Colosenses 3:23 - Tayta Diosninchi Isquirbichishan

²³ Manduta rurarga cushishalla ruranqui, Jesucristo mandaycäshuptiquino.

Colosenses 3:23 ပူးပေါင်းရင်းမြစ်များ

2 Crónicas 31:21

Laycunata mandamintucunata cumlir Templucho imatapis rurachiran llapan shongunpa. Chaynöpami llapanpis alli llojshiparan.

Salmos 103:1

Almantïmi Tayta Diosta alabashaj. Llapan shongöpami alabashaj.

Salmos 119:10

Nogaga llapan shongöpami gamman yäracamö. Ama camacaycachiychu mandamintuyquicunapita pantacänätaga.

Salmos 119:145

Tayta Dios, llapan shongöpami mañacamö. Wiyaycamay ari. Llapan layniquicunatami cumliyta munä.

Salmos 119:34

Tantiyachimay yachachimashayquicunata mana gonganäpaj. Llapan shongöpami wiyacuyta munä.

Eclesiastés 9:10

Imatapis ruranayquipaj caycashayquicunataga llapan shonguyquipa juclla ruray. Wañucurnaga mananami imatapis ruranquipänachu ni yarpachacunquipänapischu. Manami imatapis musyanquipänachu. Ni yachaj cashayquipis manami canganachu.

Jeremías 3:10

Chayno cashanpitapis mana wiyacoj ñañan Judäga manami llapan shongunpachu nogaman cutimusha. Chaypa ruquenga janan shongullami.» Tayta Diosmi chayno nin.

Mateo 6:16

«Gamcuna ayunashpayquega ama janan shongu runacunano canquichu. Paycunaga llaquisha ayunan runacuna llaquishata ricananpaj. Chayno ayunaycashanta ricar runacuna ‹alli› nishallannami paycunapa premyun canga.

Romanos 14:6

Juc junaj waquin junajpita mas alli cashanta yarparpis Tayta Diosta wiyacuyta munarmi chayno yarpaycan. Aychata micojcunapis Tayta Diosninchïta agradësicushpanmi micun. Aychata mana micojcunapis Tayta Diosta agradësicushpanmi micuyninta micun.

Romanos 14:8

Cawarpis wañucurpis Tayta Jesucristuta adurananchïpämi caycanchi. Cawarpis wañucurpis Jesucristupa maquinchömi caycanchi.

Efesios 5:22

Majayoj warmicuna, Jesucristuta wiyacushayquinölla runayquitapis rispitar wiyacuy.

Colosenses 3:17

Imata rurar, imata parlarpis Tayta Jesucristo munashannölla caway. Jesucristo salbashushayquipita imaypis Tayta Diosninchïta agradësicuy-llapa.

1 Pedro 1:22

Alli willacuyninta chasquicusha carmi juchata mana ruranquinachu. Juchata mana rurarga llapan ermänucunawan alli ricanacuytami yachacushcanqui. Chayno caycaptenga llapan shonguyquicunawan cuyanacur caway.

1 Pedro 2:13

Taytanchi Jesucristuta pipis manacajman mana churananpaj mayur autoridäcunata, Romapa mandajninta wiyacuy. Paycunapa maquinchömi caycanchïpis.

1 Pedro 2:15

Autoridäcunata rispitar alli cawaptiquega Tayta Diosta mana wiyacojcuna manami contrayqui rimanganachu. Chayno cawanayquitami Tayta Diosninchi munan.