayamuptinmi ichanga yapay suldäruncuna aywanga surcho cajwan pillyananpaj. Chay aywaychöga manami binsengapänachu rimir cajcho binsishannöga.

Daniel 7:25

Chay rayga syëlucho caycaj Diospäpis mana allitami rimanga. Dios acrashancunatapis ñacachengami. Diospa laynincunatapis, jatun diya-wardacunatapis rucachiyta munanga. Chauraga Dios acrashan cajcunapis chay raypa munayninchöna caycangapaj juc timpu, ishcay timpu, mas pullan timpucama.

Números 24:24

Lamar chaupin Chipre tishgupitami büquicunawan runacuna shamonga. Asiria nasyuncho caj marcacunata ragällantami cachayconga. Heber runacunatapis pasaypami ushacächenga.»

Mateo 24:10

Chayno captin yäracaycämashanpitapis achcajmi guepaman cutengapaj. Nircorga guepaman mana cutejcunata chiquir autoridäcunaman apachenga castigasha cananpaj. Yäracoj-masincunawan jucnin-jucninmi chiquinaconga.

Apocalipsis 12:12

¡Syëlucho cajcuna cushicuy-llapa! Wawallau, cay pachacho, lamarcho cajcuna. Janaj pachapita gargamusha carmi Satanasga fiyupa rabyasha puriycan. Payga musyaycanmi wallca timpullana engañar cananpaj cashanta.»