Daniel 11:27 - Tayta Diosninchi Isquirbichishan

²⁷ Chaypita ishcan raycunami mana allita ruranacuyta yarpashpan juc mësallaman jamaycärengapaj iwal micunanpaj. Chaychömi ishcanpis llullapänacongapaj. Chayno llullapänacuptinpis manami mayganpapis yarpashannöga cangapächu. Chaynöga canga manaraj öra chayamuptinmi.

Daniel 11:27 ပူးပေါင်းရင်းမြစ်များ

2 Samuel 13:26

Chaura Absalón niran: «Tayta, quiquiqui aywayta mana munarga wauguë Amnonllatapis cachamuy goturänäpaj.» Niptin ray tapuran: «¿Imanirtaj munanqui wauguiqui Amnón yan'gäshunayquita?» nir.

Salmos 12:2

Jucnin-jucninpis llullapänacun. Janan shongullami parlan.

Salmos 52:1

Munayniyoj fiyu runa, ¿imanirtaj cushicunqui mana allita rurashpayqui? Chayno captiquipis Tayta Dios cuyacoj cashanga imaypis manami ushacangachu.

Salmos 58:2

Manami. Mana allita rurayllatami yarparcaycanqui. Chayno rurarmi gamcunaga caminuta goycanqui cay pachacho runacuna chiquinacunanpaj.

Salmos 62:9

Runacunaga ricayllanmi caycan. Llullacuynöpis yangallami caycan. Llapanta jucllacharcur balansacho pësaptin manami ni aycapis lasanmanchu.

Salmos 64:6

mana alli rurashancunata pipis mana taripänantami. ¡Runacuna yarpashanga tantiyaytapis mana atipaypämi!

Proverbios 12:20

Fiyucunaga imanöpapis engañayllatami yarparaycan. Alli willapajcunami ichanga cushicachin.

Proverbios 19:21

Runaga ima-aycata ruraytapis yarpanmi. Chaypis Tayta Dios camacächishan cajllami camacan.

Proverbios 26:23

Allpa mancata guellaywan chapyashanömi mana allita yarpar janan shongulla rimajcunaga.

Ezequiel 17:9

«Nogapa jutëcho ninqui: ‹Caynömi Tayta Dios nin: « ‹¿Chay lantaga allichuraj wayonga? ¡Manami! Rimir caj ancami sapintapis rachirenga. Chaura wayuyninpis marpucäconga. Mana callpacuypa, wallca runallawanmi sapinpita achurenga. Chaura chillguiycaj rämancunapis ushajpämi chaquicäconga.

Daniel 10:1

Ciro quimsa watana Persiapa raynin caycashan wichan Beltsasar jutiyoj Danielga yapay juctapis suyñuran imanöpis cananpaj cajta. Chay suyñushanga sasa tantiyay caran. Chaypis Danielga sumaj yarpachacurmi tantiyaran imapaj cashantapis.

Daniel 11:28

Norte caj-lä rayga nasyunninman cuticongapaj pillyar ima-aycatapis guechushanta apacurcur. Cutiycashancho Santo Dioswan Conträtu rurashanta cumlejcunapapis contran ricacur ñacachengapaj. Llapan yarpashancunata ruraycorga nasyunninman cuticongapaj.

Daniel 11:29

Imaypis päsananpaj diya chayamuptinmi ichanga yapay suldäruncuna aywanga surcho cajwan pillyananpaj. Chay aywaychöga manami binsengapänachu rimir cajcho binsishannöga.

Daniel 11:35

Chay yachachej musyaj-yachajcunata achcajtami wañuchengapaj. Chayta ricarmi waquenga ñacaycuna captinpis awantanga. Chaynöpami jusgasha canan junäga limyu caycanga. Ichanga Dios camacächishan junaj chayamunanpäga unayrämi pishin.

Daniel 11:40

« ‹Ushanan junaj chayamuptin surcho tiyaj caj rayga aywangapaj norticho tiyaj caj raywan pillyaj. Mayarmi norticho tiyaj cajpis aywangapaj tincur pillyananpaj. Fiyupa wayranpawan löcu tamya aywajnömi yaycupaycongapaj surcho tiyaj cajtaga. Chayno aywar intëruman juntapaycärenga guërrapaj caj carrëtancunawan, cawalluwan caj muntädu suldärucunawan, büquicunawan caj suldärucunapis.

Daniel 8:17

Chaura payga ñaupäman witimuran. Noganami manchariywan ñaupanman gongurpacur umpurä urcöpis pampaman töpanancama. Chaymi pay nimaran: «Runa, suyñur ricashayquicunaga canga ushanan junajcunachömi.»

Daniel 8:19

Nircur nimaran: «Sumaj willapäshayqui Dios rabyacurcur castiganan junajcunapaj. Ricashayquega caycan ushanan junajcunapämi.

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Hechos 1:7

Jesusna niran: «Chaycunata musyanayquega manami camacanchu. Taytallämi imay junaj päsananpaj cashantapis musyan.

Hechos 17:31

Tayta Diosga maynami juc runata acrasha juc junaj llapan runacunata ima rurashanpitapis jusgananpaj. Acrashanta musyananchïpämi chay runataga wañushanpita cawarachimusha.»

1 Tesalonicenses 5:1

Ermänucuna, imay Taytanchi Jesucristo cutimunanpaj cashanpitaga manami cartacamömannachu.