Daniel 11:19 - Tayta Diosninchi Isquirbichishan

¹⁹ Chaypitana norte caj rayga nasyunnincho curalasha caycaj siudäninman cuticongapaj. Cuticuycashanchömi fiyupa mana alliman chayashpan wañuyta tarengapaj. Chaura chay rayga manami imaycamapis mayacangapänachu.

Daniel 11:19 ပူးပေါင်းရင်းမြစ်များ

Job 20:8

Chacaypa ricapacushannömi, suyñuynincho ricashannöllami illgangapaj. Chauraga pipis manami tarengapänachu chay runataga.

Job 34:24

Manami musyacachänanräpischu munayniyojcunata jitarinanpaj, chayman juctana ruquin churananpäpis.

Salmos 27:2

Fiyucunawan chiquimajcunaga shuntacan magamar illgächimänanpaj. Chaypis quiquincunami llutanman tunir mana alliman chayan.

Salmos 37:35

Fiyucunataga ricashcä rabyar fiyupa alli-tucojtami. Rämasapa jacha tunir may-maypa chayashannömi chayasha.

Salmos 37:36

Chayno caycashanpitami illgacäcusha. Chauraga ashirpis mananami tarishcänachu.

Isaías 24:20

Machasha runa tuniycachaycajnömi ricaconga. Tuniyta munaycaj chucllanömi alayri cuyuycanga. Cay pachacho tiyajcuna juchata rurashanga fiyupami lasaycan. Chaymi cay pachaga tunishpan imaypis mana jatarenganachu.

Jeremías 46:6

Fiyupa cörrejcunapis manami gueshpiyta puydinnachu. Jinyunnincunapis gueshpiyta manami camäpacunchu. Norte caj-lächo Éufrates mayu cantunchöga tacacar llapanmi tunircaycan.

Ezequiel 26:21

Illgächishpä fiyupa manchariypämanmi ticrachishayquipaj. Ashishushpayquipis mananami tarishunquipänachu. Noga Tayta Diosmi chayno në.»

Daniel 11:7

Chayno caycashanchömi sur caj-lä raypa famillyan jatarir aypalla suldäruncunawan pillyangapaj norte caj-lächo caycaj raywan. Chayno pillyashpanmi norte caj raypa curalasha siudäninman yaycuycur tiyacuycongapaj. Chay tiyacuycoj raypa suldäruncunanami pillyashpan waquin siudäcunacho tiyajcunatapis binsenga.